Ár 2001, hósdagin 18. oktober, kl. 13.30, varð tingfundur settur í útvarpshøllini.

Páll á Reynatúgvu, løgtingsmaður, landsstýrimenninir Jørgen Niclasen, Óli Holm og Sámal Petur í Grund, og ríkisumboðsmaðurin vóru ikki á fundi.

Farloyvi:
Skriv frá Kára P. Højgaard, dagfest 18. oktober 2001, við umsókn um farloyvi frá 22. oktober 2001, og at næsti maður á lista Sjálvstýrisfloksins í Eysturoya valdømi tekur sæti á tingi. Formaðurin heitti á løgtingsmenninar Hergeir Nielsen, Eyðun Viderø og Kristian Magnussen um at kanna val-brøvini fyri Sjálvstýrisflokkin í Eysturoyar valdømi. Hergeir Nielsen mælti til, vegna seg sjálvan, Eyðun Viderø og Kristian Magnussen, at Andrea Lervig tekur sæti á tingi fyri Kára P. Højgaard.
Samtykt uttan atkvøðugreiðslu.

Til viðgerðar:

1. 1. viðgerð av tingmáli nr. 11/2001: Uppskot til samtyktar um barnavernd, rættartrygd og mannarættindi.
   Málið beint í rættarnevndina.
   
2. 1. viðgerð av tingmáli nr. 12/2001: Uppskot til ríkislógartilmæli um at seta í gildi fyri Føroyar "lov om ændring af lov for Færøerne om rettens pleje".
   Málið beint í rættarnevndina.
   
3. Karsten Hansen, landsstýrismaður, svaraði fyrispurningi nr. 100-9/2001 til Karsten Hansen, landsstýrismann, frá Finni Helmsdal, løgtingsmanni, viðvíkjandi rundskrivi frá 28.12.1992 um 67 ára fráfaringaraldur.
   Málið avgreitt.
   
4. Svar upp á fyrispurning nr. 100-10/2001 til Karsten Hansen, landsstýrismann, frá Jógvan við Keldu, løgtingsmanni, um rentu av falnari skuld til landskassan og mótvegis landskassanum.
   Málið avgreitt.
   

Formaðurin boðaði frá hesum fyrispurningum:
Nr. 100-24/2001 til Jørgen Niclasen, landsstýrismann, frá Eyðun Viderø, løgtingsmanni, viðvíkjandi fyribyrging av vanlukkum, ið kunna elva til dálking í sjónum,
nr. 100-26/2001 til Anfinn Kallsberg, løgmann, frá Annitu á Fríðriksmørk, løgtingsmanni, viðvíkjandi almennu fyrisitingini, og
nr. 100-28/2001 til Anfinn Kallsberg, løgmann, frá Henrik Old, løgtingsmanni, viðvíkjandi fólkakirkjuni.

Formaðurin setti næsta fund at verða týsdagin 23. oktober 2001 kl. 13.30, við hesi dagsskrá:

1. Atkvøðugreiðsla um fyrispurning nr. 100-24/2001 til Jørgen Niclasen, landsstýrismann, frá Eyðun Viderø, løgtingsmanni, viðvíkjandi fyribyrging av vanlukkum, ið kunna elva til dálking í sjónum.
2. Atkvøðugreiðsla um fyrispurning nr. 100-26/2001 til Anfinn Kallsberg, løgmann, frá Annitu á Fríðriksmørk, løgtingsmanni, viðvíkjandi almennu fyrisitingini.
3. Atkvøðugreiðsla um fyrispurning nr. 100-28/2001 til Anfinn Kallsberg, løgmann, frá Henrik Old, løgtingsmanni, viðvíkjandi fólkakirkjuni.
4. 2. viðgerð av tingmáli nr. 10/2001: Uppskot til løgtingslóg um broyting í løgtingslóg um kringvarp.
5. Svar upp á fyrispurning nr. 100-11/2001 til Anfinn Kallsberg, løgmann, frá Flemming Mikkelsen, løgtingsmanni, viðvíkjandi samskatting/serskatting av hjúnum.
6. Svar upp á fyrispurning nr. 100-12/2001 til Bjarna Djurholm, landsstýrismann í arbeiðsmarknaðarmálum, frá Hans Paula Strøm, løgtingsmanni, viðvíkjandi løgtingssamtyktini um 120-daga regluna um uppsagnarfreist.
7. Framløga.

 Fundur lokin kl. 17.10. 

Finnbogi Ísakson
løgtingsformaður

/Marius Rein
skrivari