Gerðabók
Føroya Løgtings fyri tingsetuna 2000 |
58. fundur |
Týsdagur 13. februar 2001 |
kl. 13.30 |
Ár 2001, týsdagin 13. februar, kl. 13.30, varð tingfundur settur.
Løgtingsmenninir Katrin D. Johansen, Henrik Old og Sámal Petur í Grund, og Helena
Dam á Neystabø, landsstýrismaður, vóru ikki á fundi.
Farloyvi
Skriv frá Jákup Suna Joensen, dagfest 12.februar 2001, við umsókn um farloyvi frá
13. februar 2001 og 10 dagar fram, og at næsti maður á lista Fólkafloksins í
Norðstreymoyar valdømi tekur sæti á tingi. Samtykt uttan atkvøðugreiðslu, at Ingi
Olsen, ið áður hevur verið á tingi, skal taka sæti fyri Jákup Suna Joensen.
Tikið aftur:
Formaðurin boðaði frá, at Helena Dam á Neystabø, landsstýrismaður, í skrivi,
dagfest 6. februar 2001, sigur frá, at løgtingsmál nr. 26/2000: Uppskot til
løgtingslóg um broyting í løgtingslóg um Húsalánsgrunn o.a. verður tikið aftur.
Málið tikið aftur.
Til viðgerðar:
- 2. viðgerð av tingmáli nr. 35/2000:
Uppskot til løgtingslóg um broyting í løgtingslóg um trygdargrunn fyri
avreiðingar og lønir v.m.
§§ 1 og 2 samtyktar
25-0-0.
Uppskotið fer soleiðis samtykt til 3. viðgerð.
- 2. viðgerð av tingmáli nr. 36/2000:
Uppskot til løgtingslóg um broyting í løgtingslóg um
arbeiðsmarknaðareftirlønargrunn.
§§ 1 og 2 samtyktar 26-0-0.
Uppskotið fer soleiðis samtykt til 3. viðgerð.
- 2. viðgerð av tingmáli nr. 54/2000:
Uppskot til løgtingslóg um landskassaveðhald fyri lánum frá "Kreditforeningen af
Kommuner i Danmark" til føroyskar kommunur.
Broytingaruppskot frá samdari fíggjarnevnd til § 1 samtykt 26-0-0. Uppskotið
soleiðis broytt samtykt 25-1-0.
Uppskotið fer soleiðis samtykt til 3. viðgerð.
- 2. viðgerð av tingmáli nr.
48/2000: Uppskot til løgtingslóg um fyribyrging og niðurberjing av sjúkum hjá
dýrum og um marknaeftirlit við dýrum og dýraúrdráttum (dýrasjúkulógin).
Broytingaruppskot frá samdari vinnunevnd til heiti á lógaruppskotinum, orðini
"hestur" og "dýr", §§ 2, 38, 40, 46 og 49 samtykt 25-1-0. Uppskotið
soleiðis broytt samtykt
25-0-1. Uppskotið fer soleiðis samtykt til 3. viðgerð.
- Høgni Hoydal, landsstýrismaður, svaraði fyrispurningi nr. 100-42/2000
frá Jóannes Eidesgaard, løgtingsmanni, viðvíkjandi grundlógararbeiðinum.
Málið avgreitt.
- Framløga.
Formaðurin boðaði frá, at Tórbjørn Jacobsen, landsstýrismaður, vegna
landsstýrið, hevur lagt fram tingmálini nr. 57/2000: Uppskot
til løgtingslóg um broyting í løgtingslóg um kringvarp, og nr. 58/2000:
Uppskot til løgtingslóg um útbúgving av manning á skipum o.ø., at Jóannes
Eidesgaard, vegna Javnaðarflokkin hevur lagt fram tingmálini nr. 59/2000:
Uppskot til løgtingslóg um at seta partapening í P/f Smyril Line og nr. 1-8/2000:
Uppskot til eykajáttanarløgtingslóg fyri februar 2001, at uttanlandsnevndin hevur
lagt fram álit í tingmáli nr. 19/2000:
Uppskot til samtyktar um samráðingar um broytingar í heimastýrislógini, at
vinnunenvndin hevur lagt fram álit í tingmáli nr. 47/2000:
Uppskot til løgtingslóg um broyting í løgtingslóg um sjómenn, at trivnaðarnevndin
hevur lagt fram álit í tingmáli nr. 28/2000:
Uppskot til løgtingslóg um broyting í lóg um barnaforsorg, og at mentanarnevndin
hevur lagt fram álit II í tingmáli nr. 32/2000:
Uppskot til løgtingslóg um broyting í løgtingslóg um fólkaskúlan.
Formaðurin setti næsta fund at verða mikudagin 14. februar 2001, kl. 13.30, við
hesi dagsskrá:
- 1. viðgerð av tingmáli nr. 56/2001:
Uppskot til løgtingslóg um bólking o.a. fyri skiparar og manningar á vaktar- og
bjargingarskipinum Brimli.
Málið verður beint í fíggjarnevndina.
- Framhaldandi 2. viðgerð av tingmáli nr. 32/2000:
Uppskot til løgtingslóg um broyting í løgtingslóg um fólkaskúlan.
- Svar upp á fyrispuring nr. 100-39/2000
til Eyðun Elttør, landsstýrismann, frá Henrik Old, løgtingsmanni, viðvíkjandi
útjaðaranum í sambandi við leiting og framleiðslu av kolvetnum.
- Svar upp á fyrispurning nr. 100-44/2000
til Bjarna Djurholm, landsstýrismann, frá Dan R. Petersen, løgtingsmanni, viðvíkjandi
aling.
- Svar upp á fyrispurning nr. 100-45/2000
til Tórbjørn Jacobsen, landsstýrismann, frá Sámal Petur í Grund, løgtingsmanni,
viðvíkjandi prestagarði í Glyvra prestagjaldi.
- Framløga.
Fundur lokin kl. 17.05.
Finnbogi Ísakson
løgtingsformaður
/Marius Rein
skrivari