Nevndarskjøl rættarnevndin 1999

Viðvíkjandi løgtingsmáli nr.  21/999

21  Uppskot til  løgtingslóg um broyting í løgtingslóg um evnisskráir hjá almennum myndugleikum 

Skjal G

Í nevndini sita:

Turid Debes Hentze, advokatur – formaður
Ein edv kønur limur
Løgdeildin á Løgmansskrivstovuni er sekretariat hjá nevndini

Arbeiðssetningur 

Nevndin skal endurskoða:

Løgtingslóg nr. 62 frá 05.06.1984 um evnisskráir hjá almennum myndugleikum
og Løgtingslóg nr. 107 frá 15.11.1984 um evnisskráir hjá privatum myndugleikum
(við seinni broytingum) og gera uppskot til nýggja lóggávu á økinum.
Nevndin skal miða eftir, at gera eina samlaða lóggávu á økinum, ið tekur støði í:

• Royndunum hjá Skrásetingareftirlitinum síðani omanfyrinevndu lógir komu í gildi.
• Umsitingarligu royndunum av almennari skráseting í Føroyum.
• Nýggjum avbjóðingum innan lóggávu, eftirlit og umsiting í sambandi við kunningartøkni og í sambandi við alnótina – herundir samsvarið við altjóða lóggávu og royndirnar úr øðrum londum.
• Nýggjum etiskum trupulleikum og avbjóðingum innan granskingarskráir- eitt nú í sambandi við biomedisin, genskráseting og gentøkni.

Nevndin skal í arbeiði sínum gjøgnumganga og meta um tað álitið, ið varð gjørt í 1993 um skrásetingarlóggávu, og skal gjøgnumganga og meta um tað arbeiðið, ið er gjørt umsitingarlig viðvíkjandi samanlegging av ymsum almennum skrásetingarstovnum (Partafelagsskráseting, tinglýsing, matrikulering, fólkayvirlit o.s.fr.).

Politisku málsetningarnir, sum nevndin skal arbeiða fyri, er at gera lóggávu:

• sum er einføld at umsita og hava eftirlit við – t.e. sum skilir ímillum, hvat eru viðkvæmir persónsupplýsingar, ið krevja góðkenning at skráseta, og hvat er loyvt uttan vanda fyri persónliga frælsinum.
• sum ger tað møguligt at samskipa almenna skráseting umsitingarliga og tekniskt við at nýta p-talið.
• sum verjir persónar móti samkoyring av telduskráum, og sum verjir móti bæði almennari og privatari misnýtslu av skráseting um persónar.
• sum ger tað møguligt at fylgja altjóða reglum og hava eftirlit við misnýtslu tvørturum landamørk.

Nevndin er ein trímannanevnd, sum fær ábyrgdina av at gera lógaruppskotið. Men nevndin skal í arbeiði sínum samskifta við fólk, ið hava serligan sakkunnleika á ymsu spurningunum í sambandi við skráseting. Landsstýrismaðurin sendir uppskotið til hoyringar hjá myndugleikum og feløgum, ið kunnu metast at hava serliga vitan og serligan áhuga í nýggjari skrásetingarlóggávu.

Tinganes 11-01-00
Høgni Hoydal
landsstýrismaður

/Rúni Joensen,
deildarstjóri