Løgtingsfíggjarlóg 2000

Viðvíkjandi løgtingsmáli nr. 1-1 /1999

Skjal AE

Konto’in svarar til tey viðlíkahaldsarbeiði, ætlanin er at gera í ár 2000. Henda konto fer ivaleyst at hækka aftur í ár 2001 og fylgjandi árini.

Tórshavnar Kommuna eigur bygningarnar.

Hetta skyldast, at tveir skrivstovunæmingar eru útlærdir og at stuðulsstovnurin fær ein 1/1 tíðarleiðara í mun til, at ein ¼ tíðarleiðari var áður. Eisini er útreiðslan til starvsfólk til altjóða skrivstovuna tikin við her.

• Frágreiðing um altjóða skrivstovu.

Tá ið løgtingsfíggjarlógin er samtykt, verður farið undir fyrireikingarnar av at seta á stovn skrivstovuna.

• Frágreiðing um broytingarnar í stuðulsveitingunum.

Vøksturin í uppskotinum til fíggjarløgtingslóg fyri ár 2000, er av okkum mettur at verða 10,2 mill kr. t.v.s umleið 1,2 mill. hægri enn nevndin metti í 1997. Høvuðsorsøkin til henda mun er, at vit í stuðulsárinum 1999/2000 hava eina skiftisskipan fyri næmingar undir 18 ár. Tey fáa fram til skúlaárslok 1999/2000 tann gamla mánaðarliga stuðulin, sum fyrst tá verður avloystur av eini minni útreiðslukrevjandi skipan við bókastuðli, ferðastuðli og vistarhaldsstuðli. Í útrokningunum í álitinum, verður sjálvandi ikki roknað við mánaðarligum stuðli til tey, ið eru undir 18 ár, í eitt ½ ár.

Trupult er at gera eitt starvsfólkayvirlit, tá ið ætlanin verður gjørd. Í fleiri førum ber ikki til frammanundan at siga neyvt, hvussu og av hvørjum uppgávan verður loyst. Tí vil eitt starvsfólkayvirlit verða misvísandi.

Av nýggjum tiltøkum kann nevnast: Oljuútbúgvingartiltøk, fyrisitingarforrit til skúlar og skúlaverkið og EBG (European Business Game)endakapping í Føroyum.

Í játtanini fyri 1999 eru kr. 451.000,- avsettar til løn til lærarar, sum skriva skúlabøkur og at fyrireika undirvísingarmiðlar. Ætlanin er at brúka part av játtanini í 2000 sum stuðul til forløg, men tá tað ikki ber til at siga, hvussu stórur hesin partur er, er alt sett upp sum løn.

Hóast umbønir og frágreiðingar í sambandi við økt virksemi á fólkaskúlaøkinum við nýggjari løgtingslóg um fólkaskúlan umframt lønarvøkstur, so fekk landsstýrismaðurin ikki lagað fíggjarkarmin fyri ár 2000 til økta virksemið í nóg stóran mun, sum ætlað í fólkaskúlanum. Tí er fólkaskúlin noyddur at seta sítt virksemi hareftir.

Við teimum fortreytum sum liggja til grund fyri fíggjarætlanini, fer játtanin ætlandi at halda.

Forskúlar:
Sambært § 4, stk. 2 í løgtingslógini um fólkaskúlan, so kann kommunum verða loyvt at seta 1 árs forskúlaflokk/-ar á stovn eftir gjøllari reglum, sum landsstýrismaðurin setur. Álit er skrivað um forskúlaflokkaskipan, men enn eru gjøllari reglur um forskúlaflokk/-flokkar ikk gjørdar. Forskúlaflokkar eru einans í Sankta Frans Skúla, sum hevur havt forskúlaflokk frá teirri tíðini, hann var privatskúli, og forskúlaflokkarnir í nevnda skúla hava hildið fram sum privatskúli, hóast Sankta Frans Skúli nú er kommunuskúli.

Avgjørt er, at eingin nýggjur forskúlaflokkur verður settur á stovn, fyrr enn gjørdar eru gjøllari reglur um forskúlaflokk/-ar. Í løtuni verður í landsstýrinum røtt um í hvønn mun hetta eigur at verða eitt komunalt mál burturav ella ikki.

Skúlavegleiðaraskipan:
Av tí at samráðingar millum Lønardeildina í Fíggjarmálastýrinum og Føroya Lærarafelag um tímaniðurskurð fyri skúlavegleiðarauppgávur í fólkaskúlanum ikki eru loknar á økinum, er ilt at siga um útreiðslurnar til endamálið, men skúlavegleiðarar eru lidnir við sína útbúgving, og farið kann verða undir skúlavegleiðaraskipanina í august ár 2000. Meðan Lønardeildin hevur roknað við einari upphædd, ið svarar til uml. kr. 600.000,- um árið, hevur Føroya Lærarafelag kravt eina upphædd, ið svarar til uml. kr. 1.000.000,-.

Læraraeftirlønir:
Lærarar verða ikki settir longur sum tænastumenn. Hetta var broytt 1. august 1998, so fyri lærar, settir eftir henda dag, rindar arbeiðsgevarin eftirlønargjaldið, 13,75%.

Serlig frágreiðing verður handað nevndini.

Sum er, er eingin serlig játtan til endamálið, annað enn tann upphædd, sum hevur verið nýtt til hetta endamál í Danmark (Norrøni eftirskúlin í Hygum).

Annars er nevnd sett at gera lógaruppskot um eftirskúlar og, hvussu teir skulu stovnsetast.

Viðmerkingarnar eru bert ætlaðar at virka sum kunning um, hvørja lóg viðkomandi skúli virkar undir. Mett verður, at tað ikki er rætt at lýsa allar lógarbroytingar her.

Tað eru broytingar, ið stava frá einum nýggjum flokki í Klaksvík. Lærararnir flyta ímillum og eru lønarútreiðslurnar tí í ein vissan mun fluttar úr Eysturoy til Klaksvíkar. Lærararnir eru settir í Eysturoynni, men arbeiða í báðum støðum.

Eindarkostnaðurin verður roknaður sum (beinleiðis løn/ tal av næmingum). Viðurskifti so sum tal av næmingum í hvørjum flokki og lønarstøði hjá lærarunum slær sostatt út í eindarkostnaðinum.

Rættast hevði verið eisini at rokna kostnað pr. næming á hvørjum skúla. Útreiðslur so sum rakstrarútreiðlsur og ikki floksbýtt virksemi er torført at býta út á tær ymisku útbúgvingarnar.

Viðmerkingar: Lærlingatilgongdin er í menning, skúlagongdin verður sum oftast longd, hvørja ferð útbúgvingarnar verða dagførdar. Lærlingalønirnar eru farnar upp pr. 1. apríl 1998. Størsta økingin kemur tó av, at løgtingið við lóg nr. 25 frá 6. mars 1998 ásetti, at lønarendurgjaldið til lærupláss frá 1. januar 1998 er hækkað úr 75% til 100% av minstulønini hjá handverkslærlingum. Hesi viðurskifti gera, at neyðugt verður at leggja upp fyri, so lógarfestu skyldur landskassans mótvegis læruplássunum kunnu haldast.
"6.00" eigur at verða "6.000"

Føroya Brandskúli hevur søkt um kr. 600.000 í stuðul til keyp av gassanleggi og kr. 300.000 til setan av einum instruktøri afturat. Eisini hevur Føroya Brandskúli gjørt vart við, at inntøkugrundarlagið hjá skúlanum lækkar komandi ár, tí Trygdarmiðstøðin framyvir ikki ætlar at lata sjómenninar, sum taka trygdarskeið í Klaksvík, taka eldsløkkingarpartin á Føroya Brandskúla. Í fíggjarkarminum hjá Undirvísingar- og Mentamálastýrinum fyri ár 2000 er ikki rúm fyri at hækka stuðulin.

Arbeiðsbólkur við umboðum úr Undirvísingar- og Mentamálastýrinum, Fiskimálastýrinum og Vinnumálastýrinum er settur at gera tilmæli um, hvussu útbúgving og eftirútbúgving við atliti at eldsløkking best kann fremjast. Viðurskiftini hjá Føroya Brandskúla verða eisini viðgjørd í hesum sambandi, og verður arbeiðsbólkurin liðugur við arbeiði sítt fyrst í desember.

Munurin á eindarkostnaðinum fyri heimaskiparar er kr. 4.200 og orsøkin er, at tað eru hægri tímasatsir fyri lærarar í Tórshavn.

Talið fyri 2000 er fulltíðarstørv, meðan talið fyri 1999 er tal av starvsfólkum.

Í samband við at uppskotið til løgtingslóg um almanna- og heilsuútbúgvingar var lagt fram í februar í ár, var eisini ein kostnaðarmeting gjørd fyri skúlan, har roknað var við, at skúlin kostaði kr.1.825.000,- at reka, íroknað mvg. Uttan mvg verður tað til kr. 1.750.000,-

Talan er um ein samandrátt í notatformi av fýra ymiskum kanningum. Notatið verður handað figgjarnevndini 16.11.99.

Talan er um eitt projekt fíggjað av konto 7.23.6.19 nevnd "Granskingarætlanir". "Granskingarverkætlanini fyri Økismenning" er óheft samfelagsfrøðilig verkætlan innan økismenningargransking við arbeiðsstaði í Klaksvík. Endamálið við "Granskingarverkætlanin fyri Økismenning" er: at fremja og menna samfelagsvísindaliga gransking við serligum atliti at økismenning og at menna vitan og førleika í Føroyum innan økismenning. ".

Í seinasta lagið í 2002 verður eftirmeting gjørd av verkætlanini, sum skal mynda støðið undir avgerð um møguliga stovnseting av depli.

Manningin er tveir húsavørðar fyri allar stovnarnar á Debesartrøð. Harumframt er ein netumsitari. Ynski hevur verið at víðka um netumsitingina, men higartil hevur tað ikki verið møguligt.

Stuðul verður latin eftir umsókn stílað til Undirvísingar- og Mentamálastýrið. Mentamáladeildin viðger umsóknina og ger tilmæli til landsstýrismannin, sum tekur avgerð, um verkætlanin eigur at verða stuðla.

Av misgávum er játtanin sett til kr. 776.000,- skal vera 876.000,-.

Hetta er ein dagføring av studninginum til fólkabókasøvnini sambært Ll 9/6 1988. 400.000 kr. eru ætlaðar til beinleiðis studning, og 100.000 eru ætlaðar til framleiðslu av føroyskum ljóðbókum at lána út til blind og sjónveik í kommununum kring landið. Stórur tørvur er á ljóðbókum, og arbeitt hevur verið leingi við málinum.

• Hækkingin er til at fíggja føroyska partin av donsk-føroysku avtaluni frá juni í ár um flyting av Kirkjubøstólunum og hópin av føroyskum forngripum í Danmark aftur til Føroya. Hetta er ein verkætlan, ið fevnir um vísindaliga skráseting og fornfrøðiliga lýsing av øllum føroyskum forngripum í Danmark. Ætlanin endar við eini frágreiðing og við uppskoti um, hvørjir forngripir umframt Kirkjubøstólarnar, ið eiga at verða fluttir aftur til Føroya. Nationalmuseet ber umleið 2/3 og Føroya Fornminnissavn ber 1/3 av kostnaðinum av verkætlanini.

Í 1997 var alt virksemið hjá Føroya náttúrugripasavni(Rakstrarjáttan)skrásett undir 20, tó var ein verkætlan skrásett undir 21. Seinri verður virksemið býtt upp í 23 Náttúrugripasavnið og 24 Jarðfrøðissavnið.

Talan er um eina misskiljing, sum verður rættað í næstum. Fíggjarnevndin kann vænta sær svar í hesu vikuni.

Undirvísingar- og Mentamálastýrið bíðjar endurskoðaða fíggjarætlan fyri 2000 frá SvF.

• Orsakað av veddingarpeninginum hevur Undirvísingar- og Mentamálastýrið hildið tað vera forsvarligt at lækka játtanina. Tað er av tilvild, at ÍSF ikki stendur fremst, og tað hevur verið so í mong ár.

Grunnurin fyri Tórsvøll hevur fingið tilsøgn um stuðul til byggingina, sum er 30% av metta byggikostaðan, ella 7.650.000 yvir trý ár, ávíkavist 1999, 2000 og 2001, við tí fyrivarni, at peningur verður játtaður á fíggjarløgtingslógini, og at hann likur tey krøv, ið sett eru.

Undirvísingar- og mentamálastýrið
Rættingar til FL 2000 - skjal 3

Blaðsíða 159 og 160:

Rætting, skúlin í Hygum er hildin uppat.

7.23.2.03. Stuðul til fólkaskúlar

Játtanin fer til at stuðla umbygging á skúlum til rørslutarnaðar næmingar, til skúlabarnaflutning, privatar skúlar og føroyskar skúlar uttanlands.

Undirkonto 7.23.2.03.01 Stuðul til fólkaskúlar. Játtaðar verða kr. 150.000 í studningi til kommunur, ið skulu gera neyðugar umbyggingar, soleiðis at rørslutarnaðir næmingar kunnu vera í skúlunum.

Undirkonto 7.23.2.03.02. Skúlabarnaflutningur. Sambært § 34 í Ll. nr. 121 frá 21. mai 1993 um broyting í løgtingslóg um fólkaskúlan, hava kommunur rætt til at fáa endurgjald fyri helvtina av útreiðslunum av góðkendum skúlabarnaflutningi uttan fyri kommunumark.

Undirkonto 7.23.2.03.03. Privatir skúlar. Sambært §27 í Ll. nr. 58 frá 2.10.78 um skúlafyrisiting kunnu privatir skúlar, sum undirvísa í samsvari við undirvísingina í fólkaskúlanum, verða góðkendir til at fáa stuðul, um rímiligur tørvur er á hesum undirvísingartilboðnum. Bert Adventistaskúlin fær stuðul eftir hesi skipan. Stuðul verður veittur til 85% av góðkendum læraralønunum.

Undirkonto 7.23.2.03.04. Føroyskir skúlar uttanlands. Endamálið er at geva eitt ískoyti til at reka føroyskar skúlar uttanlands. Føroysku skúlarnir í Danmark fáa tilsamans 60 tús. kr. Hesir skúlar eru, fyri at læra føroysk børn móðurmálið og um føroysku mentanina. Skúlar eru í løtuni í Keypmannahavn og Århus. Harumframt verða 40 tús. kr. játtaðar til føroyingar, sum taka lut í ymiskari frítíðarundirvísing í Danmark.

Sundurgreinað ætlan

 Blaðsíða 199:

Játtanin fyri 2000 er hækkað við kr. 100.000,-:

7.24.2.10. Norðurlandahúsið

Norðurlandahúsið í Føroyum er mentanarstovnur, sum virkar fyri norðurlendskari mentan í Føroyum, fremur føroysk mentanartiltøk í Norðurlondum og stuðlar og fremur føroysk tiltøk í Føroyum. Raksturin verður fíggjaður samb. avtalu millum Nordisk Ministerråd og Føroya Landsstýri. Avtalan kom í gildi 1. mai 1983, og eftir henni letur NMR 92 % og FL 8 %.

Sundurgreinað ætlan

Blað síða 197:

Játtanin fyri 2000 er lækkað við kr. 100.000,-:

7.24.1.25. Ungdóms- og bygdarhús

Studningur verður í flestu førum veittur til áður játtaðar umsóknir. Studningurin svarar til í mesta lagi 30% av kostnaðinum. Fleiri av umsóknunum eru játtaðar fyri nøkrum árum síðani, men eru byggiætlanirnar útsettar, m.a. vegna broytt fíggjarviðurskifti.

Sundurgreinað ætlan

Blað síða 213:

Teksturin fyri 2000 er broyttur:

7.24.4.01. Sjónvarp Føroya (Landsfyritøka)

Sjónvarp Føroya varð sett á stovn við løgtingslóg frá 21. mai 1982, men virkar í dag sambært løgtingslóg nr. 22 frá 20. februar 1998 um kringvarp v.m. og kunngerð frá 17. juni 1998 um reglur fyri Sjónvarp Føroya. Sambært lógini er Sjónvarp Føroya "ein sjálvstøðugur stovnur undir landinum, sum mótvegis borgarunum hevur skyldu til at útvarpa sjónvarpssendingar, ið fevna um tíðindi, upplýsing, mentan og undirhald. Sjónvarp Føroya skal í programmvirkseminum leggja dent á upplýsingar- og talufrælsið, sakliga og óhefta upplýsing og veita eitt fjøltáttað tilboð, sum varðveitir og fjálgar um mál, mentan, átrúnað og siðalæru føroyinga." Sum almennur tænastustovnur hevur SvF serligar skyldur at røkja áhugamál hjá øllum borgarum landsins.

Sjónvarp Føroya er ein landsfyritøka, og sambært játtanarreglunum kann fyritøkan í einum fíggjarári hava størri inntøkur og útreiðslur, enn mettar eru frammanundan. Stovnurin kann flyta eitt møguligt yvirskot til árið eftir.

Mettu inntøkurnar í 2000 fevna um hyggjaragjald og gjald fyri sjónvarpslýsingar, umframt um inntøkur av eydnuspølum og øðrum tiltøkum. Mestu útreiðslurnar eru av at gera føroyskt sjónvarpstilfar. Harumframt standast útreiðslur av at keypa útlendskt tilfar og nakað av fyrisiting og at røkja tøkni. Eisini hevur Sjónvarp Føroya fyri neyðini støðugt at skifta út nógva tøkni. Allar íløgur í tøkni av fíggjarætlanini verða avskrivaðar alt fyri eitt.

Nettotølini niðanfyri vísa gjaldsførisstreymin hjá Sjónvarpinum.

Uppgerð av nettotølum

Sundurgreining av rakstrarnettotølum

Sundurgreinað ætlan

Starvsfólkayvirlit

Undirvísingar- og mentamálastýrið
Rættingar til FL 2000 – skjal 4

Rættingar til fíggjarlógaruppskotið fyri 2000.

Klaksvíkar Sjómansskúli hevur ikki haft tímar til "ikki floksbýtt virksemi". Sambært tí nýggja sáttmálanum hava Føroy Sjómansskúli og Maskinmeistaraskúlin 25 tímar um vikuna til hetta virksemi. Sambært punkt 7 í semju, ið vísir til § 25, stk.3 í sáttmálanum skal skúlin gera avtalu við Undirvísingar- og Mentarmálastýrið viðvíkjandi tímum til "ikki floksbýtt virksemi". Miðjað verður ímóti, at fáa eina avtalu ílag, har skúlin í Klaksvík fær 5-6 tímar um vikuna.

Skúlin skal spara tkr. 80, ið skal nýtast til at dekka nakað av meirútreiðslunum í Suðuroy

7.23.1 Ymsar útreiðslur:

Eftirútbúgving og skeið:
Konto 9.23.1.34.11 skal lækkast við tkr. 327 til tkr. 1.612

Vit hava valt at raðfesta neyðugu upphæddinar til beinleiðis útbúgving fram um játtan til efturútbúgving og skeið. Nettomeirnýtslan er tí bókað á hesi konto.