Gerðabók
Løgtingsins fyri tingsetuna 2001 |
9. fundur |
Týsdagur 11. september 2001 |
kl. 13.30 |
Ár 2001, týsdagin 11. september, kl. 13.30, varð tingfundur settur í
útvarpshøllini.
Løgtingsmenninir Eyðun Viderø, Henrik Old, Jenis av Rana, Alfred Olsen, Kári P.
Højgaard, Helena Dam á Neystabø og Jógvan Durhuus, Anfinn Kallsberg, løgmaður,
Sámal Petur í Grund, landsstýrismaður, og ríkisumboðsmaðurin vóru ikki á fundi.
Til viðgerðar:
- Atkvøðugreiðsla um fyrispurning nr. 100-8/2001
til Óla Holm, landsstýrismann, frá Heðin Mortensen, løgtingsmanni, viðvíkjandi
ítróttarháskúla og frælsum ítróttarøki í Hoydølum.
Samtykt uttan atkvøðugreiðslu, at fyrispurningurin skal svarast.
- Atkvøðugreiðsla um fyrispurning nr. 100-9/2001
til Karsten Hansen, landsstýrismann í fíggjarmálum, frá Finni Helmsdal,
løgtingsmanni, viðvíkjandi rundskrivi frá 28.12.1992 um 67 ára fráfaringaraldur.
Samtykt uttan atkvøðugreiðslu, at fyrispurningurin skal svarast.
- Atkvøðugreiðsla um fyrispurning nr. 100-10/2001
til Karsten Hansen, landsstýrismann, frá Jógvan við Keldu, løgtingsmanni, um rentu av
faldnari skuld til landskassan og mótvegis landskassanum.
Samtykt uttan atkvøðugreiðslu, at fyrispurningurin skal svarast.
- Atkvøðugreiðsla um fyrispurning nr. 100-11/2001
til Anfinn Kallsberg, løgmann, frá Flemming Mikkelsen, løgtingsmanni, viðvíkjandi
samskatting/serskatting av hjúnum.
Samtykt uttan atkvøðugreiðslu, at fyrispurningurin skal svarast.
- Atkvøðugreiðsla um fyrispurning nr. 100-12/2001
til Bjarna Djurholm, landsstýrismann í arbeiðsmarknaðarmálum, frá Hans Paula Strøm,
løgtingsmanni, viðvíkjandi løgtingssamtyktini um 120-daga regluna um uppsagnarfreist.
Samtykt uttan atkvøðugreiðslu, at fyrispurningurin skal svarast.
- Óli Holm, landsstýrismaður, svaraði fyrispurningi nr. 100-4/2001
frá Dan R. Petersen, løgtingsmanni, um programmnevndir í útvarpi og sjónvarpi.
Málið avgreitt.
- Óli Holm, landsstýrismaður, svaraði fyrispurningi nr. 100-6/2001
frá Jóannes Eidesgaard, løgtingsmanni, viðvíkjandi Føroya Brandskúla við Áir.
Málið avgreitt.
- Bjarni Djurholm, landsstýrismaður, svaraði fyrispurningi nr. 100-5/2001
frá Mamy Dahl Sørensen, løgtingsmanni, (Vilhelm Johannesen) um ferðasambandið um
Leirvíksfjørð.
Málið avgreitt.
Formaðurin setti næsta fund at verða mikudagin 19. september 2001, kl. 13.30, við
hesi dagsskrá:
- Munnligir fyrispurningar.
- Svar upp á fyrispurning nr. 100-2/2001
til Óla Holm, landsstýrismann, frá Kára P. Højgaard, løgtingsmanni, um flytan av
stuðulsstovninum inn til Runavíkar.
- Framløga.
Um tingfundur verður áðrenn mikudagin 19. september 2001, verður hann lýstur á
vanligan hátt.
Fundur lokin kl. 16.35.
Finnbogi Ísakson
løgtingsformaður
/Marius Rein
skrivari