Ár 2000, hósdagin 7. desember, kl. 13.30, varð tingfundur settur.

Marjus Dam, løgtingsmaður, og Høgni Hoydal, landsstýrismaður, vóru ikki á fundi.

Til viðgerðar:

1. Atkvøðugreiðsla um fyrispuring nr. 100-39/2000 til Eyðun Elttør, landsstýrismann, frá Henrik Old, løgtingsmanni, viðvíkjandi útjaðaranum í sambandi við leiting og framleiðslu av kolvetnum.
   Samtykt uttan atkvøðugreiðslu, at fyrispurningurin skal svarast.
   
2. Atkvøðugreiðsla um fyrispurning nr. 100-41/2000 til Karsten Hansen, landsstýrismann, frá Dan R. Petersen, løgtingsmanni, viðvíkjandi Toll- og skattstovuni í Eysturoynni.
   Samtykt uttan atkvøðugreiðslu, at fyrispurningurin skal svarast.
   
3. 3. viðgerð av tingmáli nr. 13/2000: Uppskot til ríkislógartilmæli um at seta í gildi fyri Føroyar "lov om investeringsforeninger og specialforeninger".
   Uppskotið, sum samtykt við 2. viðgerð, endaliga samtykt 25-1-0.
   Málið avgreitt.
   
4. 3. viðgerð av tingmáli nr. 14/2000: Uppskot til ríkislógartilmæli um at seta í gildi fyri Føroyar "lov om fondsmæglerselskaber".
   Uppskotið, sum samtykt við 2. viðgerð, endaliga samtykt 26-1-0.
   Málið avgreitt.
   
5. 2. viðgerð av tingmáli nr. 1-5/2000: Eykafíggjarlóg fyri 2000.
   Uppskot landsstýrisins samtykt 29-0-0. Uppskotið fer soleiðis samtykt til 3. viðgerð.
   
6. 2. viðgerð av tingmáli nr. 17/2000: Uppskot til  løgtingslóg um broyting í løgtingslóg um ættleiðingarstuðul.
   §§ 1 og 2 samtyktar 29-0-0. Uppskotið fer soleiðis samtykt til 3. viðgerð.
   
7. 1. viðgerð av tingmáli nr. 1-6/2000: Uppskot til eykajáttanarløgtingslóg fyri desember 2000.
   Málið beint í fíggjarnevndina.
   
8. Bjarni Djurholm, landsstýrismaður, svaraði fyrispurningi nr. 100-34/2000 frá Jógvan Lützen, løgtingsmanni, viðvíkjandi endurreising av skógfriðaða fríøkinum Úti í Grøv í Klaksvík.
   Málið avgreitt.
   
9. Tórbjørn Jacobsen, landsstýrismaður, svaraði fyrispurningi nr. 100-35/2000 frá Jógvan Lützen, løgtingsmanni, viðvíkjandi útgrevstri av fornminnunum Úti í Grøv í Klaksvík.
   Málið avgreitt.
   
10. Framløga.
    Formaðurin boðaði frá, at, fíggjarnevndin hevur lagt fram álit í tingmálunum nr. 8/2000: Uppskot til løgtingslóg um broyting í løgtingslóg um avgjald av framleiðslu og innfluttningi, nr. 12/2000: Uppskot til  løgtingslóg um broyting í løgtingslóg um áseting av skatti, og nr. 15/2000: Uppskot til  løgtingslóg um broyting í løgtingslóg um áseting av skatti.

Formaðurin setti næsta fund at verða fríggjadagin 8. desember 2000, kl. 10.00, við hesi dagsskrá:

1. 1. viðgerð av tingmáli nr. 19/2000: Uppskot til samtyktar um samráðingar um broytingar í heimastýrislógini.
   Málið verður beint í uttanlandsnevndina.
2. Svar upp á fyrispurning nr. 100-33/2000 til Helenu Dam á Neystabø, landsstýrismann, frá Kristian Magnussen, løgtingsmanni, um ymiskar almannaveitingar.
3. Svar upp á fyrispurning nr. 100-36/2000 til Helenu Dam á Neystabø, landsstýrismann, frá Rúnu Sivertsen, løgtingsmanni, viðvíkjandi venjingartilboðum til rørslutarnað.
4. Svar upp á fyrispurning nr. 100-38/2000 til Karsten Hansen, landsstýrismann, frá Rúnu Sivertsen, løgtingsmanni, viðvíkjandi leigulóg við skattalætta.
5. Framløga.

Fundur lokin kl. 16.35. 

Finnbogi Ísakson
løgtingsformaður

/Marius Rein
skrivari