Gerðabók
Føroya Løgtings fyri tingsetuna 2000 |
45. fundur |
Týsdagur 16. januar 2001 |
kl. 13.30 |
Ár 2001, týsdagin 16. januar, kl. 13.30, varð tingfundur settur.
Annita á Fríðriksmørk, løgtingsmaður, var ikki á fundi.
Formaðurin bar fram minningarorð
um Poul Petersen, fyrrverandi løgtingsmann, ið andaðist tann 7. januar 2001, og
tingmenn mintust hann í tøgn.
Farloyvi:
Skriv frá Finnboga Arge, dagfest 16. Januar 2001, við umsókn um farloyvi, og at
næsti maður á lista Fólkafloksins í Suðurstreymoyar valdømi tekur sæti á tingi.
Samtykt uttan atkvøðugreiðslu, at Katrin D. Johansen, ið áður hevur verið á tingi,
skal taka sæti fyri Finnboga Arge.
Til viðgerðar:
1. viðgerð av tingmáli nr. 41/2000:
Uppskot til ríkislógartilmæli um at seta í gildi fyri Føroyar "Anordning om
ikrafttræden for Færøerne af lov om Danmarks tiltrædelse af
Schengen-konventionen".
Málið beint í uttanlandsnevndina.
1. viðgerð av tingmáli nr. 42/2000:
Uppskot til ríkislógartilmæli um at seta í gildi fyri Føroyar "Anordning om
ikrafttræden for Færøerne af udlændingeloven".
Málið beint í uttanlandsnevndina.
Tingmálini nr. 41 og nr. 42 vórðu viðgjørd undir einum.
1. viðgerð av tingmáli nr.
35/2000: Uppskot til løgtingslóg um broyting í løgtingslóg um trygdargrunn fyri
avreiðingar og lønir v.m.
Málið beint í fíggjarnevndina.
1. viðgerð av tingmáli nr.
36/2000: Uppskot til løgtingslóg um broyting í løgtingslóg um
arbeiðsmarknaðareftirlønargrunn.
Málið beint í fíggjarnevndina.
Tingmálini nr. 35 og nr. 36 vórðu viðgjørd undir einum.
1. viðgerð av tingmáli nr. 43/2000:
Uppskot til ríkislógartilmæli um at seta í gildi fyri Føroyar "lov om en
garantifond for indskydere og investorer".
Málið beint í fíggjarnevndina.
1. viðgerð av tingmáli nr.
44/2000: Uppskot til ríkislógartilmæli um at seta í gildi fyri Føroyar "lov
om banker og sparekasser".
Málið beint í fíggjarnevndina.
Tingmálini nr. 43 og nr. 44 vórðu viðgjørd undir einum.
Framløga.
Formaðurin boðaði frá, at Helena Dam á Neystabø, landsstýrismaður, vegna
landsstýrið, hevur lagt fram tingmál nr. 50/2000:
Uppskot til løgtingslóg um dagpening vegna sjúku v.m., at Karsten Hansen,
landsstýrismaður, vegna landsstýrið, hevur lagt fram tingmál nr. 1-7/2000:
Uppskot til eykajáttanarløgtingslóg fyri januar 2001, at Flemming Mikkelsen,
løgtingsmaður, vegna sambandsflokkin hevur lagt fram tingmál nr. 51/2000:
Uppskot til løgtingslóg um broyting í løgtingslóg um fólka- og farmaflutning, at
rættarnevndin hevur lagt fram álit í tingmáli nr. 16/2000:
Uppskot til ríkislógartilmæli um broyting í revsilógini (fyrningarreglur og styrktar
reglur í móti kynsligum ágangi í móti børnum og ungum), at uttanlandsnevndin hevur
lagt fram álit í tingmáli nr. 22/2000:
Uppskot til ríkislógartilmæli um at seta í gildi fyri Føroyar lóg um marknaseting av
sjóumveldinum, og at trivnaðarnevndin hevur lagt fram álit í tingmálunum nr. 23/2000:
Uppskot til løgtingslóg um broyting í løgtingslóg um viðbót til ávísar
pensjónistar v.fl., nr. 24/2000:
Uppskot til løgtingslóg um Trivnaðar- og heilsuráð, nr. 25/2000:
Uppskot til løgtingslóg um broyting í lóg fyri Føroyar "om den offentlige
sygeforsikring" og nr.
27/2000: Uppskot til løgtingslóg um broyting í løgtingslóg um barnagjald til
einsamallar uppihaldarar v. fl.
Formaðurin setti næsta fund at verða mikudagin 17. januar 2001, kl. 13.30, við hesi
dagsskrá:
- 1. viðgerð av tingmáli nr. 46/2000:
Uppskot til løgtingslóg um broyting í løgtingslóg um skrásetingargjald á
motorakførum v.m.
Málið verður beint í fíggjarnevndina.
- 1. viðgerð av tingmáli nr.47/2000:
Uppskot til løgtingslóg um broyting í løgtingslóg um sjómenn.
Málið verður beint í vinnunevndina.
- 1. viðgerð av tingmáli nr.
48/2000: Uppskot til løgtingslóg um fyribyrging og niðurberjing av sjúkum hjá
dýrum og um marknaeftirlit við dýrum og dýraúrdráttum (dýrasjúkulógin).
Málið verður beint í vinnunevndina.
- 1. viðgerð av tingmáli nr. 49/2000:
Uppskot til løgtingslóg um barsilsskipan.
Málið verður beint í vinnunevndina.
- Framløga.
Fundur lokin kl. 17.20.
Finnbogi Ísakson
Løgtingsformaður
/Marius Rein
skrivari