Ár 2001, fríggjadagin 18. januar, kl. 13.30, varð tingfundur settur.

Løgtingsmenninir Katrin D. Johansen og Edmund Joensen og Helena Dam á Neystabø, landsstýrismaður, vóru ikki á fundi. 

1. 1. viðgerð av tingmáli nr. 49/2000: Uppskot til løgtingslóg um barsilsskipan.
   Málið beint í vinnunevndina.
   
2. 1. viðgerð av tingmáli nr. 1-7/2000: Uppskot til eykajáttanarløgtingslóg fyri januar 2001.
   Málið beint í fíggjarnevndina.
   
3. Framløga.
   Formaðurin boðaði frá, at tingmenninir Páll á Reynatúgvu, Finnur Helmsdal, Jóanis Nielsen og Rúna Sivertsen, hava lagt fram tingmál nr. 52/2000: Uppskot til løgtingslóg um broyting í løgtingslóg um viðbót til ávísar pensjónistar v.fl., at vinnunevndin hevur lagt fram álit í tingmáli nr. 20/2000: Uppskot til samtyktar um at heita á landsstýrið um at leggja fyri Løgtingið uppskot til broytingar í galdandi lóggávu fyri at fyribyrgja, at starvsfólk verða uppsøgd við styttari freist orsakað av sjúku, og at trivnaðarnevndin hevur lagt fram álit í tingmálunum nr. 29/2000: Uppskot til løgtingslóg um broyting í løgtingslóg um almannapensjónir, og nr. 30/2000: Uppskot til løgtingslóg um broyting í løgtingslóg um áseting og javning av almannaveitingum.

Formaðurin fráboðaði fyrispurning nr. 100-45/2000 til Tórbjørn Jacobsen, landsstýrismann, frá Sámal Petur í Grund, løgtingsmanni, viðvíkjandi prestagarði í Glyvra prestagjaldi.

Formaðurin setti næsta fund at verða týsdagin 23. januar 2001, kl. 13.30, við hesi dagsskrá:

1. Atkvøðugreiðsla um fyrispurning nr. 100-45/2000 til Tórbjørn Jacobsen, landsstýrismann, frá Sámal Petur í Grund, løgtingsmanni, viðvíkjandi prestagarði í Glyvra prestagjaldi.
2. 3. viðgerð av tingmáli nr. 16/2000: Uppskot til ríkislógartilmæli um broyting í revsilógini (fyrningarreglur og styrktar reglur í móti kynsligum ágangi í móti børnum og ungum).
3. 3. viðgerð av tingmáli nr. 22/2000: Uppskot til ríkislógartilmæli um at seta í gildi fyri Føroyar lóg um marknaseting av sjóumveldinum.
4. 3. viðgerð av tingmáli nr. 24/2000: Uppskot til løgtingslóg um Trivnaðar- og heilsuráð.
5. 3. viðgerð av tingmáli nr. 25/2000: Uppskot til løgtingslóg um broyting í lóg fyri Føroyar "om den offentlige sygeforsikring".
6. 3. viðgerð av tingmáli nr. 27/2000: Uppskot til løgtingslóg um broyting í løgtingslóg um barnagjald til einsamallar uppihaldarar v. fl.
7. Aðalorðaskifti um tingmál nr. 101-2/2000: Frágreiðing sambært grein 51, stk. 4, í tingskipanini frá Høgna Hoydal, landsstýrismanni í norðurlandamálum, um Norðurlandamál 2001.
8. 2. viðgerð av tingmáli nr. 29/2000: Uppskot til løgtingslóg um broyting í løgtingslóg um almannapensjónir o.a.
9. 2. viðgerð av tingmáli nr. 30/2000: Uppskot til løgtingslóg um broyting í løgtingslóg um áseting og javning av almannaveitingum.
10. Framløga.

Fundur lokin kl. 14.30. 

Finnbogi Ísakson
Løgtingsformaður

/Marius Rein
skrivari