Gerðabók landsstýrismálanevnd Løgtingsins fyri tingsetuna 2006

17. fundur

Ár 2007, mánadagin hin 7. mai, kl. 9.00 var fundur í landsstýrismálanevnd Løgtingsins.

Á fundi vóru:

Kjartan I. Joensen, formaður

Annita á Fríðriksmørk, næstformaður

Kaj Leo Johannesen

Skrivari:

Jóhanna Arge

Súsanna Danielsen var skrivari viðv. pkt. 3 á dagsskránni, kærumál frá privatum borgara.

Til viðgerðar:

1.      Gerðabókin
Gerðabókin frá 16. fundi varð býtt út, lisin upp og góðkend.
 

2.      Viðv. skrivi frá Løgtingsgrannskoðarunum um umskipanina av Føroyagrunninum frá 1971
Nevndin samtykti at senda Løgtingsgrannskoðarunum soljóðandi skriv:
”Løgtingsgrannskoðararnir hava í skrivi, dagfest 23. mars 2007, spurt landsstýrismálanevndina, nær hon væntandi verður liðug at viðgera málið um umskipanina av Føroyagrunninum frá 1971 til ein vinnurekandi grunn.

Nevndin fekk kunnleika til málið, tá løgmaður í februar 2006 kunnaði nevndina við at senda nevndini avrit av samskifti millum Fíggjarmálaráðið, Landsgrannskoðanina og Løgmansskrivstovuna.

Landsstýrismálanevndin svaraði í mars 2006 løgmanni, at hon skilti brævaskiftið soleiðis, at løgmaður ætlaði at síggja til, at spurningurin um ognarrættin til Føroyagrunnin varð kannaður. Nevndin heitti á løgmann um at kunna nevndina um gongdina í málinum.

Í juni 2006 sendi løgmaður nevndini m.a. avrit av frágreiðing frá Bárði Nielsen, landsstýrismanni, dagfest 14. juni 2006, um gongdina í málinum, tá Føroyagrunnurin varð skrásettur sum vinnurekandi grunnur. Nevndin gjørdi einki við málið á hesum sinni.

Eftir fyrispurningin frá Løgtingsgrannskoðarunum er málið umrøtt á fundum 16. apríl og 7. mai 2007. Nevndin hevur, sum sæst á gjøgnumgongdini omanfyri, mett málið sum eina kunning til nevndina. Nevndin hevur ongantíð tikið málið upp til viðgerðar, og nevndin gjørdi av á seinasta fundi ikki at taka málið til viðgerðar.”
 

3.      Viðv. kæru frá privatum borgara
Málið varð umrøtt. Nevndin gjørdi av ikki at gera meira við málið og at boða kæraranum frá hesum.

Næsti fundur:  

Eingin nýggjur fundur varð ásettur.

Fundur lokin kl. 10.00

Jóhanna Arge

skrivari

Kjartan I. Joensen

formaður

Annita á Fríðriksmørk

næstformaður

Kaj Leo Johannesen