Gerðabók
Føroya Løgtings fyri tingsetuna 2000 |
36. fundur |
Fríggjadagur 8. desember 2000 |
kl. 10.00 |
Ár 2000, fríggjadagin 8. desember, kl. 10.00, varð tingfundur settur.
Løgtingsmenninir Eyðun Viderø og Hans Tausen Olsen, Anfinn Kallsberg, løgmaður, og
landsstýrismenninir Høgni Hoydal og Eyðun Elttør vóru ikki á fundi.
Til viðgerðar:
- 1. viðgerð av tingmáli nr. 19/2000:
Uppskot til samtyktar um samráðingar um broytingar í heimastýrislógini.
Málið verður beint í uttanlandsnevndina.
- Framløga.
Formaðurin boðaði frá, at mentanarnevndin hevur lagt fram álit í tingmáli nr.
6/2000: Uppskot til løgtingslóg um broyting í løgtingslóg um fólkaskúlan, at
løgmaður vegna landsstýrið hevur lagt fram tingmál nr. 22/2000:
Uppskot til ríkislógartilmæli um at seta í gildi fyri Føroyar lóg um
marknaseting av sjóumveldinum, at Helena Dam á Neystabø, landsstýrismaður, vegna
landsstýrið hevur lagt fram tingmálini nr. 24/2000:
Uppskot til løgtingslóg um Trivnaðar- og heilsuráð, nr.
25/2000: Uppskot til løgtingslóg um broyting í lóg fyri Føroyar "om den
offentlige sygeforsikring", nr. 26/2000:
Uppskot til løgtingslóg um broyting í løgtingslóg um Húsalánsgrunn o. a., nr. 27/2000:
Uppskot til løgtingslóg um broyting í løgtingslóg um barnagjald til einsamallar
uppihaldarar v. fl, nr.
28/2000: Uppskot til løgtingslóg um broyting í lóg um barnaforsorg, nr. 29/2000:
Uppskot til løgtingslóg um broyting í løgtingslóg um almannapensjónir o. a., og
nr. 30/2000:
Uppskot til løgtingslóg um broyting í løgtingslóg um áseting og javning av
almannaveitingum, og at Bjarni Djurholm, landsstýrismaður, vegna landsstýrið hevur
lagt fram tingmál nr.
31/2000: Uppskot til løgtingslóg um broyting í løgtingslóg um ferðslu.
Tikið av dagsskrá:
Svar upp á fyrispurning nr. 100-33/2000
til Helenu Dam á Neystabø, landsstýrismann, frá Kristian Magnussen, løgtingsmanni, um
ymiskar almannaveitingar, svar upp á fyrispurning nr. 100-36/2000
til Helenu Dam á Neystabø, landsstýrismann, frá Rúnu Sivertsen, løgtingsmanni,
viðvíkjandi venjingartilboðum til rørslutarnað, og svar upp á fyrispurning nr. 100-38/2000
til Karsten Hansen, landsstýrismann, frá Rúnu Sivertsen, løgtingsmanni, viðvíkjandi
leigulóg við skattalætta.
Formaðurin fráboðaði fyrispurningi nr. 100-42/2000
til Høgna Hoydal, landsstýrismann, frá Jóannes Eidesgaard, løgtingsmanni,
viðvíkjandi grundlógararbeiðinum.
Formaðurin setti næsta fund at verða týsdagin 12. desember 2000, kl. 10.00, við
hesi dagsskrá:
- 1. viðgerð av tingmáli nr. 21/2000:
Uppskot til samtyktar um frágreiðing frá § 19 nevndini um 80-árini.
Málið verður beint í rættarnevndin.
- Framløga.
Fundur lokin kl. 12.15.
Finnbogi Ísakson
Løgtingsformaður
/Marius Rein
skrivari