Gerðabók
Føroya Løgtings fyri tingsetuna 2000 |
17. fundur |
Fríggjadagur 6. oktober 2000 |
kl. 10.00 |
Ár 2000, fríggjadagin 6. oktober, kl. 10.00, varð tingfundur settur í
útvarpshøllini.
Løgtingsmenninir Óli Breckmann, Mikkjal Sørensen og Páll á Reynatúgvu,
landsstýrismenninir Jørgen Niclasen, Karsten Hansen og Helena Dam á Neystabø, og
Ríkisumboðsmaðurin vóru ikki á fundi.
Til viðgerðar:
Atkvøðugreiðsla um fyrispurning nr. 100-21/2000
til Karsten Hansen, landsstýrismann, frá Heðin Mortensen, løgtingsmanni, viðvíkjandi
avgjaldi á trygdarútgerð.
Samtykt uttan atkvøðugreiðslu, at fyrispurningurin skal svarast.
Atkvøðugreiðsla um fyrispurning nr. 100-22/2000
til Jørgen Niclasen, landsstýrismann, frá Finni Helmsdal, løgtingsmanni,
viðvíkjandi kunngerðini frá 1998 um grind.
Samtykt uttan atkvøðugreiðslu, at fyrispurningurin skal svarast.
3. viðgerð av tingmáli nr. 5/2000:
Uppskot til løgtingslóg um broyting í løgtingslóg um val til allar føroyskar
kommunur.
Av tí, at atkvøðutelduskipanin ikki er tøk, varð atkvøtt sambært § 76, stk. 2, í
tingskipanini. Formaðurin heitti á tingmenninar Henrik Old og Hergeir Nielsen um at
telja atkvøðurnar.
Broytingaruppskot frá Jógvan við Keldu, Vilhelm Johannesen, Heina O. Heinesen. Álvi
Kirke og Heðin Mortensen til § 1, nr. 13, fall 13-1-14. Uppskotið, sum samtykt við 2.
viðgerð, endaliga samtykt 26-0-0.
Málið avgreitt.
Framløga.
Formaðurin boðaði frá, at Tórbjørn Jacobsen, landsstýrismaður, hevur lagt fram
tingmál nr. 6/2000:
Uppskot til løgtinglsóg um broyting í løgtingslóg um fólkaskúlan.
Formaðurin setti næsta fund at verða týsdagin 10. oktober 2000, kl. 10.00, við
hesi dagsskrá:
- 1. viðgerð av tingmáli nr.
1-1/2000: Uppskot til løgtingsfíggjarlóg fyri 2001
- Framløga
Fundur lokin kl. 11.05
Finnbogi Ísakson
løgtingsformaður
/Marius Rein
skrivari