Serligar fráboðanir
9. september 2008
Formaðurin
las
skriv frá løgmanni, dagfest 30. august 2008, har gjørt verður Løgtinginum
kunnugt, at løgmaður hevur loyst
Kristinu Háfoss úr embæti sínum sum landsstýriskvinna samsvarandi
løgtingslóg nr. 103 frá 26. juli 1994 um Stýrisskipan Føroya § 29, 1. stk.
Óluva Klettskarð, landsstýriskvinna, tekur við ábyrgdini av teimum málsøkjum, ið
Kristina Háfoss hevur sitið fyri sum landsstýriskvinna.
16. september 2008
Formaðurin boðaði frá, at løgmaður í skrivi, dagfest 15. september 2008, ger
Løgtinginum kunnugt, at hann hevur loyst Høgna Hoydal, Tórbjørn Jacobsen, Bjørt
Samuelsen og Óluvu Klettskarð úr embæti teirra sum landsstýrisfólk samsvarandi
løgtingslóg nr. 103 frá 26. juli 1994 um Stýrisskipan Føroya § 29, 2. stk.
Løgmaður tekur fyribils við ábyrgdini av teimum málsøkjum, ið tey hava sitið
fyri sum landsstýrisfólk.
26. september 2008
Formaðurin boðaði frá, at Jóannes Eidesgaard, løgmaður, í skrivi dagfest 24.
september hevur heitt á løgtingsformannin um at verða loystur úr embætinum sum
løgmaður Føroya, samsvarandi § 29 í løgtingslóg nr. 103 frá 26. juli 1994 um
Stýrisskipan Føroya, og at hann hevði loyst Jóannes Eidesgaard úr starvi frá 24.
september 2008 at rokna. Eftir § 28 í Stýrisskipanarlógini hava formenninir fyri
flokkarnar á Løgtingi verið til samráð hjá løgtingsformanninum 25. september
2008 og við støði í hesum mælti formaðurin til eftir § 46 í tingskipanini, at
velja
Kaj Leo Johannesen
til løgmann.
30. september 2008
Formaðurin boðaði frá, at løgmaður í skrivi, dagfest 26. september 2008, ger
Løgtinginum kunnugt, at hann hevur tilnevnt hesar landsstýrismenn samsvarandi §
27, stk. 2 í lógini um Stýrisskipan Føroya:
Jørgen Niclasen, Sørvágur, landsstýrismaður í
uttanlandsmálum
Jóannes Eidesgaard, Tórshavn, landsstýrismaður í fíggjarmálum
Jacob Vestergaard, Akrar, landsstýrismaður í fiskivinnumálum
Johan Dahl, Vágur, landsstýrismaður í vinnumálum
Hans Pauli Strøm, Vestmanna, landsstýrismaður í heilsumálum
Rósa Samuelsen, Sandavágur, landsstýriskvinna í almannamálum
Annika Olsen, Tórshavn, landsstýriskvinna í innlendismálum
Helena Dam á Neystabø, Tórshavn, landsstýriskvinna í mentamálum
Eisini verður gjørt Løgtinginum
kunnugt, at løgmaður 26. september 2008 samsvarandi § 27, stk. 2 í lógini um
Stýrisskipan Føroya hevur loyst Karsten Hansen úr embæti sínum sum
landsstýrismaður.
10. desember 2008
Formaðurin bar fram minningarorð um Finn Helmsdal, fyrrverandi tingmann, ið
andaðist tann 5. desember 2008, og tingmenn mintust hann í tøgn.
14. mai 2009
Formaðurin boðaði
frá, at tað ikki eru fleiri mál at viðgera, og um einki serligt mál kemur, so
verður ikki tingfundur aftur fyrrenn á ólavsøku.
Løgtingið hevur, síðani á ólavsøku 2008, havt 97 fundir, ið hava vart 539
tímar. 177 mál eru framløgd, íroknað 1 frágreiðing
sambært § 51 í tingskipanini. 12 mál eru tikin aftur av uppskotssetarunum, 7 mál
er ikki komin aftur úr nevnd. Øll hini málini eru avgreidd frá tinginum. 41
skrivligir fyrispurningar eru settir og avgreiddir. 179 munnligir
fyrispurningar eru settir og svaraðir, og ófráboðaðir fyrispurningar vóru á
skrá á 5 fundum. Fíggjarnevndin
hevur havt 48 fundir, Uttanlandsnevndin 27, Landsstýrismálanevndin 19,
Vinnunevndin 31, Trivnaðarnevndin 23, Mentanarnevndin 11 og Rættarnevndin hevur
havt 22 fundir, Tríggjar § 25 nevndir hava havt tilsamans 23 fundir.