Ár 2001, mikudagin 17. oktober, kl. 13.30, varð tingfundur settur í útvarpshøllini.

Løgtingsmenninir Eyðun Viderø, Helena Dam á Neystabø og Hergeir Nielsen, og ríkisumboðsmaðurin vóru ikku á fundi.

Til viðgerðar:

1. Munnligir fyrispurningar.
   
2. Atkvøðugreiðsla um fyrispurning nr. 100-22/2001 til Anfinn Kallsberg, løgmann, frá Jákup Lamhauge, løgtingsmanni, viðvíkjandi kommunum – yvirtiknum málsøkjum.
   Samtykt uttan atkvøðugreiðslu, at fyrispurningurin skal svarast.
   
3. Atkvøðugreiðsla um fyrispurning nr. 100-23/2001 til Anfinn Kallsberg, løgmann, frá Edmund Joensen, løgtingsmanni, viðvíkjandi fríhandilssáttmálum við onnur lond.
   Samtykt uttan atkvøðugreiðslu, at fyrispurningurin skal svarast.
   

Tikið av dagsskrá:
Svar upp á fyrispurning nr. 100-9/2001 til Karsten Hansen, landsstýrismann í fíggjarmálum, frá Finni Helmsdal, løgtingsmanni, viðvíkjandi rundskrivi frá 28.12.1992 um 67 ára fráfaringaraldur.

Formaðurin fráboðaði fyrispurningi nr. 100-25/2001 til ríkisumboðsmannin frá Lisbeth L. Petersen, løgtingsmanni, viðvíkjandi rentum til Danmarkar.

Formaðurin setti næsta fund at verða hósdagin 18. oktober 2001, kl. 13.30, við hesi dagsskrá:

1. 1. viðgerð av tingmáli nr. 11/2001: Uppskot til samtyktar um barnavernd, rættartrygd og mannarættindi.
   Málið verður beint í rættarnevndina.
2. 1. viðgerð av tingmáli nr. 12/2001: Uppskot til ríkislógartilmæli um at seta í gildi fyri Føroyar "lov om ændring af lov for Færøerne om rettens pleje".
   Málið verður beint í rættarnevndina.
3. Svar upp á fyrispurning nr. 100-9/2001 til Karsten Hansen, landsstýrismann í fíggjarmálum, frá Finni Helmsdal, løgtingsmanni, viðvíkjandi rundskrivi frá 28.12.1992 um 67 ára fráfaringaraldur.
4. Svar upp á fyrispurning nr. 100-10/2001 til Karsten Hansen, landsstýrismann, frá Jógvan við Keldu, løgtingsmanni, um rentu av faldnari skuld til landskassan og mótvegis landskassanum.
5. Framløga.

 Fundur lokin kl. 17.00. 

Finnbogi Ísakson
løgtingsformaður

/Marius Rein
skrivari