Ár 2001, fríggjadagin 22. februar, kl. 10.00, varð tingfundur settur.

Løgtingsmenninir Jóanis Nielsen, Kjartan Joensen, Óli Breckmann, Jákup Suni Joensen, Jenis av Rana, Helena Dam á Neystabø og Hildur Patursson, landsstýrismenninir Jørgen Niclasen, Karsten Hansen og Eyðun Elttør, og ríkisumboðsmaðurin vóru ikki á fundi.

Til viðgerðar:

1. 1. viðgerð av tingmáli nr. 63/2000: Uppskot til løgtingslóg um fólka- og farmaflutning.
   Málið beint í vinnunevndina.
   

Farloyvi:

Skriv frá Sámal Petur í Grund, dagfest 23. februar 2001, við umsókn um farloyvi sambært § 62, stk. 2, í tingskipanini frá 26. februar 2001. Samtykt uttan atkvøðugreiðslu, at Kári P. Højgaard, ið áður hevur verið á tingi, skal taka sæti fyri Sámal Petur í Grund.

Formaðurin setti næsta fund at verða týsdagin 27. februar 2001, kl. 13.30, við hesi dagsskrá:

1. 3. viðgerð av tingmáli nr. 56/2000: Uppskot til løgtingslóg um bólking o.a. fyri skiparar og manningar á vaktar- og bjargingarskipinum Brimli.
2. 2. viðgerð av tingmáli nr. 53/2000: Uppskot til løgtingslóg um broyting í løgtingslóg um ávísar skúlar.
3. 1. viðgerð av tingmáli nr. 62-1/2000: Grannskoðan av almennum roknskapum: Menningargrunnur Ídnaðarins 1999.
4. 1. viðgerð av tingmáli nr. 62-2/2000: Grannskoðan av almennum roknskapum: Føroya Ídnaðargrunnur 1999.
5. 1. viðgerð av tingmáli nr. 62-3/2000: Grannskoðan av almennum roknskapum: Íleggingargrunnurin fyri Føroyar 1999.
6. Framløga.

 Fundur lokin kl. 12.00.  

Finnbogi Ísakson
løgtingsformaður

/Marius Rein
skrivari