Ár 2001, mikudagin 24. januar, kl. 13.30, varð tingfundur settur.

Henrik Old, løgtingsmaður, og Karsten Hansen, landsstýrismaður, vóru ikki á fundi.

Formaðurin boðaði frá, at Høgni Hoydal, landsstýrismaður, í skrivi, dagfest 22. januar 2001, sigur frá, at løgtingsmál nr. 45/2000: Uppskot til løgtingslóg um tinglýsingargjøld v.m. verður tikið aftur. Málið er sostatt tikið aftur.

Til viðgerðar:

1. Ófráboðaðir fyrispurningar.
   
2. 2. viðgerð av tingmáli nr. 18/2000: Uppskot til løgtingslóg um broyting í løgtingslóg um arbeiðsloysistrygging og arbeiðsávísing.
   Broytingaruppskot frá samdari vinnunevnd samtykt 27-0-0. Uppskotið soleiðis broytt samtykt 27-0-0. Uppskotið fer soleiðis samtytkt til 3. viðgerð.
   
3. 2. viðgerð av tingmáli nr. 20/2000: Uppskot til samtyktar um at heita á landsstýrið um at leggja fyri Løgtingið uppskot til broytingar í galdandi lóggávu fyri at fyribyrgja, at starvsfólk verða uppsøgd við styttari freist orsakað av sjúku.
   Uppskot til samtyktar samtykt 27-0-0.
   Málið avgreitt.
   
4. 1. viðgerð av tingmáli nr. 52/2000: Uppskot til løgtingslóg um broyting í løgtingslóg um viðbót til ávísar pensjónistar v.fl.
   Málið beint beinleiðis til 2. viðgerð.
   
5. Helena Dam á Neystabø, landsstýrismaður, svaraði fyrispurningi nr. 100-37/2000 frá Kristian Magnussen, løgtingsmanni, viðvíkjandi bústovni til fólk við serligum sosialum trupulleikum.
   Málið avgreitt.

Tikið av dagsskrá:

Svar upp á fyrispurning nr. 100-38/2000 til Karsten Hansen, landsstýrismann, frá Rúnu Sivertsen, løgtingsmanni, viðvíkjandi leigulóg við skattalætta.

Formaðurin setti næsta fund at verða hósdagin 25. januar 2001, kl. 9.30, við hesi dagsskrá:

1. 3. viðgerð av tingmáli nr. 29/2000: Uppskot til løgtingslóg um broyting í løgtingslóg um almannapensjónir o.a.
2. 3. viðgerð av tingmáli nr. 30/2000: Uppskot til løgtingslóg um broyting í løgtingslóg um áseting og javning av almannaveitingum.
3. Framløga.

 Fundur lokin kl. 15.50. 

Finnbogi Ísakson
løgtingsformaður

/Marius Rein
skrivari