Ár 2001, fríggjadagin 2. februar, kl. 10.00, varð tingfundur settur.

Løgtingsmenninir Eyðun Viderø, Dan R. Petersen og Katrin D. Jakobsen, Anfinn Kallsberg, løgmaður, landsstýrismenninir Jørgen Niclasen og Helena Dam á Neystabø og ríkisumboðsmaðurin vóru ikki á fundi.

Formaðurin boðaði frá, at ríkisumboðsmaðurin í skrivi, dagfest 1. februar 2001, sigur frá, at Dan M. Knudsen, fulltrúi, er settur ríkisumboðsmaður frá 2. til 11. februar 2001, báðir dagar íroknaðir.

Til viðgerðar:

1. 2. viðgerð av tingmáli nr. 43/2000: Uppskot til ríkislógartilmæli um at seta í gildi fyri Føroyar "lov om en garantifond for indskydere og investorer".
   Broytingaruppskot frá samdari fíggjarnevnd samtykt 27-0-0 . Ríkislógartilmæli soleiðis broytt samtykt 27-0-0. Uppskotið fer soleiðis samtykt til 3. viðgerð.
   
2. 2. viðgerð av tingmáli nr. 44/2000: Uppskot til ríkislógartilmæli um at seta í gildi fyri Føroyar "lov om banker og sparekasser".
   Broytingaruppskot frá samdari fíggjarnevnd samtykt 27-0-0. Ríkislógartilmæli soleiðis broytt samtykt 27-0-0. Uppskotið fer soleiðis samtykt til 3. viðgerð.
   
3. 1. viðgerð av tingmáli nr. 53/2000: Uppskot til løgtingslóg um broyting í løgtingslóg um ávísar skúlar.
   Málið beint í mentanarnevndina.
   

Tikið av dagsskrá:

Svar upp á fyrispuring nr. 100-39/2000 til Eyðun Elttør, landsstýrismann, frá Henrik Old, løgtingsmanni, viðvíkjandi útjaðaranum í sambandi við leiting og framleiðslu av kolvetnum.

Formaðurin setti næsta fund at verða týsdagin 6. februar 2001, kl. 13.30, við hesi dagsskrá:

1. 3. viðgerð av tingmáli nr. 43/2000: Uppskot til ríkislógartilmæli um at seta í gildi fyri Føroyar "lov om en garantifond for indskydere og investorer".
2. 3. viðgerð av tingmáli nr. 44/2000: Uppskot til ríkislógartilmæli um at seta í gildi fyri Føroyar "lov om banker og sparekasser".
3. 2. viðgerð av tingmáli nr. 32/2000: Uppskot til løgtingslóg um broyting í løgtingslóg um fólkaskúlan.
4. 2. viðgerð av tingmáli nr. 33/2000: Uppskot til  løgtingslóg um broytingar í løgtingslóg um stuðul til rentuútreiðslur av lánum.
5. Framløga.

Fundur lokin kl. 12.30.

Finnbogi Ísakson
løgtingsformaður

/Marius Rein
skrivari