Ár 2000, týsdagin 14. november, kl. 13.30, varð tingfundur settur.

Løgtingsmenninir Jógvan Lützen og Jóannes Eidesgaard, Anfinn Kallsberg, løgmaður og Helena Dam á Neystabø, landsstýrismaður, vóru ikki á fundi.

Formaðurin boðaði frá, at Jenis av Rana í skrivi, dagfest 13. november 2000, sigur frá, at hann tekur sæti aftur á tingi, og at ríkisumboðsmaðurin í skrivi, dagfest 11. november 2000, sigur frá, at Dan M. Knudsen, fulltrúi, er settur ríkisumboðsmaður frá 12. til 15. november 2000, báðir dagar íroknaðir.

Til viðgerðar:

1. Atkvøðugreiðsla um fyrispurning nr. 100-33/2000 til Helenu Dam á Neystabø, landsstýrismann, frá Kristian Magnussen, løgtingsmanni, um ymiskar almannaveitingar.
   Samtykt uttan atkvøðugreiðslu, at fyrispurningurin skal svarast.
   
2. Atkvøðugreiðsla um fyrispurning nr. 100-34/2000 til Bjarna Djurholm, landsstýrismann, frá Jógvan Lützen, landsstýrismanni, viðvíkjandi endurreisingini av skógfriðaða fríøkinum Úti í Grøv í Klaksvík.
   Samtykt uttan atkvøðugreiðslu, at fyrispurningurin skal svarast.
   
3. Atkvøðugreiðsla um fyrispurning nr. 100-35/2000 til Tórbjørn Jacobsen, landsstýrismann, frá Jógvan Lützen, landsstýrismanni, viðvíkjandi útgrevstri av fornminnunum Úti í Grøv í Klaksvík.
   Samtykt uttan atkvøðugreiðslu, at fyrispurningurin skal svarast.
   
4. 1. viðgerð av tingmáli nr. 10/2000: Uppskot til samtyktar um at taka upp samráðingar við donsku ríkisstjórnina um yvirtøku av málsøkinum trygd á sjónum.
   Málið beint í vinnunevndina.
   
5. 1. viðgerð av tingmáli nr. 12/2000: Uppskot til  løgtingslóg um broyting í løgtingslóg um áseting av skattti.
   Málið beint í fíggjarnevndina.
   
6. Framløga.
   Formaðurin boðaði frá, at Karsten Hansen, landsstýrismaður, vegna landsstýrið hevur lagt fram tingmálini nr. 13/2000: Uppskot til ríkislógartilmæli um at seta í gildi fyri Føroyar "lov om investeringsforeninger og specialforeninger" og nr. 14/2000: Uppskot til ríkislógartilmæli um at seta í gildi fyri Føroyar "lov om fondsmæglerselskaber", og at Henrik Old, løgtingsmaður, hevur lagt fram tingmál nr. 1-4/2000: Uppskot til eykajáttanarløgtingslóg fyri november 2000.

Tikið av dagsskrá:

Svar upp á fyrispurning nr. 100-21/2000 til Karsten Hansen, landsstýrismann, frá Heðin Mortensen, løgtingsmanni, viðvíkjandi avgjaldi á trygdarútgerð.

Formaðurin fráboðaði fyrispurning nr. 100-36/2000 til Helenu Dam á Neystabø, landsstýrismann, frá Rúnu Sivertsen, løgtingsmanni, viðvíkjandi venjingartilboðum til rørslutarnað.

Formaðurin setti næsta fund at verða mikudagin 15. november 2000, kl. 13.30, við hesi dagsskrá:

1. Munnligir fyrispurningar.
2. Atkvøðugreiðsla um fyrispurning nr. 100-36/2000 til Helenu Dam á Neystabø, landsstýrismann, frá Rúnu Sivertsen, løgtingsmanni, viðvíkjandi venjingartilboðum til rørslutarnað.
3. Svar upp á fyrispurning nr. 100-22/2000 til Jørgen Niclasen, landsstýrismann, frá Finni Helmsdal, løgtingsmanni, viðvíkjandi kunngerðini frá 1998 um grind.
4. Svar upp á fyrispurning nr. 100-23/2000 til Bjarna Djurholm, landsstýrismann, frá Hans Paula Strøm, løgtingsmanni, viðvíkjandi bergholi til Tjørnuvíkar.
5. Svar upp á fyrispurning nr. 100-24/2000 til Jørgen Niclasen, landsstýrismann, frá Hans Paula Strøm, løgtingsmanni, viðvíkjandi trygging av arbeiðsumhvørvinum umborð á skipum.
6. Framløga

Fundur lokin kl. 17.40. 

Finnbogi Ísakson
løgtingsformaður

/Marius Rein
skrivari