Ár 2001, týsdagin 20. februar, kl. 13.30, varð tingfundur settur.

Løgtingsmenninir Henrik Old og Jóannes Eidesgaard, og Eyðun Elttør, landsstýrismaður, vóru ikki á fundi.

Farloyvi:
Skriv frá Jákup Sverra Kass, dagfest 16. februar 2001, við umsókn um farloyvi frá 20. februar 2001, og at næsti maður á lista Sjálvstýrisfloksins í Suðurstreymoyar valdømi tekur sæti á tingi. Samtykt uttan atkvøðugreiðslu, at Ronald Poulsen, ið áður hevur verið á tingi, skal taka sæti fyri Jákup Sverra Kass.

Skriv frá Annitu á Fríðriksmørk, dagfest 16. februar 2001, við umsókn um farloyvi frá 20. februar 2001, og at næsti maður á lista Tjóðveldisfloksins í Suðurstreymoyar valdømi tekur sæti á tingi. Samtykt uttan atkvøðugreiðslu, at Hildur Patursson, ið áður hevur verið á tingi, skal taka sæti fyri Annitu á Fríðriksmørk.

Skriv frá Jógvan á Lakjuni, dagfest 16. februar 2001, við umsókn um farloyvi frá 20. februar 2001, og at næsti maður á lista Fólkafloksins í Eysturoyar valdømi tekur sæti á tingi. Samtykt uttan atkvøðugreiðslu, at Kjartan Joensen, ið áður hevur verið á tingi, skal taka sæti fyri Jógvan á Lakjuni.

Skriv frá Eyðun Viderø, dagfest 16. februar 2001, við umsókn um farloyvi frá 20. februar 2001, og at næsti maður á lista Fólkafloksins í Sandoyar valdømi tekur sæti á tingi. Formaðurin heitti á Vilhelm Johannesen, Alfred Olsen og Jóanis Nielsen um at kanna valbrøvini fyri Fólkaflokkin í Sandoyar valdømi. Vilhelm Johannesen, boðaði frá, at næsti maður á lista Fólkafloksins í Sandoyar valdømi er Róland Vidtfeldt, men í skrivi, dagfest 15. februar 2001, sigur Rólant Vidtfeldt frá, at hann av givnum orsøkum ikki kann møta á tingi í tíðarskeiðnum, farloyvi verður biðið um. Vilhelm Johannesen mælti tí til, vegna seg sjálvan, Alfred Olsen og Jóanis Nielsen, at Hanus undir Leitinum tekur sæti á tingi fyri Eyðun Viderø.
Samtykt uttan atkvøðugreiðslu.

Skriv frá Hergeir Nielsen, dagfest 16. februar 2001, við umsókn um farloyvi frá 20. februar 2001, og at næsti maður á lista Tjóðveldisfloksins í Suðuroyar valdømi tekur sæti á tingi. Formaðurin heitti á Vilhelm Johannesen, Alfred Olsen og Jóanis Nielsen um at kanna valbrøvini fyri Tjóðveldisflokkin í Suðurar valdømi. Vilhelm Johannesen mælti til, vegna seg sjálvan, Alfred Olsen og Jóanis Nielsen, at Jógvan Krosslá tekur sæti á tingi fyri Hergeir Nielsen.
Samtykt uttan atkvøðugreiðslu.

Til viðgerðar:

1. 3. viðgerð av tingmáli nr. 28/2000: Uppskot til løgtingslóg um broyting í lóg um barnaforsorg.
   Uppskotið, sum samtykt við 2. viðgerð, endaliga samtykt 18-0-11.
   Málið avgreitt.
   
2. 2. viðgerð av tingmáli nr. 1-7/2000: Uppskot til eykajáttanarløgtingslóg fyri januar 2001.
   Uppskot landsstýrisins samtykt 18-0-12. Uppskotið fer soleiðis samtykt til 3. viðgerð.
   
3. 1. viðgerð av tingmáli nr. 58/2000: Uppskot til løgtingslóg um útbúgving av manning á skipum o.ø.
   Málið beint í mentanarnevndina.
   
4. Framløga.
   Formaðurin boðaði frá, at Jørgen Niclasen, landsstýrismaður, vegna landsstýrið, hevur lagt fram, tingmál nr. 61/2000: Uppskot til løgtingslóg um broyting í løgtingslóg um stuðul til flutning av fiski, at Bjarni Djurholm, landsstýrismaður, vegna landsstýrið, hevur lagt fram tingmál nr. 63/2000: Uppskot til løgtingslóg um fólka- og farmaflutning, at Løgtingsgrannskoðararnir hava lagt fram tingmálini nr. 62-1/2000: Grannskoðan av almennum roknskapum: Menningargrunnur Ídnaðarins 1999, nr. 62-2/2000: Grannskoðan av almennum roknskapum: Føroya Ídnaðargrunnur 1999, nr. 62-3/2000: Grannskoðan av almennum roknskapum: Íleggingargrunnurin fyri Føroyar 1999, nr. 62-4/2000: Grannskoðan av almennum roknskapum: Apoteksverk Føroya 1999, nr. 62-5/2000: Grannskoðan av almennum roknskapum: Føroya Jarðargrunnur 1999, nr. 62-6/2000: Grannskoðan av almennum roknskapum: Grunnurin fyri vakstrarhús og grønmetisframleiðslu 1999, og nr. 62-7/2000: Grannskoðan av almennum roknskapum: Húsalánsgrunnurin, Íbúðargrunnurin og Bjálvingarstuðulslánsgrunnurin 1999, og at fíggjarnevndin hevur lagt fram álit í tingmáli nr. 56/2000: Uppskot til løgtingslóg um bólking o.a. fyri skiparar og manningar á vaktar- og bjargingarskipinum Brimli.

Tikið av dagsskrá:
1. viðgerð av tingmáli nr. 60/2000: Uppskot til samtyktar um útjaðaragrunn.

Formaðurin fráboðaði fyrispurning nr. 100-48/2000 til Bjarna Djurholm, landsstýrismann í vinnumálum, frá Hans Paula Strøm, løgtingsmanni, viðvíkjandi arbeiðsumhvørvislógini

Formaðurin setti næsta fund at verða hósdagin 22. februar 2001, kl. 13.30, við hesi dagsskrá:

1. Ófráboðaðir fyrispurningar.
2. Atkvøðugreiðsla um fyrispurning nr. 100-48/2000 til Bjarna Djurholm, landsstýrismann í vinnumálum, frá Hans Paula Strøm, løgtingsmanni, viðvíkjandi arbeiðsumhvørvislógini.
3. 3. viðgerð av tingmáli nr. 1-7/2000: Uppskot til eykajáttanarløgtingslóg fyri januar 2001.
4. 2. viðgerð av tingmáli nr. 56/2000: Uppskot til løgtingslóg um bólking o.a. fyri skiparar og manningar á vaktar- og bjargingarskipinum Brimli.
5. 1. viðgerð av tingmáli nr. 60/2000: Uppskot til samtyktar um útjaðaragrunn.
6. 1. viðgerð av tingmáli nr. 61/2000: Uppskot til løgtingslóg um broyting í løgtingslóg um stuðul til flutning av fiski.
7. 1. viðgerð av tingmáli nr. 63/2000: Uppskot til løgtingslóg um fólka- og farmaflutning.
8. Framløga.

 Fundur lokin kl. 16.05. 

Finnbogi Ísakson
løgtingsformaður

/Marius Rein
skrivari