Løgtingsfíggjarlóg 2000

Føroya Løgting
Figgjarnevndin
100 Tórshavn
Att: Bjarni Djurholm, figgjarnevndarformaður.

Viðvíkjandi bakkaverju í Sumba.

Undirritaði heitti við skrivið, dagfest 13. august 1999, á Landsstýrismanin í Vinnumálum, um at seta pening av á figgjarætlaninni fyri ár 2000 til bakkaverju í Sumba. Avrita av brævinum hjálagt.

Vinnumálastýrið boðaði frá við brævið, dagfest 9. novembur 1999, at peningur ikki var settur av á figgjarætlaninni. Avrit av brævinum hjálagt.

Sumbiar Kommuna kann als ikki góðtaka hetta, og verður tí heitt á tygum/fíggjarnevndina um at seta nakað av peningi av á fíggjarætlaninni fyri ár 2000, so vit kunnu byrja uppá bakkaverjuna.

Tá hugt verður at fíggjarlógaruppskotinum fyri ár 2000 sæst beinan vegin, at bert heilt lítil partur av íløgukarminum, verður veittur til Suðuroynna, so tað ger onki, um nakrar krónur verða settar av til bakkaverju í Sumba.

Vinarliga
Jacob Vestergaard
bygdaráðsformaður

Landsstýrismaðurin í Vinnumálum
Vinnumálastýrið
Tinganes
100 Tórshavn

Viðvíkjandi bakkaverju í Sumba.

Sumbiar Kommuna vil hervið heita á landsstýrismannin, um at seta pening av á figgjarætlaninni fyri ár 2000, tíl ger av bakkaverju í Sumba.

Tað er ein sannroynd, at tað ógvusliga briymið, sum er í Sumba um veturin, máar meir og meir burtur av bakkanum í Sumba, og er tað tí alneyðugt at gera bakkaverju framvið bakkanum, fyri at verja bygdina móti at fara í havið.

Matrikulstovan hevur í summar mátað upp, hvussu nógv er máa burtur av bakkanum, síðan Sumba bleiv matrikullerað, og vísir hjálagda kort (ikki teldutøkt), at støðan skjótt verður rættuliga hættuslig.

Landsverkfrøðingurin v/Jákup Enni arbeiðir við at gera. kostnaðarmetan og uppskot um, hvussu bakkaverjan kann gerast. Tað er tó greitt, at ein bakkaverja verður so kostnaðarmikil, at Sumbiar Kommuna, einsamøll, ongan møguleika hevur at fara undir at gera hana.

Hóast vit halda, at ger av slíkari bakkaverju, er ein landsuppgáva, hevði tað verið møguligt hjá Sumbiar Kommunu at rinda ein part, t.v.s. 25%, sum áður hevur verið galdandi viðv. havnaútbyggingum.

Vónandi er vilji til staða til at seta pening av á fíggjarætlaninni. Havandi í huga tað lítla virksemi, sum er her í økinum, er neyvan nakar trupuleiki at fáa Løgtingi at játta pening.

Landsverkfrøðingurin v/Jákup Enni vil senda uppskot og kostnaðarmeting.

Vinarliga
Jacob Vestergaard, bygdaráðsformaður.