Ár 2000, mikudagin 29. november, kl. 13.30, varð tingfundur settur.

Løgtingsmenninir Finnbogi Arge, Jógvan Lützen, Vilhelm Johannesen, Jenis av Rana, Heðin Mortensen, Marjus Dam, Jógvan Durhuus og Hans Tausen Olsen, Tórbjørn Jacobsen, landsstýrismaður, og Ríkisumboðsmaðurin vóru ikki á fundi.

Til viðgerðar:

1. Ófráboðaðir fyrispurningar.
   
2. Bjarni Djurholm, landsstýrismaður, svaraði fyrispurningi nr. 100-30/2000 frá Jákup Suna Joensen, løgtingsmanni, viðvíkjandi trygdartiltøkum og størri ábótum.
   Málið avgreitt.
   
3. Bjarni Djurholm, landsstýrismaður, svaraði fyrispurningi nr. 100-31/2000 frá Jákup Suna Joensen, løgtingsmanni, viðvíkjandi vegsnaringini á Oyrareingjum.
   Málið avgreitt.
   

Formaðurin setti næsta fund at verða hósdagin 30. november 2000, kl. 13.30, við hesi dagsskrá:

1. 1. viðgerð av tingmáli nr. 18/2000: Uppskot til løgtingslóg um broyting í løgtingslóg um arbeiðsloysistrygging og arbeiðsávísing.
   Málið verður beint í vinnunevndina.
2. Framløga.

 Fundur lokin kl. 14.35. 

Finnbogi Ísakson
løgtingsformaður

/Marius Rein
skrivar