Ár 2001, týsdagin 24. apríl, kl. 10.00, varð tingfundur settur.

Vilhelm Johannesen, løgtingsmaður, landsstýrismenninir Tórbjørn Jacobsen og Sámal Petur í Grund og ríkisumboðsmaðurin vóru ikki á fundi.

Til viðgerðar:

1. Løgmaður leggur fram tingmál nr. 101-7/2000: Frágreiðing sambært § 51, stk. 4, í tingskipanini um útoyggjaálitið.

2. 3. viðgerð av tingmáli nr. 81/2000: Uppskot til løgtingslóg um broyting í løgtingslóg um stuðul til uppihaldspening.
   Uppskotið, sum samtykt við 2. viðgerð, endaliga samtykt 30-0-0.
   Málið avgreitt.
   
3. 3. viðgerð av tingmáli nr. 112/2000: Uppskot til løgtingslóg um royndarskipan við dagtilhaldi fyri fjølbrekað børn úr Nes og Runavíkar kommunu.
   Uppskotið, sum samtykt við 2. viðgerð, endaliga samtykt 30-0-0.
   Málið avgreitt.
   
4. 3. viðgerð av tingmáli nr. 113/2000: Uppskot til løgtingslóg um studningslán til ellis- og røktarheim í Norðurstreymoy.
   Uppskotið, sum samtykt við 2. viðgerð, endaliga samtykt 30-0-0.
   Málið avgreitt.
   
5. 2. viðgerð av tingmáli nr. 62-8/2000: Grannskoðan av almennum roknskapum: Landsroknskapurin 1999.
   Uppskot til samtyktar samtykt 30-0-0.
   Málið avgreitt.
   
6. 2. viðgerð av tingmáli nr. 60/2000: Uppskot til samtyktar um útjaðaragrunn.
   Uppskot til samtyktar samtykt 29-0-0.
   Málið avgreitt.
   
7. 2. viðgerð av tingmáli nr. 87/2000: Uppskot til løgtingslóg um broyting í løgtingslóg um grundlógarnevnd.
   Broytingaruppskot frá samdari rættarnevnd til § 1 samtykt 26-0-4. Uppskotið soleiðis broytt samtykt 26-0-4. Uppskotið fer soleiðis samtykt til 3. viðgerð.
   
8. 2. viðgerð av tingmáli nr. 108/2000: Uppskot til løgtingslóg um Vinnuframagrunn.
   Broytingaruppskot frá samdari vinnunevnd til §§ 3, 4 og 8 samtykt 30-0-0. Uppskotið soleiðis broytt samtykt 30-0-0. Uppskotið fer soleiðis samtykt til 3. viðgerð.
   
9. 2. viðgerð av tingmáli nr. 50/2000: Uppskot til løgtingslóg um dagpening vegna sjúku v.m.
   Broytingaruppskot frá samdari trivnaðarnevnd til §§ 1, 2, 7, 10, 12, 14 og 30 samtykt 28-0-0. Uppskotið soleiðis broytt samtykt 28-0-0. Uppskotið fer soleiðis samtykt til 3. viðgerð.
   
10. 2. viðgerð av tingmáli nr. 96/2000: Uppskot til løgtingslog um broyting í løgtingslóg um innlit í fyrisitingina.
    §§ 1 og 2 samtyktar 28-0-0. Uppskotið fer soleiðis samtykt til 3. viðgerð.
    
11. 2. viðgerð av tingmáli nr. 103/2000: Uppskot til løgtingslóg um viðgerð av persónsupplýsingum.
    Broytingaruppskot frá samdari rættarnevnd til §§ 16, 17 og 47 samtykt 30-0-0. Uppskotið soleiðis broytt samtykt 29-0-1. Uppskotið fer soleiðis samtykt til 3. viðgerð.
    
12. Aðalorðaskifti um tingmál nr. 101-4/2000: Frágreiðing sambært § 51, stk. 2, í tingskipanini frá Jørgen Niclasen, landsstýrismanni, um fiskivinnupolitikk, fyritreytir og stevnumið.
    

Fundur niðurlagdur kl. 11.50.
Fundur uppafturtikin kl. 13.30.

Málið avgreitt.

13. Bjarni Djurholm, landsstýrismaður, svaraði fyrispurningi nr. 100-80/2000 frá Henrik Old, løgtingsmanni, viðvíkjandi telesambandinum uttan fyri miðstaðarøkið.
    Málið avgreitt.
    
14. Framløga.
    Formaðurin boðaði frá, at rættarnevndin hevur lagt fram álit í tingmáli nr. 88/2000: Uppskot til løgtingslóg um sjálvbodnar kommunusamanleggingar, og at fíggjarnevndin hevur lagt fram álit í tingmáli nr. 1-9/2000: Uppskot til eykajáttanarløgtingslóg fyri mars 2001.

Formaðurin setti næsta fund at verða hósdagin 26. apríl 2001, kl. 10.00, við hesi dagsskrá:

1. 3. viðgerð av tingmáli nr. 50/2000: Uppskot til løgtingslóg um dagpening vegna sjúku v.m.
2. 3. viðgerð av tingmáli nr. 87/2000: Uppskot til løgtingslóg um broyting í løgtingslóg um grundlógarnevnd.
3. 3. viðgerð av tingmáli nr. 103/2000: Uppskot til løgtingslóg um viðgerð av persónsupplýsingum.
4. 3. viðgerð av tingmáli nr. 96/2000: Uppskot til løgtingslóg um broyting í løgtingslóg um innlit í fyrisitingina.
5. 3. viðgerð av tingmáli nr. 108/2000: Uppskot til løgtingslóg um Vinnuframagrunn.
6. 2. viðgerð av tingmáli nr. 1-9/2000: Uppskot til eykajáttanarløgtingslóg fyri mars 2001.
7. 2. viðgerð av tingmáli nr. 88/2000: Uppskot til løgtingslóg um sjálvbodnar kommunusamanleggingar.
8. Aðalorðaskifti um tingmál nr. 101-6/2000: Frágreiðing sambært § 51, stk. 4, í tingskipanini, frá Tórbjørn Jacobsen, landsstýrismanni, um økismenning.
9. Svar upp á fyrispurning nr. 100-54/2000 til Bjarna Djurholm, landsstýrismann, frá Jákup Suna Joensen, løgtingsmanni, viðvíkjandi eftirlitsuppgávum Arbeiðseftirlitsins.
10. Svar upp á fyrispurning nr. 100-62/2000 til Bjarna Djurholm, landsstýrismann, frá Rúnu Sivertsen, løgtingsmanni, viðvíkjandi vantandi trygd og tænastu hjá Strandfaraskipum landsins herundir bygdaleiðum.
11. Svar upp á fyrispurning nr. 100-76/2000 til Bjarna Djurholm, landsstýrismann, frá Hergeir Nielsen, løgtingsmanni, viðvíkjandi loftvegissambandi til Suðuroynna.
12. Svar upp á fyrispurning nr. 100-77/2000 til Eyðun Elttør, landsstýrismann, frá Hergeir Nielsen, løgtingsmanni, viðvíkjandi avgjaldi á brennievni – dálking.
13. Svar upp á fyrispurning nr. 100-81/2000 til Bjarna Djurholm, landsstýrismann, frá Hergeir Nielsen, løgtingsmanni, viðvíkjandi nýggjum prísbygnaði hjá Strandfaraskipum Landsins.
14. Framløga.

Fundur lokin kl. 17.10.  

Finnbogi Ísakson
løgtingsformaður

/Marius Rein
skrivari