1-1 Uppskot til løgtingsfíggjarlóg 2000
Skjal B.q.
Ummæli frá trivnaðarnevndini
sambært § 24, stk. 3, í tingskipanini í løgtingsmáli nr. 1-1/1999: Uppskot til løgtingsfíggjarlóg fyri 2000
Við skrivi, dagfest 21. oktober 1999, hevur fíggjarnevndin biðið trivnaðarnevndina um at ummæla § 8 í fíggjarlógini.
Nevndin hevur viðgjørt málið á fundum 22., 25., 26. og 29. oktober og 1. og 2 november 1999.
Nevndin hevur gjøgnumgingið omanfyrinevndu grein og hevur undir viðgerðini býtt seg í ein meiriluta og ein minniluta.
Ein meiriluti (Páll á Reynatúgvu, Finnur Helmsdal, Rúna Sivertsen og Jóanis Nielsen) hevur hesar viðmerkingar.
Eftir at hava viðgjørt § 8, sambært § 24, stk. 3, í tingskipanini, metir meirilutin, at avsetingarnar á fleiri økjum eru ógreiðar, og at ógvusligar rættingar og dagføringar eru neyðugar á økinum. Meirilutin mælir tí fíggjarnevndini til at hyggja nærri at § 8 í uppskotinum til løgtingsfíggjarlóg 2000.
Vísandi til spurningar trivnaðarnevndarinnar og svar uppá hesar frá Almanna- og Heilsumálastýrinum fær fíggjarnevndin vónandi fatan av niðurstøðu okkara.
Hjálagt er avrit av samskifti millum trivnaðarnevndina og Almanna- og Heilsumálastýrið.
Somuleiðis eru hjáløgd avrit av skjølum, send trivnaðarnevndini undir viðgerðini.
Meirilutin nýtir eisini her høvi at viðmerkja, at arbeiðslagið hjá Almanna- og Heilsumálastýrinum í sambandi við avgreiðsluna av hesum máli ikki hevur verið nøktandi.
Rúna Sivertsen hevur hesar viðmerkingar til svarini upp á fyrispurningar viðvíkjandi kt. 8.20.3.10, Klaksvíkar Sjúkrahús:
Sjúkrahúsráðið hevur í skrivi, dagfest 2. nov. 99, upplýst fyri trivnaðarnevndini, at tey ikki hava fingið fíggjarætlanina fyri ár 2000 til viðgerðar.
Tá tað frá Almanna- og Heilsumálastýrinum, Helenu Dam á Neystabø og Høgna Joensen, verður upplýst, at orsøkin til ógvusliga niðurskurðin í játtanini til Klaksvíkar Sjúkrahús er, at fólkagrundarlagið er á leið tað sama, sum fyri Suðuroyðar Sjúkrahús, so er hetta ikki rætt: Tað búgva gott 800 fólk fleiri í Norðuroyggjum enn í Suðuroy. Hartil kemur, at KS í fleiri ár hevur verið upptøkuøki fyri alt landið á einum serøki, nevniliga innan ortopædkirurgi. Tá mett verður um virksemi á teimun trimun sjúkrahúsunum, mugu øll tøl nýtast, t.d. slag av viðgerðum, hvussu nógvar viðgerðir o.s.fr.v.
Víðari verður sagt, at um KS ikki megnar at taka ímóti øllum teimum sjúklingum, ið vístir verða til KS, mugu hesir sjúklingar fara til onnur sjúkrahús í Føroyum: Helena Dam á Neystabø tosar móti betri vitan, tá hon sigur slíkt, tí í árunum frá 1988 - 1997, bæði ár íroknað, vórðu gjørdar 296 aloplastikkir á KS, í 1998 55 og í 1999 58.
Eisini verður sagt, at eitt árið vórðu ongar aloplastikkir gjørdar á KS, og at tær ístaðin vórðu gjørdar í Havn: Síðani í 1988 hava alloplastikkir verið gjørdar á KS hvørt ár. Fæst vórðu gjørdar í 1992 og 1993 og flest í 1999, tó ongantíð færri enn 15. Hvørki av hinum báðum sjúkrahúsunum hava umstøður til at gera hesar skurðviðgerðir.
Landstýrismaðurin vísir á, at aktiviteturin á KS, í høvuðsheitum stendst av arbeiði, ið yvirlæknar á Landssjúkrahúsinum gera á KS: Grundin til hetta er, at fysisku karmarnir á LS ikki eru til staðar, tá tað kemur til knø- og mjadnaútskiftingar, og at tað eftir øllum at døma ikki er arbeiðsfriður á LS. At eingin ortopædiskur yvirlækni í løtuni er á KS kemst av tí ótryggleika, ið starvsfólkið har kennir, orsakað av hvørt einasta ár at fáa boð um stórar skerjingar í játtani. Grundgevingarnar hjá landstýrismanninum fyri at gera hesa skerjing er púra burturvið og eigur at verða gjøllað kannað av fíggjarnevdini.
Tað er harmiligt at staðfesta, at svarini frá Almanna- og Heilsumálastýrinum ikki eru røtt og ei heldur samsvara við tey tøl, ið fyriliggja.
Ein minniluti (Hans Pauli Strøm, Kristian Magnussen og Marjus Dam) vísir
fíggjarnevndini samanfatandi á fylgjandi viðvíkjandi grein 8, Almanna- og heilsumál:
Yvirlit yvir nakrar høvuðskonti í grein 8 (alm. og heilsumál) - tølini eru nettotøl | ||||||
Korrigerað |
||||||
játtan 1999 |
Munur millum |
Munur millum |
||||
(játtan 1999 |
framroknaðan |
ætlan 2000 |
||||
pluss væntað |
Framroknað |
rakstur 1999 |
og |
|||
eykajáttan |
rakstrartøl |
og |
Fíggjar- |
framroknaðan |
||
vegna lønar- |
1999 |
korrigerað |
ætlan |
rakstur |
||
Høvuðskonto | hækking 1999) |
(út frá 09.99) |
játtan 1999 |
2000 |
fyri 1999 |
|
20304 | Landssjúkrahúsið | 231,6 |
237,2 |
-5,6 |
232,2 |
-5,0 |
20310 | Klaksv. Sjúkrah. | 41,4 |
42,8 |
-1,4 |
38,1 |
-4,7 |
20315 | Suðuroyar Sjúkrah. | 29,4 |
30,8 |
-1,4 |
29,0 |
-1,8 |
21604 | Eldrarøkt | 154,0 |
171,9 |
-17,9 |
158,1 |
-13,8 |
21701 | Vanlig forsorg | 82,7 |
99,2 |
-16,5 |
83,0 |
-16,2 |
Tils. | 539,1 |
581,9 |
-42,8 |
540,4 |
-41,5 |
|
21801 | Fólkapensjón | 265,3 |
288,4 |
-23,1 |
278,6 |
-9,8 |
21804 | Avlamispensjón | 134,0 |
142,8 |
-8,8 |
138,9 |
-3,9 |
21807 | Einkjupensjón | 2,3 |
2,5 |
-0,2 |
||
21816 | Nýggjar pensjónir | 26,2 |
26,2 |
|||
Tils. | 401,6 |
433,7 |
-32,1 |
443,7 |
12,5 |
|
Sambært landsstýrismanninum eru 40 mió.kr. á løgtingsfíggjarlógini fyri ár 2000 | ||||||
merktar til nýggjar veitingar, sum ikki vóru í 1999 - nevnliga til nýggja pensjónslóggávu, | ||||||
herí javning og hækking av pensjónum. Nettotali av 40 mió.kr. er 37,3 mió.kr. | ||||||
(tá inntøka frá kommunum 6,75% er frároknað) | -37,3 |
|||||
Útfrá hesum fyritreytum manglar sostatt í ætlanunum hjá landsstýrinum | ||||||
á hesum nevndu høvuðskonti fyri ár 2000: | -66,3 |
Henda talva er viðløgd meira útgreinað
Viðvíkjandi pensjónunum: Sí rættleiðing
Viðmerking viðvíkjandi ætlanum landsstýrisins um at hækka fólkapensjónina komandi ár:
Sum ávíst er í talvuni omanfyri, kunnu vit staðfesta, at ikki er pláss fyri nakrari veruligari pensjónshækking yvirhøvur, um samgongan ikki vil vera við til at hækka játtanina til pensjónsøkið munandi komandi ár.
Umframt tað sum er nevnt omanfyri, hava vit hesar viðmerkingar til serstakar konti:
Trivnaðarnevndin, 5 november 1999
Páll á Reynatúgvu
formaður
Marjus Dam
næstformaður
Hans Pauli Strøm
Kristian Magnussen
Rúna Sivertsen
Finnur Helmsdal
Jóanis Nielsen
Yvirlit yvir hjáløgd skjøl:
Skjaladagf. | Frá | Viðvíkjandi |
20.05.1999 | Sjúkrahúsleiðaranum á Landssjúkrahúsinum til Almanna- og heilsumálastýrið | Viðv. játtanini fyri ár 2000. |
12.10.1999 | Landssjúkrahúsinum, fyrisitingini, til Almanna- og heilsumálastýrið | Viðvíkjandi játtanini fyri ár 2000. |
19.10.1999. | Frá Gjaldstovuni | Roknskapar- og játtanaryvirlit viðvíkjandi Grein 8, dagført til 19.10.1999 |
20.10.1999 | Sjúkrahúsráðnum fyri Landssjúkrahúsið til Almanna- og heilsumálastýrið | Viðv. játtanini til Landssjúkrahúsið ár 2000. |
21.10.1999 | Ambulansutænastuni hjá Vága Bjargingarfelag til nevndina | Viðvíkjandi sjúkraflutningi í Vágum |
22.10.1999 | Spurningar frá 6. nevndarfundi 22.10.1999 | Viðvíkjandi § 8 |
25.10.1999 | Sjúkrahúsráðnum fyri Klaksvíkar Sjúkrahús til Helenu Dam á Neystbø, landsstýrismann, | Viðvíkjandi fíggjarligu viðurskiftunum á sjúkrahúsinum |
25.10.1999 | Spurningar frá 7. nevndarfundi 25.10.1999 | Viðvíkjandi § 8 |
26.10.1999 | Ellisheiminum í Vágum til nevndina | Fíggjarviðurskifti stovnsins |
26.10.1999 | Føroya Gjaldstovu | Fsl- játtanarroknskapur viðvíkjandi ymsum almannakonti. |
26.10.1999 | Spurningar frá 8. nevndarfundi 26.10.1999 | Viðvíkjandi § 8 |
29.10.1999 | Spurningar frá 9. nevndarfundi 29.10.1999 | Viðvíkjandi § 8 |
02.11.1999 | Svar frá AHS uppá spurningar frá 6., 7., 8 og 9. trivnaðarnevndarfundi | Viðvíkjandi § 8 |
02.11.1999 | Skriv frá Sjúkrahúsráðnum fyri Klaksvíkar Sjúkrahús til nevndina | Ummæli fíggjarlóg |
02.11.1999 | Skriv frá stuðulsbólkinum hjá Javna í Vágum | Umsókn játtan |
05.11.1999 | Frá minnilutanum í trivnaðarnevndini | Útgreining av tí sum restar í á fíggjarlógini |