Ár 2000, týsdagin 13. juni, kl. 10.00, varð tingfundur settur.

Løgtingsmenninir Jákup Sverri Kass, Katrin Dahl Jakobsen, Heðin Mortensen, Hergeir Nielsen, Jenis av Rana, landsstýrismenninir Jørgen Niclasen, Eyðun Elttør, Høgni Hoydal og Finnbogi Arge og ríkisumboðsmaðurin vóru ikki á fundi.

Til viðgerðar:

1. Framløga.
   Formaðurin boðaði frá, at fíggjarnevndin hevur lagt fram álit í tingmáli nr. 1-11/1999: Uppskot til eykajáttanarløgtingslóg fyri juni 2000.

Formaðurin bað um frávik, sambært § 85 í tingskipanini, frá tíðarfreistunum millum framløgu av áliti og millum 2. og 3. viðgerð av tingmáli nr. 1-11/1999: Uppskot til eykajáttanarløgtingslóg fyri juni 2000. Samtykt við 17-1-9 atkvøðum.  

Formaðurin boðaði frá, at næsti fundur verður í dag kl 10.30 við hesi dagsskrá:

1. 2. viðgerð av tingmáli nr. 1-11/1999: Uppskot til eykajáttanarløgtingslóg fyri juni 2000.  

Fundur lokin kl. 10.10 

Finnbogi Ísakson
løgtingsformaður

/Beinta Isaksen
skrivari