Gerðabók uttanlandsnevnd Løgtingsins tingsetan 2007

3. fundur

Ár 2007, mánadagin hin 24. september, kl. 13.15,  var fundur í uttanlandsnevnd Løgtingsins.

Á fundi vóru:

Johan Dahl, formaður

Poul Michelsen møtti fyri Jógvan við Keldu, næstformann

Anfinn Kallsberg

John Johannessen

Kristian Magnussen

Hergeir Nielsen

Jenis av Rana var ikki á fundi.

Skrivari:

Kristina Samuelsen

Til viðgerðar:

1.      Gerðabøkur
Gerðabøkurnar frá fundum 20. august og 18. september vórðu býttar út, lisnar upp og góðkendar.
 

2.      Løgtingsmál nr. 29/2007: Uppskot til samtyktar um at seta í gildi Kyotosáttmálan
Landsstýrismaðurin í innlendismálum, Jacob Vestergaard, kom á fund kl. 13.25 saman við Eyðbjørn Larsen, deildarstjóra á umhvørvisdeildini, og Róki Tummasarson, fulltrúa á umhvørvisdeildini. Teir fóru av aftur fundi kl. 14.05.

Frá landsstýrismanninum í innlendismálum fekk nevndin avrit av skrivi frá Innlendismálaráðnum til danska umhvørvismálaráðharran, Connie Hedegaard, dagfest 31. august 2007, við sjónarmiðunum hjá Innlendismálaráðnum viðvíkjandi framtíðar føroyska útlátinum.

Løgmaður, Jóannes Ejdesgaard, kom á fund kl. 14.05 saman við Marjun Hanusardóttir, løgmansstjóra, Herluf Sigvaldsson, deildarstjóra á uttanlandsdeildini, Kaj P. Mortensen, serfrøðingi á uttanlandsdeildini, og Jákup Paula Joensen, leiðara á umhvørvisstovuni.

Frá løgmanni fekk nevndin avrit av skrivi frá danska umhvørvismálaráðnum til Innlendismálaráðið, dagfest 24. september 2007, har boðað verður frá, at skal fyrivarni fyri Føroyar takast av, mugu Føroyar í tíðarskeiðnum 2008 til 2012 binda seg til eina minking í útlátinum upp á 8% av útlátinum í 1990.
 

3.      Løgtingsmál nr. 14/2007: Uppskot til samtyktar um EFTA og ræði á málum og málsøkjum
Løgmaður varð eisini innkallaður í sambandi við viðgerðina av hesum málinum.

Løgmaður fór av fundi við sínum embætisfólkum kl. 15.05.
 

4.      Løgtingsmál nr. 8/2007: Uppskot til løgtingslóg um broyting í løgtingslóg um ræði á málum og málsøkjum (yvirtøka av málsøkjunum vinnufeløg, vinnugrunnar og ársroknskaparlóggávu)
Viðgerðin av hesum løgtingsmálinum varð útsett.
 

5.      Kunning frá Bjørn Kalsø, landsstýrismanni í fiskivinnumálum, um endurskoðan av NAFO-sáttmálanum í sambandi við ársfund 2007
Landsstýrismaðurin í fiskivinnumálum, Bjørn Kalsø, kom á fund við nevndina kl. 15.10, saman við Andrass Kristiansen, deildarstjóra á Fiskivinnustovuni. Teir fóru av aftur fundi kl. 15.30.

Viðgerðin av uppskotinum til samtyktar um at seta í gildi Kyotosáttmálan helt fram. Uppskot til álit varð skrivað og umrøtt.

Næsti fundur:

Formaðurin setti næsta fund at verða týsdagin hin 25. september, kl. 8.00, við hesi skrá:

1.        Gerðabók

2.        Løgtingsmál nr. 8/2007: Uppskot til løgtingslóg um broyting í løgtingslóg um ræði á málum og málsøkjum (yvirtøka av málsøkjunum vinnufeløg, vinnugrunnar og ársroknskaparlóggávu)

3.        Løgtingsmál nr. 14/2007: Uppskot til samtyktar um EFTA og ræði á málum og málsøkjum

Hesi koma á fund við nevndina:

Kl. 8.15 Umboð fyri Vinnuhúsið í sambandi við viðgerðina av pkt. 2 og 3 á dagsskránni

Kl. 8.45 Landsstýrismaðurin í innlendismálum í sambandi við viðgerðina av pkt. 2 á dagsskránni

Næsti fundur hereftir verður ónsdagin hin 26. september, kl. 8.00, við hesi skrá:

1.        Gerðabók

2.        Løgtingsmál nr. 8/2007: Uppskot til løgtingslóg um broyting í løgtingslóg um ræði á málum og málsøkjum (yvirtøka av málsøkjunum vinnufeløg, vinnugrunnar og ársroknskaparlóggávu)

3.        Løgtingsmál nr. 14/2007: Uppskot til samtyktar um EFTA og ræði á málum og málsøkjum

Hesi koma á fund við nevndina:

Kl. 8.15 Landsstýrismaðurin í vinnumálum í sambandi við viðgerðina av pkt. 2 á dagsskránni

Kl. 8.45 Løgmaður í sambandi við viðgerðina av pkt. 2 og 3 á dagsskránni

Fundur lokin kl. 16.00

Johan Dahl

formaður

/Kristina Samuelsen

skrivari