A. Upprunauppskot
B. 1. viðgerð
C. Orðaskifti við 1. viðgerð
D. Álit
E. 2. viðgerð
F. Orðaskifti við 2. viðgerð
G. 3. viðgerð (Einki orðaskifti)

Ár 2007, 1. mai, legði Bárður Nielsen, landsstýrismaður, vegna landsstýrið fram soljóðandi

Uppskot

til

eykajáttanarløgtingslóg

fyri mai 2007

Høvuðsyvirlit

Tekstur

§ 3 Fíggjarmál

A. Yvirlit

B. Játtanir

§ 7 Útbúgving og gransking

A. Yvirlit

B. Játtanir

 § 20 Inntøkur

A. Yvirlit

B. Játtanir

Almennar viðmerkingar

Hjálagt er triðja eykajáttanaruppskotið frá landsstýrinum, sum verður lagt fyri Løgtingið fyri fíggjarárið 2007. Samlaði kostnaðurin av uppskotinum er 3 mió. kr.

Eykajáttanin kann greinast soleiðis:

• Lógarbundin játtan  25 mió. kr.

• Onnur játtan           -22 mió. kr.

• Tilsamans                3 mió. kr.

Higartil í ár hevur landsstýrið umbiðið eykajáttanir (íroknað fíggjarnevndarskjal) fyri 44,2 mió. kr.

Á § 3. Fíggjarmál verður biðið um, at nýggj høvuðskonta Stuðul til bygging og umvæling av egnum bústaði verður stovnað við játtan á 25 mió. kr. fyri seinna hálvár 2007.

Á § 7. Útbúgving og gransking verður biðið um, at játtanin til Studning til Kirkjugrunnin verður hækkað við 3 mió. kr. til raksturin av Fólkakirkjuni í 2007 eftir yvirtøkuna á ólavsøku.  

Á § 20. Inntøkur verður biðið um, at játtanin til Meirvirðisgjald verður hækkað við 25 mió. kr. í sambandi við, at undantaki í mvg-lógini fyri lønir til bygging og umvæling av egnum bústaði verður avtikið og lagt um til stuðul pr. 1. juli 2007.

Viðmerkingar

§ 3 Fíggjarmál

Íbúðarmál

3.22.4. Útgjaldsskipanir

3.22.4.04. Studningur til bygging og umvæling av egnum bústaði (Lógarbundin játtan)

Landsstýrið hevur lagt uppskot fyri Løgtingið um at taka av undantakið í mvg-lógini fyri lønir til bygging og umvæling av egnum bústaði. Samstundis havur landsstýrið lagt uppskot fyri Løgtingið um stuðul fyri part av meirvirðisgjaldinum í sambandi við bygging og umvæling av egnum bústaði.

Broytingin merkir, at vit fáa eina reinari mvg-lóg. Stuðulin, sum higartil hevur verið fjaldur í mvg-skipanini, verður  avmarkaður nakað og gjørdur sjónligur á fíggjarlógini. Eisini verður eftirlitið styrkt og harvið møguleikar fyri misbrúki minkaðir.

Hetta eykajáttanaruppskot skal geva heimild til at útgjalda stuðul eftir omanfyrinevndu stuðulslóg.

Skotið verður upp at játta  25 mió. kr. til stuðul fyri seinna hálvár 2007.  Samstundis verður skotið upp at hækka mvg-inntøkurnar við samsvarandi upphædd. Talan er um eina leysliga meting. Tað er ikki gjørligt at gera eina neyva meting av fíggjarligu avleiðingunum av uppskotunum, men orsakað av, at tað í stuðulsuppskotinum eru nakrar avmarkingar í mun til galdandi reglur, kann roknast við, at meirinntøkan verður nakað hægri enn útgoldni stuðulin.

Sundurgreinað ætlan

 § 7 Útbúgving og gransking

Mentan

7.24.5. Kirkjan

7.24.5.01. Studningur til Kirkjugrunnin (Onnur játtan)

Játtanin er ætlað til at verða landskassans partur av rakstrinum av fólkakirkjuni. Játtanin verður veitt sum stuðul til Stiftsstjórnina. Upphæddin er ásett soleiðis, at lands­kassans partur kemur at verða á sama støði í Føroyum, sum danski staturin stuðlar fólkakirkjuni í Danmark.

Upprunajáttanin í 2007 er hækkað við 3 mió. kr., samsvarandi við landskassans part av rakstrinum av kirkjuni seinastu fimm mánaðirnar av árinum - frá tí, at hon verður yvirtikin 29. juli 2007.

Sundurgreinað ætlan

§ 20 Inntøkur

Skattir og avgjøld

20.52.2. Avgjøld og tollur

20.52.2.01. Meirvirðisgjald (Onnur játtan)

Landsstýrið hevur lagt uppskot fyri Løgtingið um at taka av undantakið í mvg-lógini fyri lønir til bygging og umvæling av egnum bústaði. Samstundis hevur landsstýrið lagt uppskot fyri Løgtingið um stuðul fyri part av meirvirðisgjaldinum í sambandi við bygging og umvæling av egnum bústaði.

Broytingin merkir, at vit fáa eina reinari mvg-lóg. Stuðulin, sum higartil hevur verið fjaldur í mvg-skipanini, verður  avmarkaður nakað og gjørdur sjónligur á fíggjarlógini. Eisini verður eftirlitið styrkt og harvið møguleikar fyri misbrúki minkaðir.

Skotið verður upp at játta 25 mió. kr. til stuðul fyri seinna hálvár 2007. Samstundis verður skotið upp at hækka mvg-inntøkurnar við samsvarandi upphædd. Talan er um eina leysliga meting. Tað er ikki gjørligt at gera eina neyva meting av fíggjarligu avleiðingunum av uppskotunum, men orsakað av, at tað í stuðulsuppskotinum eru nakrar avmarkingar í mun til galdandi reglur, kann roknast við, at meirinntøkan verður nakað hægri enn útgoldni stuðulin.

Sundurgreinað ætlan

Hesir tingmenn viðmæla, sambært § 54, stk. 2, í tingskipanini, at málið kann leggjast fram og fáa viðgerð:

1. viðgerð 7. mai 2007. Málið beint í fíggjarnevndina, sum tann 29. mai 2007 legði fram soljóðandi

Álit

Landsstýrið hevur lagt málið fram tann 1. mai  2007, og eftir 1. viðgerð 7. mai 2007 er tað beint fíggjarnevndini.

Nevndin hevur viðgjørt málið á fundum tann 10. og 23. mai 2007.

Uppskotið er ein avleiðing av, at kirkjan verður yvirtikin og at mvg-frítøkan á lønir til bygging og umvæling av egnum bústaði nú skal veitast sum stuðul í staðin.

Undir viðgerðini hevur nevndin býtt seg í ein meiriluti og ein minniluti.

Meirilutin (Anfinn Kallsberg, Vilhelm Johannesen, Kaj Leo Johannesen, Lisbeth L. Petersen og Kári P. Højgaard) tekur undir við málinum og mælir Løgtinginum til at samtykkja tað.

Minnilutin (Páll á Reynatúgvu og Bill Justinussen) tekur ikki undir við uppskotinum um at leggja mvg-frítøku á lønum til bygging og umvæling av egnum bústaði um til stuðul og ynskir tí, at atkvøtt verður um hvørja grein sær í uppskotinum.

2. viðgerð 31. mai 2007. Biðið var um, at atkvøtt varð fyri hvørja grein sær. § 3 samtykt 23-0-0. § 7 samtykt 24-0-0. § 20 samtykt 24-0-0. Uppskotið fer soleiðis samtykt til 3. viðgerð

3. viðgerð 1. juni 2007. Uppskotið, sum samtykt við 2. viðgerð, endaliga samtykt 27-0-0. Málið avgreitt.

Ll.nr. 57 frá 07.06.2007