Ár 2000, týsdagin 5. desember, kl. 13.30, varð tingfundur settur.

Løgtingsmenninir Marjus Dam, Hans Tausen Olsen og Finnur Helmsdal, Helena Dam á Neystabø, landsstýrismaður, og ríkisumboðsmaðurin vóru ikki á fundi.

Til viðgerðar:

1. 2. viðgerð av tingmáli nr. 13/2000: Uppskot til ríkislógartilmæli um at seta í gildi fyri Føroyar "lov om investeringsforeninger og specialforeninger".
   Uppskot til ríkislógartilmæli samtykt 28-1-0.Uppskotið fer soleiðis samtykt til 3. viðgerð.
   
2. 2. viðgerð av tingmáli nr. 14/2000: Uppskot til ríkislógartilmæli um at seta í gildi fyri Føroyar "lov om fondsmæglerselskaber".
   Uppskot til ríkislógartilmæli samtykt 28-1-0. Uppskotið fer soleiðis samtykt til 3. viðgerð.
   
3. 1. viðgerð av tingmáli nr. 1-5/2000: Eykafíggjarlóg fyri 2000.
   Málið beint beinleiðis til 2. viðgerð.
   
4. Karsten Hansen, landsstýrismaður, svaraði fyrispurningi nr. 100-32/2000 frá Heðin Mortensen, løgtingsmanni, viðvíkjandi MVG av ávísum veitingum til pensjónistar.
   Málið avgreitt.
   
5. Framløga.
   Formaðurin boðaði frá, at Karsten Hansen, landsstýrismaður, vegna landsstýrið, hevur lagt fram tingmál nr. 1-6/2000: Uppskot til eykajáttanarløgtingslóg fyri desember 2000, at Jóannes Eidesgaard, løgtingsmaður, vegna Javnaðarflokkin hevur lagt fram tingmál nr. 19/2000: Uppskot til samtyktar um samráðingar um broytingar í heimastýrislógini, at Hans Pauli Strøm, løgtingsmaður, vegna Javnaðarflokkin, hevur lagt fram tingmál nr. 20/2000: Uppskot til samtyktar um at heita á landsstýrið um at leggja fyri Løgtingið uppskot til broytingar í galdandi lóggávu fyri at fyribyrgja, at starvsfólk verða uppsøgd við styttari freist orsakað av sjúku, at Finnbogi Ísakson, løgtingsformaður, hevur lagt fram tingmál nr. 21/2000: Uppskot til samtyktar um frágreiðing frá § 19 nevndini um 80-árini, og at trivnaðarnevndin hevur lagt fram álit í tingmáli nr. 17/2000: Uppskot til  løgtingslóg um broyting í løgtingslóg um ættleiðingarstuðul.

Tikið av dagsskrá:
Svar upp á fyrispurning nr. 100-34/2000 til Bjarna Djurholm, landsstýrismann, frá Jógvan Lützen, løgtingsmanni, viðvíkjandi endurreising av skógfriðaða fríøkinum Úti í Grøv í Klaksvík og svar upp á fyrispurning nr. 100-35/2000 til Tórbjørn Jacobsen, landsstýrismann, frá Jógvan Lützen, løgtingsmanni, viðvíkjandi útgrevstri av fornminnunum Úti í Grøv í Klaksvík.

Formaðurin fráboðaði hesar fyrispurningar:
Nr. 100-39/2000 til Eyðun Elttør, landsstýrismann, frá Henrik Old, løgtingsmanni, viðvíkjandi útjaðaranum í sambandi við leiting og framleiðslu av kolvetnum,
nr. 100-40/2000 til Vibeke Larsen, ríkisumboðsmann, frá Jóannes Eidesgaard, løgtingsmanni, viðvíkjandi møguleikum til ríkisrættarligar broytingar, og
nr. 100-41/2000 til Karsten Hansen, landsstýrismann, frá Dan R. Petersen, løgtingsmanni, viðvíkjandi Toll- og skattstovuni í Eysturoynni.

Formaðurin setti næsta fund at verða hósdagin 7. desember 2000, kl. 13.30, við hesi dagsskrá:

1. Atkvøðugreiðsla um fyrispuring nr. 100-39/2000 til Eyðun Elttør, landsstýrismann, frá Henrik Old, løgtingsmanni, viðvíkjandi útjaðaranum í sambandi við leiting og framleiðslu av kolvetnum.
2. Atkvøðugreiðsla um fyrispurning nr. 100-41/2000 til Karsten Hansen, landsstýrismann, frá Dan R. Petersen, løgtingsmanni, viðvíkjandi Toll- og skattstovuni í Eysturoynni.
3. 3. viðgerð av tingmáli nr. 13/2000:Uppskot til ríkislógartilmæli um at seta í gildi fyri Føroyar "lov om investeringsforeninger og specialforeninger".
4. 3. viðgerð av tingmáli nr. 14/2000: Uppskot til ríkislógartilmæli um at seta í gildi fyri Føroyar "lov om fondsmæglerselskaber".
5. 2. viðgerð av tingmáli nr. 1-5/2000: Eykafíggjarlóg fyri 2000.
6. 2. viðgerð av tingmáli nr. 17/2000: Uppskot til  løgtingslóg um broyting í løgtingslóg um ættleiðingarstuðul.
7. 1. viðgerð av tingmáli nr. 1-6/2000: Uppskot til eykajáttanarløgtingslóg fyri desember 2000.
   Málið verður beint í fíggjarnevndina.
8. Svar upp á fyrispurning nr. 100-34/2000 til Bjarna Djurholm, landsstýrismann, frá Jógvan Lützen, løgtingsmanni, viðvíkjandi endurreising av skógfriðaða fríøkinum Úti í Grøv í Klaksvík.
9. Svar upp á fyrispurning nr. 100-35/2000 til Tórbjørn Jacobsen, landsstýrismann, frá Jógvan Lützen, løgtingsmanni, viðvíkjandi útgrevstri av fornminnunum Úti í Grøv í Klaksvík.
10. Framløga.

 Fundur lokin kl. 15.55. 

Finnbogi Ísakson
løgtingsformaður

/Marius Rein
skrivari