Ár 2001, fríggjadagin 3. august, kl. 10.00, varð tingfundur settur í útvarpshøllini.

Til viðgerðar:

1. Umrøða av løgmansrøðuni.

Fundur niðurlagdur kl. 11.55
Fundur uppafturtikin kl. 13.30.
Fundur niðurlagdur kl. 17.30

Fundur uppafturtikin mánadagin 6. august 2001 kl. 10.00.

Farloyvi:
Skriv frá Finnboga Arge, dagfest 6. august 2001, við umsókn um farloyvi, og at næsti maður á lista Fólkafloksins í Suðurstreymoyar valdømi tekur sæti á tingi. Samtykt uttan atkvøðugreiðslu, at Katrin D. Johansen, ið áður hevur verið á tingi, skal taka sæti fyri Finnboga Arge.

Skriv frá Marjus Dam, dagfest 3. august 2001, við umsókn um farloyvi frá 6. august 2001 til og við 17. august 2001, og at næsti maður á lista Sambandsfloksins í Vága valdømi tekur sæti á tingi. Samtykt uttan atkvøðugreiðslu, at Sune Jacobsen, ið áður hevur verið á tingi, skal taka sæti fyri Marjus Dam.

2. Framhaldandi umrøða av løgmansrøðuni.
   

Fundur niðurlagdur kl. 12.25.
Fundur uppafturtikin kl. 13.30.
Fundur niðurlagdur kl. 17.05.

Fundur uppafturtikin týsdagin 7. august 2001 kl. 10.00.


Farloyvi:
Skriv frá Vilhelm Johannesen, dagfest 6. august 2001, við umsókn um farloyvi frá 8. august 2001 og 10 dagar fram, og at næsti maður á lista Javnaðarfloksins í Norðoya valdømi tekur sæti á tingi. Samtykt uttan atkvøðugreiðslu, at Mamy Dahl Sørensen, ið áður hevur verið á tingi, skal taka sæti fyri Vilhelm Johannesen.

3. Framløga
   Formaðurin boðaði frá, at Sune Jacobsen, løgtingsmaður, vegna Sambandsflokkin, hevur lagt fram tingmál nr. 6/2001: Uppskot til løgtingslóg um fyribils úrgildissetan av løgtingslógini um serligt avgjald á brenniolju.
   
4. Framhaldandi umrøða av løgmansrøðuni.

Fundur niðurlagdur kl. 12.05.
Fundur uppafturtikin kl. 13.30.

Málið avgreitt.

Formaðurin fráboðaði hesar fyrispurningar:
Nr. 100-1/2001 til Sámal Petur í Grund, landsstýrismann, frá Jenis av Rana, løgtingsmanni, um fosturtøku, og
nr. 100-2/2001 til Óla Holm, landsstýrismann, frá Kára P. Højgaard, løgtingsmanni, um flytan av stuðulsstovninum inn til Runavíkar.

Formaðurin setti næsta fund at verða mikudagin, 8. august 2001, kl. 13.30, við hesi dagsskrá:

1. Atkvøðugreiðsla um fyrispurning nr. 100-1/2001 til Sámal Petur í Grund, landsstýrismann, frá Jenis av Rana, løgtingsmanni, um fosturtøku.
2. Atkvøðugreiðsla um fyrispurning nr. 100-2/2001 til Óla Holm, landsstýrismann, frá Kára P. Højgaard, løgtingsmanni, um flytan av stuðulsstovninum inn til Runavíkar.
3. 1. viðgerð av tingmáli nr. 3/2001: Uppskot til løgtingslóg um postvirksemi.
4. 1. viðgerð av tingmáli nr. 4/2001: Uppskot til samtyktar um at seta pening í grunn til hækkan av pensjónum..
5. Framløga.

Fundur lokin kl. 19.55

Finnbogi Ísakson
løgtingsformaður

/Marius Rein
skrivari