Ár 2001, mikudagin 28. mars, kl. 13.30, varð tingfundur settur.

Løgtingsmenninir Hans Pauli Strøm, Edmund Joensen og Helena Dam á Neystabø, landsstýrismenninir Jørgen Niclasen og Karsten Hansen og ríkisumboðsmaðurin vóru ikki á fundi.

Til viðgerðar:

1. Atkvøðugreiðsla um fyrispurning nr. 100-53/2000 til Sámal Petur í Grund, landsstýrismann, frá Kristian Magnussen, løgtingsmanni, um aðalstjóran í Almanna- og heilsumálastýrinum.
   Samtykt uttan atkvøðugreiðslu, at fyrispurningurin skal svarast.
   
2. 1. viðgerð av tingmáli nr. 71/2000: Uppskot til samtyktar um bygnaðarbroytingar/útlisiteringar á Landsverkfrøðingsstovninum og Strandfaraskipum Landsins.
   Málið beint í vinnunevndina.
   
3. Tórbjørn Jacobsen, landsstýrismaður, svaraði fyrispurningi nr. 100-47/2000 frá Sámal Petur í Grund, løgtingsmanni, (Kári P. Højgaard) viðvíkjandi Sjónvarpi Føroya.
   Málið avgreitt.
   
4. Framløga.
   Formaðurin boðaði frá, at fíggjarnevndin hevur lagt fram álit í tingmálunum nr. 65/2000: Uppskot til løgtingslóg um broyting í og avtøku av løgtingslóg um serligt avgjald á brenniolju og nr. 69/2000: Uppskot til løgtingslóg um broyting í løgtingslóg um avgjald av framleiðslu og innflutningi.

Formaðurin setti næsta fund at verða hósdagin 29. mars 2001, kl. 10.00, við hesi dagsskrá:

1. Aðalorðaskifti um tingmál nr. 101-3/2000: Frágreiðing sambært § 51, stk. 2, í tingskipanini frá løgmanni um uttanlandsmál 2000/2001.
2. Framløga.

 Fundur lokin kl. 17.05 

Finnbogi Ísakson
løgtingsformaður

/Marius Rein
skrivari