A. Upprunauppskot
B. 1. viðgerð
C. Orðaskifti við 1. viðgerð
D. 2. viðgerð
E. Orðaskifti við 2. viðgerð
F. Val av nevnd

Ár 2007, 24. apríl, legði Jóannes Eidesgaard, løgmaður, vegna landsstýrið fram soljóðandi

Í nevndina verða valdir tíggju tingmenn. Tveir tingmenn, umboðandi hvønn av teimum fýra stóru flokkunum, og ein tingmaður, umboðandi hvønn av teimum báðum smáu flokkunum. 

Viðmerkingar
Við álitinum um Stjórnarskipan Føroya hava vit fingið eitt gott grundarlag fyri einum uppskoti til Stjórnarskipan Føroya.

Til tess at tryggja, at uppskotið til Stjórnarskipan Føroya í nevnda áliti verður nóg greitt at leggja fyri Løgtingið, verður skotið upp, at meirviðgera tað í serligari tingnevnd.

Av tí, at nevndin verður sett sbr. tingskipanini § 25, fellur heimild hennara burtur á ólavsøku. Er hon ikki liðug við arbeiði sítt tá, ber altíð til hjá nevndarlimunum at skjóta upp fyri Løgtinginum at endurvelja nevndina. Hon kann tá halda á við arbeiði sínum við endurnýggjaðari heimild í komandi tingsetu. 

Skjalayvirlit: 
Skjal 1:  Álit um Stjórnarskipan Føroya, sum varð handað løgmanni 18. desember 2006.

Hesir tingmenn viðmæla, sambært § 54, stk. 2, í tingskipanini, at málið kann leggjast fram og fáa viðgerð:

1. viðgerð 27. apríl 2007. Málið beint beinleiðis til 2. viðgerð.

2. viðgerð 1. mai 2007. Uppskot til samtyktar samtykt 25-3-0.

Á tingfundi 7. mai 2007 vórðu hesi vald í nevndina:
Lisbeth L. Petersen, Marjus Dam, Kristian Magnussen, John Johannessen, Høgni Hoydal, Finnur Helmsdal, Anfinn Kallsberg, Poul Michelsen, Jenis av Rana og Kári P. Højgaard
Málið avgreitt.