Gerðabók
Føroya Løgtings fyri tingsetuna 2000 |
25. fundur |
Fríggjadagur 10. november 2000 |
kl. 10.00 |
Ár 2000, fríggjadagin 10. november, kl. 10.00, varð tingfundur settur.
Hans Tausen Olsen, løgtingsmaður, og Tórbjørn Jacobsen, landsstýrismaður, vóru
ikki á fundi.
Formaðurin bar fram minningarorð um hennara hátign Ingrid drotning, ið andaðist
tann 7. november 2000, og tingmenn mintust hana í tøgn.
Til viðgerðar:
- Atkvøðugreiðsla um fyrispurning nr. 100-32/2000
til Karsten Hansen, landsstýrismann, frá Heðin Mortensen, løgtingsmanni, viðvíkjandi
MVG av ávísum veitingum til pensjónistar.
Samtykt uttan atkvøðugreiðslu, at fyrispurningurin skal svarast.
- 3. viðgerð av tingmáli nr.
7/2000: Uppskot til løgtingslóg um samsýning og eftirløn til Løgtingsins
umboðsmann.
Uppskotið, sum samtykt við 2. viðgerð, endaliga samtykt 28-0-0.
Málið avgreitt.
- 1. viðgerð av tingmáli nr. 9/2000:
Uppskot til løgtingslóg um tyrlutænastu.
Málið beint í vinnunevndina.
- Framløga.
Formaðurin boðaði frá, at Jørgen Niclasen, landsstýrismaður, vegna landsstýrið,
hevur lagt fram tingmál nr. 10/2000:
Uppskot til samtyktar um at taka upp samráðingar við donsku ríkisstjórnina um
yvirtøku av málsøkinum trygd á sjónum, at Jóannes Eidesgaard og Edmund Joensen,
vegna Javnaðarflokkin og Sambandsflokkin hava lagt fram tingmál nr. 11/2000:
Uppskot til samtyktar um nýval til Løgtingið, og at Vilhelm Johannesen, Lisbeth L.
Petersen og Flemming Mikkelsen, vegna Javnaðarflokkin og Sambandsflokkin hava lagt fram
tingmál nr.
12/2000: Uppskot til løgtingslóg um broyting í løgtingslóg um áseting av
skatti.
Tikið av dagsskrá:
Svar upp á fyrispurning nr. 100-21/2000
til Karsten Hansen, landsstýrismann, frá Heðin Mortensen, løgtingsmanni, viðvíkjandi
avgjaldi á trygdarútgerð.
Formaðurin boðaði frá hesum fyrispurningum:
Nr. 100-33/2000
til Helenu Dam á Neystabø, landsstýrismann, frá Kristian Magnussen, løgtingsmanni, um
ymiskar almannaveitingar,
nr. 100-34/2000
til Bjarna Djurholm, landsstýrismann, frá Jógvan Lützen, løgtingsmanni, viðvíkjandi
endurreisingini av skógfriðaða fríøkinum Úti í Grøv í Klaksvík og
nr.
100-35/2000 til Tórbjørn Jacobsen, landsstýrismann, frá Jógvan Lützen, løgtingsmanni,
viðvíkjandi útgrevstri av fornminnunum Úti í Grøv í Klaksvík
Formaðurin setti næsta fund at verða týsdagin 14. november 2000, kl. 13.30, við
hesi dagsskrá:
- Atkvøðugreiðsla um fyrispurning nr. 100-33/2000
til Helenu Dam á Neystabø, landsstýrismann, frá Kristian Magnussen, løgtingsmanni, um
ymiskar almannaveitingar.
- Atkvøðugreiðsla um fyrispurning nr. 100-34/2000
til Bjarna Djurholm, landsstýrismann, frá Jógvan Lützen, landsstýrismanni,
viðvíkjandi endurreisingini av skógfriðaða fríøkinum Úti í Grøv í Klaksvík.
- Atkvøðugreiðsla um fyrispurning nr. 100-35/2000
til Tórbjørn Jacobsen, landsstýrismann, frá Jógvan Lützen, landsstýrismanni,
viðvíkjandi útgrevstri av fornminnunum Úti í Grøv í Klaksvík.
- 1. viðgerð av tingmáli nr. 10/2000:
Uppskot til samtyktar um at taka upp samráðingar við donsku ríkisstjórnina um
yvirtøku av málsøkinum trygd á sjónum.
Málið verður beint í vinnunevndina.
- 1. viðgerð av tingmáli nr. 12/2000:
Uppskot til løgtingslóg um broyting í løgtingslóg um áseting av skattti.
Málið verður beint í fíggjarnevndina.
- Svar upp á fyrispurning nr. 100-21/2000
til Karsten Hansen, landsstýrismann, frá Heðin Mortensen, løgtingsmanni,
viðvíkjandi avgjaldi á trygdarútgerð.
- Framløga.
Fundur lokin kl. 12.05.
Finnbogi Ísakson
løgtingsformaður
/Marius Rein
skrivari