Ár 2001, týsdagin 30. januar, kl. 13.30, varð tingfundur settur.

Løgtingsmenninir Jógvan við Keldu og Jóannes Eidesgaard, Tórbjørn Jacobsen, landsstýrismaður, og ríkisumboðsmaðurin vóru ikki á fundi.

Til viðgerðar:

1. 3. viðgerð av tingmáli nr. 18/2000: Uppskot til løgtingslóg um broyting í løgtingslóg um arbeiðsloysistrygging og arbeiðsávísing.
   Uppskotið, sum samtykt við 2. viðgerð, endaliga samtykt 27-0-0.
   Málið avgreitt.
   
2. 2. viðgerð av tingmáli nr. 46/2000: Uppskot til løgtingslóg um broyting í løgtingslóg um skrásetingargjald á motorakførum v.m.
   §§ 1 og 2 samtyktar 29-0-0. Uppskotið fer soleiðis samtykt til 3. viðgerð.
   
3. 2. viðgerð av tingmáli nr. 52/2000: Uppskot til løgtingslóg um broyting í løgtingslóg um viðbót til ávísar pensjónistar v.fl.
   §§ 1 og 2 samtyktar 29-0-0. Uppskotið fer soleiðis samtykt til 3. viðgerð.
   
4. 1. viðgerð av tingmáli nr. 50/2000: Uppskot til løgtingslóg um dagpening vegna sjúku v.m.
   Málið beint í trivnaðarnevndina.
   
5. 1. viðgerð av tingmáli nr. 51/2000: Uppskot til løgtingslóg um broyting í løgtingslóg um fólka- og farmaflutning.
   Málið beint í vinnunevndina.
   
6. Framløga.
   Formaðurin boðaði frá, at løgmaður, vegna landsstýrið hevur lagt fram tingmál nr. 54/2000: Uppskot til løgtingslóg um landskassaveðhald fyri lánum frá "Kreditforeningen af Kommuner i Danmark" til føroyskar kommunur, at Bjarni Djurholm, landsstýrismaður, vegna landsstýrið hevur lagt fram tingmál nr. 55/2000: Uppskot til løgtingslóg um postvirksemi og at Karsten Hansen, landsstýrismaður, vegna landsstýrið hevur lagt fram tingmál nr. 56/2000: Uppskot til løgtingslóg um bólking o.a. fyri skiparar og manningar á vaktar- og bjargingarskipinum Brimli, at rættarnevndin hevur lagt fram álit í tingmáli nr. 21/2000: Uppskot til samtyktar um frágreiðing frá § 19 nevndini um 80-árini, og at mentanarnevndin hevur lagt fram álit í tingmáli nr. 32/2000: Uppskot til løgtingslóg um broyting í løgtingslóg um fólkaskúlan.

Tikið av dagsskrá:

2. viðgerð av tingmáli nr. 33/2000: Uppskot til løgtingslóg um broytingar í løgtingslóg um stuðul til rentuútreiðslur av lánum, og 1. viðgerð av tingmáli nr. 53/2000: Uppskot til løgtingslóg um broyting í løgtingslóg um ávísar skúlar.

Formaðurin fráboðaði fyrispurning nr. 100-46/2000 til Karsten Hansen, landsstýrismann, frá Jógvan á Lakjuni, løgtingsmanni, viðvíkjandi inntøkujavnstilling av hjúnum.

Formaðurin setti næsta fund at verða mikudagin 31. januar 2001, kl. 13.30, við hesi dagsskrá:

1. Atkvøðugreiðsla um fyrispurning nr. 100-46/2000 til Karsten Hansen, landsstýrismann, frá Jógvan á Lakjuni, løgtingsmanni, viðvíkjandi inntøkujavnstilling av hjúnum.
2. Svar upp á fyrispurning nr. 100-4/2000 til Vibeke Larsen, ríkisumboðsmann, frá Annitu á Fríðriksmørk, løgtingsmanni, um føroyska málið.
3. Svar upp á fyrispurning nr. 100-6/2000 til Vibeke Larsen, ríkisumboðsmann, frá Annitu á Fríðriksmørk, løgtingsmanni, um pass.
4. Svar upp á fyrispurning nr. 100-38/2000 til Karsten Hansen, landsstýrismann, frá Rúnu Sivertsen, løgtingsmanni, viðvíkjandi leigulóg við skattalætta.
5. Svar upp á fyrispurning nr. 100-41/2000 til Karsten Hansen, landsstýrismann, frá Dan R. Petersen, løgtingsmanni, viðvíkjandi Toll- og skattstovuni í Eysturoynni.
6. Svar upp á fyrispurning nr. 100-43/2000 til Anfinn Kallsberg, løgmann, frá Jenis av Rana, løgtingsmanni, viðvíkjandi rakettverjuætlanini hjá Nato og USA.
7. Framløga.

 Fundur lokin kl. 17.25.  

Finnbogi Ísakson
løgtingsformaður

/Marius Rein
skrivari