Gerðabók
Føroya Løgtings fyri tingsetuna 2000 |
38. fundur |
Mikudagur 13. desember 2000 |
kl. 10.00 |
Ár 2000, mikudagin 13. desember, kl. 10.00, varð tingfundur settur.
Løgtingsmenninir Hans Marius Joensen og Hans Tausen Olsen, og ríkisumboðsmaðurin
vóru ikki á fundi.
Farloyvi:
Skriv frá Páll á Reynatúgvu, dagfest 12. desember 2000, við umsókn um farloyvi
frá 13. desember 2000 og 10 dagar fram, og at næsti maður á lista Tjóðveldisfloksins
í Sandoyar valdømi tekur sæti á tingi. Samtykt uttan atkvøðugreiðslu, at Hans
Marius Joensen, ið áður hevur verið á tingi, skal taka sæti fyri Páll á
Reynatúgvu.
Til viðgerðar:
- Atkvøðugreiðsla um fyrispurning nr. 100-42/2000
til Høgna Hoydal, landsstýrismann, frá Jóannes Eidesgaard, løgtingsmanni,
viðvíkjandi grundlógararbeiðinum.
Samtykt uttan atkvøðugreiðslu, at fyrispurningurin skal svarast.
- 3. viðgerð av tingmáli nr. 1-5/2000:
Eykafíggjarlóg fyri 2000.
Uppskotið, sum samtykt við 2. viðgerð, endaliga samtykt 22-0-0.
Málið avgreitt.
- 3. viðgerð av tingmáli nr.
17/2000: Uppskot til løgtingslóg um broyting í løgtingslóg um
ættleiðingarstuðul.
Uppskotið, sum samtykt við 2. viðgerð, endaliga samtykt 22-0-0.
Málið avgreitt.
- 1. viðgerð av tingmáli nr.
26/2000: Uppskot til løgtingslóg um broyting í løgtingslóg um Húsalánsgrunn o.
a.
Málið beint í trivnaðarnevndina.
Fundur niðurlagdur kl. 11.45.
Fundur uppafturtikin kl. 13.30.
- Munnligir fyrispurningar.
- 1. viðgerð av tingmáli nr.
28/2000: Uppskot til løgtingslóg um broyting í lóg um barnaforsorg.
Málið beint í trivnaðarnevndina.
- 1. viðgerð av tingmáli nr.
29/2000: Uppskot til løgtingslóg um broyting í løgtingslóg um almannapensjónir
o. a.
Málið beint í trivnaðarnevndina.
- 1. viðgerð av tingmáli nr. 30/2000:
Uppskot til løgtingslóg um broyting í løgtingslóg um áseting og javning av
almannaveitingum.
Málið beint í trivnaðarnevndina.
Tingmálini nr. 29 og 30 vórðu viðgjørd undir einum.
- 1. viðgerð av tingmáli nr.
22/2000: Uppskot til ríkislógartilmæli um at seta í gildi fyri Føroyar lóg um
marknaseting av sjóumveldinum.
Málið beint í uttanlandsnevndina.
- 1. viðgerð av tingmáli nr. 25/2000:
Uppskot til løgtingslóg um broyting í lóg fyri Føroyar "om den offentlige
sygeforsikring".
Málið beint í trivnaðarnevndina.
- 1. viðgerð av tingmáli nr.
27/2000: Uppskot til løgtingslóg um broyting í løgtingslóg um barnagjald til
einsamallar uppihaldarar v. fl.
Málið beint í trivnaðarnevndina.
Tingmálini nr. 25 og 27 vórðu viðgjørd undir einum.
- Framløga.
Formaðurin boðaði frá, at fíggjarnevndin hevur lagt fram álit í
tingmáli nr. 1-1/2000:
Uppskot til løgtingsfíggjarlóg fyri 2001.
Tikið av dagsskrá:
1. viðgerð av tingmáli nr. 31/2000:
Uppskot til løgtingslóg um broyting í løgtingslóg um ferðslu, 1. viðgerð av
tingmáli nr. 20/2000:
Uppskot til samtyktar um at heita á landsstýrið um at leggja fyri Løgtingið
uppskot til broytingar í galdandi lóggávu fyri at fyribyrgja, at starvsfólk verða
uppsøgd við styttari freist orsakað av sjúku, 1. viðgerð av tingmáli nr.
24/2000: Uppskot til løgtingslóg um Trivnaðar- og heilsuráð, svar upp á
fyrispurning nr. 100-33/2000
til Helenu Dam á Neystabø, landsstýrismann, frá Kristian Magnussen, løgtingsmanni, um
ymiskar almannaveitingar, svar upp á fyrispurning nr. 100-36/2000
til Helenu Dam á Neystabø, landsstýrismann, frá Rúnu Sivertsen, løgtingsmanni,
viðvíkjandi venjingartilboðum til rørslutarnað, og svar upp á fyrispurning nr. 100-38/2000
til Karsten Hansen, landsstýrismann, frá Rúnu Sivertsen, løgtingsmanni, viðvíkjandi
leigulóg við skattalætta.
Formaðurin setti næsta fund at verða hósdagin 13. desember 2000, kl. 10.00, við
hesi dagsskrá:
- 2. viðgerð av tingmáli nr. nr.
9/2000: Uppskot til løgtingslóg um tyrlutænastu
- 2. viðgerð av tingmáli nr. 10/2000:
Uppskot til samtyktar um at taka upp samráðingar við donsku ríkisstjórnina um
yvirtøku av málsøkinum trygd á sjónum.
- 1. viðgerð av tingmáli nr.
31/2000: Uppskot til løgtingslóg um broyting í løgtingslóg um ferðslu.
Málið beint í Vinnunevndina.
- 1. viðgerð av tingmáli nr. 34/2000:
Uppskot til samtyktar um góðkenning av sáttmála millum Føroyar og Grønland at
sleppa undan tvískatting av inntøku og ogn.
Málið verður beint í fíggjarnevndina
- 1. viðgerð av tingmáli nr.
35/2000: Uppskot til løgtingslóg um broyting í løgtingslóg um trygdargrunn fyri
avreiðingar og lønir v.m.
Málið verður beint í fíggjarnevndina
- 1. viðgerð av tingmáli nr. 36/2000:
Uppskot til løgtingslóg um broyting í løgtingslóg um
arbeiðsmarknaðareftirlønargrunn.
Málið verður beint í fíggjarnevndina.
- 1. viðgerð av tingmáli nr.
37/2000: Uppskot til løgtingslóg um broyting í løgtingslóg um áseting av skatti
til landskassan (ásetingarlógin).
Málið verður beint í fíggjarnevndina.
- 1. viðgerð av tingmáli nr.
38/2000: Uppskot til løgtingslóg um broyting í løgtingslóg um áseting av skatti
(ásetingarlógin).
Málið verður beint í fíggjarnevndina.
Málini nr. 37 og 38 verða viðgjørd undir einum.
- 1. viðgerð av tingmáli nr.
39/2000: Uppskot til løgtingslóg um broyting í løgtingslóg um landsskatt og
kommunuskatt (skattalógin)
Málið verður beint í fíggjarnevndina.
- 1. viðgerð av tingmáli nr.
40/2000: Uppskot til løgtingslóg um broyting í løgtingslóg um landsskatt og
kommunuskatt (skattalógin).
Málið verður beint í fíggjarnevndina.
Málini nr. 39 og 40 verða viðgjørd undir einum.
- 1. viðgerð av tingmáli nr.
24/2000: Uppskot til løgtingslóg um Trivnaðar- og heilsuráð.
Málið verður beint í trivnaðarnevndina.
- 1. viðgerð av tingmáli nr.
20/2000: Uppskot til samtyktar um at heita á landsstýrið um at leggja fyri
Løgtingið uppskot til broytingar í galdandi lóggávu fyri at fyribyrgja, at
starvsfólk verða uppsøgd við styttri freist orsakað av sjúku.
Málið verður beint í vinnunevndina.
- Framløga.
Fundur lokin kl.18.15.
Finnbogi Ísakson
Løgtingsformaður
/Marius Rein
skrivari