Ár 2001, hósdagin 22. mars, kl. 13.30, varð tingfundur settur.

Løgtingsmenninir Katrin D. Jakobsen, Jenis av Rana og Marjus Dam, og landsstýrismenninir Jørgen Niclasen, Karsten Hansen og Sámal Petur í Grund vóru ikki á fundi.

Til viðgerðar:

1. Løgmaður legði fram tingmál nr. 101-3/2000: Frágreiðing sambært § 51, stk. 2 í tingskipanini frá løgmanni um uttanlandsmál 2000/2001.
   
2. 3. viðgerð av tingmáli nr. 82/2000: Uppskot til løgtinglóg um broyting í løgtingslóg um stuðul til ferðaútreiðslur.
   Uppskotið, sum samtykt við 2. viðgerð, endaliga samtykt 25-0-0.
   Málið avgreitt.
   
3. 3. viðgerð av tingmáli nr. 83/2000: Uppskot til løgtingslóg um broyting í løgtingslóg um stuðul til rentuútreiðslur av lánum.
   Uppskotið, sum samtykt við 2. viðgerð, endaliga samtykt 25-0-0.
   Málið avgreitt.
   
4. 3. viðgerð av tingmáli nr. 84/2000: Uppskot til løgtingslóg um broyting í løgtingslóg um trygdargrunn fyri avreiðingar og lønir v.m.
   Uppskotið, sum samtykt við 2. viðgerð, endaliga samtykt 26-0-0.
   Málið avgreitt.
   
5. 3. viðgerð av tingmáli nr. 92/2000: Uppskot til løgtingslóg um at seta í gildi sáttmála millum Føroyar og Grønland at sleppa undan tvískatting av inntøku og ogn.
   Uppskotið, sum samtykt við 2. viðgerð, endaliga samtykt 26-0-0.
   Málið avgreitt.
   
6. 1. viðgerð av tingmáli nr. 108/2000: Uppskot til løgtingslóg um Vinnuframagrunn.
   Málið beint í vinnunevndina.
   
7. 1. viðgerð av tingmáli nr. 74/2000: Uppskot til samtyktar um serskatting av hjúnum.
   Málið beint í fíggjarnevndina.
   
8. 1. viðgerð av tingmáli nr. 78/2000: Uppskot til ríkislógartilmæli um fjølmiðlaábyrgdarlóg.
   Málið beint í rættarnevndina.
   
9. 1. viðgerð av tingmáli nr. 66/2000: Uppskot til samtyktar um tilráðingar frá Útnorðurráðnum í 2000 og um frágreiðing um virki ráðsins í 2000.
   Málið beint beinleiðis til 2. viðgerð.
   
10. Framløga.
    Formaðurin boðaði frá, at fíggjarnevndin hevur lagt fram álit í tingmálunum nr. 75/2000: Uppskot til løgtingslóg um broyting í løgtingslóg um skrásetingargjald á motorakførum v.m. og nr. 98/2000: Uppskot til ríkislógartilmæli um at seta í gildi fyri Føroyar "lov om værdipapirhandel m.v.", og at vinnunevndin hevur lagt fram álit í tingmálunum nr. 64/2000: Uppskot til løgtingslóg um broyting í løgtingslóg um ferðslu og nr. 70/2000: Uppskot til samtyktar um privatisering av almennum partafeløgum.

Formaðurin setti næsta fund at verða fríggjadagin 23. mars 2001, kl. 10.00, við hesi dagsskrá:

1. Atkvøðugreiðsla um fyrispurning nr. 100-52/2000 til Tórbjørn Jacobsen, landsstýrismann, frá Katrin D. Jakobsen, løgtingsmanni, viðvíkjandi landsskjalavørði.
2. 2. viðgerð av tingmáli nr. 49/2000: Uppskot til løgtingslóg um barsilsskipan.
3. 2. viðgerð av tingmáli nr. 104/2000: Uppskot til løgtingslóg um broyting í løgtingslóg um aling av fiski v.m.
4. 2. viðgerð av tingmáli nr. 86/2000: Uppskot um løgtingslóg um broyting í løgtingslóg um ávísar skúlar.
5. 2. viðgerð av tingmáli nr. 89/2000: Uppskot til ríkislógartilmæli um at seta í gildi fyri Føroyar lóg um upphavsrætt.
6. 2. viðgerð av tingmáli nr. 97/2000: Uppskot til løgtinglóg um broyting í løgtingslóg um skúlafyrisiting.
7. 1. viðgerð av tingmáli nr. 67/2000: Uppskot til samtyktar um tilráðingar frá Norðurlandaráðnum í 2000 og um frágreiðing um virki ráðsins í 2000.
8. Framløga.

Fundur lokin kl. 17.40.

Finnbogi Ísakson
løgtingsformaður

/Marius Rein
skrivari