Gerðabók
Føroya Løgtings fyri tingsetuna 2000 |
65. fundur |
Týsdagur 27. februar 2001 |
kl. 13.30 |
Ár 2001, týsdagin 27. februar, kl. 13.30, varð tingfundur settur.
Løgtingsmenninir Jóanis Nielsen, Jákup Suni Joensen og Marjus Dam, Anfinn Kallsberg,
løgmaður, landsstýrismenninir Tórbjørn Jacobsen og Eyðun Elttør, og
ríkisumboðsmaðurin vóru ikki á fundi.
Tikið aftur:
Formaðurin boðaði frá, at Javnaðarflokkurin í skrivi, dagfest 23. februar 2001,
sigur frá, at løgtingsmálini nr. 59/2000:
Uppskot til løgtingslóg um at seta partapening í P/f Smyril Line, og nr. 1-8/2000:
Uppskot til eykajáttanarløgtingslóg fyri februar 2001 verða tikin aftur.
Málini tikin aftur.
Til viðgerðar:
- 3. viðgerð av tingmáli nr. 56/2000:
Uppskot til løgtingslóg um bólking o.a. fyri skiparar og manningar á vaktar- og
bjargingarskipinum Brimli.
Uppskot frá Henrik Old um at beina málið aftur í nevnd samtykt 15-0-13.
Málið beint í fíggjarnevndina.
- 2. viðgerð av tingmáli nr. 53/2000:
Uppskot til løgtingslóg um broyting í løgtingslóg um ávísar skúlar.
§§ 1 og 2 fullu 11-1-16.
Málið sostatt fallið.
Málið avgreitt.
- 1. viðgerð av tingmáli nr. 62-1/2000:
Grannskoðan av almennum roknskapum: Menningargrunnur Ídnaðarins 1999.
Málið beint beinleiðis til 2. viðgerð.
- 1. viðgerð av tingmáli nr. 62-2/2000:
Grannskoðan av almennum roknskapum: Føroya Ídnaðargrunnur 1999.
Málið beint beinleiðis til 2. viðgerð.
- 1. viðgerð av tingmáli nr. 62-3/2000:
Grannskoðan av almennum roknskapum: Íleggingargrunnurin fyri Føroyar 1999.
Málið beint beinleiðis til 2. viðgerð.
Málini nr. 62-1/2000, nr. 62-2/2000 og nr. 62-3/2000 vórðu viðgjørd undir einum.
Formaðurin setti næsta fund at verða mikudagin 28. februar 2001, kl. 13.30, við
hesi dagsskrá:
- Møgulig framhaldandi 3. viðgerð av tingmáli nr. 56/2000: Uppskot
til løgtingslóg um bólking o.a. fyri skiparar og manningar á vaktar- og
bjargingarskipinum Brimli.
- Framløga.
Fundur lokin kl. 15.05.
Finnbogi Ísakson
løgtingsformaður
/Marius Rein
skrivari