A. Upprunauppskot
B. 1. viðgerð (1. viðgerð)
C. Álit
D. Tikið aftur

Ár 2008, 13. august, løgdu tingmenninir Anfinn Kallsberg, Jørgen Niclasen, Poul Michelsen, Jógvan á Lakjuni, Jákup Mikkelsen, Annika Olsen og Jacob Vestergaard vegna Fólkaflokkin fram soljóðandi

Uppskot

 til

eykajáttanarløgtingslóg

fyri august 2008-2

                                                     § 7.  Mentamál

                                                             A. Yvirlit

  Játtanar yvirlit

  Útreiðsluætlan                                                           600                            600                         -

  Løguætlan                                                                     -                                -                          -

  Mentan                                                                                                   600                          -

     7.24.6.  Ítróttur...............................................                                                    600                          -

                                                           B. Játtanir

                                                                                                                     Útr.            Innt.

                                                                                                                           - Tús. kr. -

    7.24.6.  Ítróttur

       24.6.06.  Ítróttasamband Føroya                                                       J:            6.550                  -  

                                                                                                      EYJ:          500                  -  

       24.6.08.  Hugasamband Føroya                                                        J:              450                  -  

                                                                                                      EYJ:          100                  -  

 Viðmerkingar:

Uppskotið bleiv upprunaliga lagt fram tann 27. mai í álitinum til uppskot til løgtingsfíggjarlóg fyri 2008 í lm.nr. 191/2007 av minnilutanum í Fíggjarnevndini, Anfinn Kallsberg. Løgtingið feldi uppskotið við 2. viðgerð tann 30. mai og Fólkaflokkurin royndi aftur saman við øðrum við 3. viðgerð, men sama úrslit. Nú roynir flokkurin á triðja sinni.

Játtanin, sum var í uppskotinum, var kr. 1,2 milliónir, men nú er árið so mikið fráliðið, at í hesum eykajáttanaruppskotinum verður biðið um kr. 600.000,-.

Vit eru komin langt í fótbóltinum, men vit hava kanska betri møguleikar innan einstaklingaítrótt og lið. Tað er sjón fyri søgn, nú vit hava fingið ein trífaldan evropameistara.

Slík ítróttaavrik eru besta lýsingavirði, Føroyar kunnu fáa, og mangan betri enn tað, sum fæst fyri pengar. Játtanin skal brúkast til at stuðla elituítróttini við ferðing í sambandi við kappingar og venjingarlegur.

Skotið verður upp at játta tkr. 500 til Ítróttasamband Føroya og tkr. 100 til Hugasamband Føroya.

1. viðgerð 22. august 2008. Málið beint í Fíggjarnevndina, sum tann 10. desember 2008 legði fram soljóðandi

Álit 

Fólkaflokkurin hevur lagt málið fram tann 13. august 2008, og eftir 1. viðgerð 22. august 2008 er tað beint Fíggjarnevndini.

Nevndin hevur viðgjørt málið á fundum 22. oktober, 5. november og 4. desember 2008.

Nevndin heldur, at nú er lítil meining at játta henda pening, tá so lítið er eftir av fíggjarárinum. Spurningurin eigur tí at takast upp í sambandi við fíggjarlóg 2009.

Nevndin tekur tí ikki undir við málinum og mælir Løgtinginum frá at samtykkja tað.  

Á tingfundi 12. desember 2008  varð uppskotið tikið aftur av Anfinni Kallsberg vegna uppskotssetararnar. Upp á fyrispurning frá formanninum, sambært § 55, stk. 3 í tingskipanini, tók eingin uppskotið uppaftur. Málið avgreitt.