Ár 2001, fríggjadagin 30. mars, kl. 10.00, varð tingfundur settur.

Løgtingsmenninir Hans Pauli Strøm, Heðin Mortensen, Páll á Reynatúgvu og Finnur Helmsdal, Anfinn Kallsberg, løgmaður, landsstýrismenninir Jørgen Niclasen, Bjarni Djurholm, Tórbjørn Jacobsen, Høgni Hoydal, Karsten Hansen, Sámal Petur í Grund og Eyðun Elttør og ríkisumboðsmaðurin vóru ikki á fundi.

Til viðgerðar:

1. 3. viðgerð av tingmáli nr. 98/2000: Uppskot til ríkislógartilmæli um at seta í gildi fyri Føroyar "lov om værdipapirhandel m.v."
   Uppskotið, sum samtykt við 2. viðgerð, endaliga samtykt 22-0-0.
   Málið avgreitt.
   
2. 3. viðgerð av tingmáli nr. 64/2000: Uppskot til løgtingslóg um broyting í løgtingslóg um ferðslu.
   Uppskotið, sum samtykt við 2. viðgerð, endaliga samtykt 23-0-0.
   Málið avgreitt.
   
3. 2. viðgerð av tingmáli nr. 67/2000: Uppskot til samtyktar um tilráðingar frá Norðurlandaráðnum í 2000 og um frágreiðing um virki ráðsins í 2000.
   Uppskot til samtyktar samtykt 23-0-0.
   Málið avgreitt.
   
4. 2. viðgerð av tingmáli nr. 58/2000: Uppskot til løgtingslóg um útbúgving av manning á skipum o.ø.
   §§ 1 til 12 samtyktar 27-0-0. Uppskotið fer soleiðis samtykt til 3. viðgerð.
   
5. 2. viðgerð av tingmáli nr. 65/2000: Uppskot til løgtingslóg um broyting í og avtøku av løgtingslóg um serligt avgjald á brenniolju.
   Broytingaruppskot frá Henrik Old til §§ 1 og 2 fall 13-0-14. §§ 1 og 2 fullu 13-0-14. Málið sostatt fallið.
   Málið avgreitt.
   
6. 2. viðgerð av tingmáli nr. 69/2000: Uppskot til løgtingslóg um broyting í løgtingslóg um avgjald av framleiðslu og innflutningi.
   §§ 1 og 2 samtyktar 13-1-12. Uppskotið fer soleiðis samtykt til 3. viðgerð.
   

Formaðurin setti næsta fund at verða mikudagin 4. apríl 2001, kl. 13.30, við hesi dagsskrá:

1. Munnligir fyrispurningar.
2. 3. viðgerð av tingmáli nr. 58/2000: Uppskot til løgtingslóg um útbúgving av manning á skipum o.ø.
3. 2. viðgerð av tingmáli nr. 106/2000: Uppskot til løgtingslóg um vinnu.
4. 2. viðgerð av tingmáli nr. 107/2000: Uppskot til ríkislógartilmæli um at seta í gildi fyri Føroyar "lov om erhvervsdrivende virksomheder".
5. 1. viðgerð av tingmáli nr. 62-8/2000: Grannskoðan av almennum roknskapum: Landsroknskapurin 1999.
6. Framløga.

 Fundur lokin kl. 10.35.  

Finnbogi Ísakson
løgtingsformaður

/Marius Rein
skrivari