Ár 2000, týsdagin 29. februar, kl. 13.30, varð tingfundur settur.

Løgtingsmenninir Jóannes Eidesgaard og Hergeir Nielsen og landsstýrismenninir Signar á Brúnni og Finnbogi Arge vóru ikki á fundi.

Farloyvi:
Skriv frá Annitu á Fríðriksmørk, dagfest 29. februar 2000, við umsókn um farloyvi, og at næsti maður á lista Tjóðveldisfloksins í Suðurstreymoyar valdømi tekur sæti á tingi. Samtykt uttan atkvøðugreiðslu, at Hildur Patursson, ið áður hevur verið á tingi, skal taka sæti fyri Annitu á Fríðriksmørk.

Til viðgerðar:

1. Atkvøðugreiðsla um fyrispurning nr. 100-24/1999 til Karsten Hansen, landsstýrismann, frá Bjarna Djurholm, viðvíkjandi bensin- og dieselavgjøldum.
   Samtykt uttan atkvøðugreiðslu, at fyrispurningurin skal svarast.
   
2. 1. viðgerð av tingmáli nr. 56/1999: Uppskot til løgtingslóg um broyting í løgtingslóg um áseting av skatti (Ásetingarlógin).
   Málið beint í fíggjarnevndina.
   
3. 1. viðgerð av tingmáli nr. 57/1999: Uppskot til løgtingslóg um broyting í løgtingslóg um landsskatt og kommunuskatt.
   Málið beint í fíggjarnevndina.
   
   Tingmálini nr. 56 og nr. 57 vórðu viðgjørd undir einum.
   
4. 2. viðgerð av tingmáli nr. 39/1999: Uppskot til løgtingslóg um broyting í løgtingslóg um tær kommunalu fíggjarætlanirnar, ásetan av kommunuskattaprosentinum og kommunalan veðhaldsgrunn v.m.
   §§ 1 og 2 samtyktar 26-0-0. Uppskotið fer soleiðis samtykt til 3. viðgerð.
   
5. 2. viðgerð av tingmáli nr. 40/1999: Uppskot til løgtingslóg um kommunalan láns- og veðhaldsgrunn v.m.
   Broytingaruppskot frá fíggjarnevndini til § 6 samtykt 25-0-0. Uppskotið soleiðis broytt samtykt 24-0-0. Uppskotið fer soleiðis samtykt til 3. viðgerð.
   
6. 2. viðgerð av tingmáli nr. 48/1999: Uppskot til løgtingslóg um broyting í løgtingslóg um viðbót til ávísar pensjónistar v.fl.
   §§ 1 og 2 samtkytar 25-0-0. Uppskotið fer soleiðis samtykt til 3. viðgerð.
   
7. 2. viðgerð av tingmáli nr. 53-1/1999: Grannskoðan av almennum roknskapum: Útvarp Føroya fíggjarárið 1998.
   Uppskot til samtyktar samtykt 25-0-0.
   Málið avgreitt.
   
8. Framløga.
   
   Formaðurin boðaði frá, at løgtingsgrannskoðararnir hava lagt fram tingmálini nr. 53-5/1999: Grannskoðan av almennum roknskapum: Postverk Føroya fíggjarárið 1998, nr. 53-6/1999: Grannskoðan av almennum roknskapum: Føroya Jarðargrunnur fíggjarárið 1998, nr. 53-7/1999: Grannskoðan av almennum roknskapum: Grunnurin fyri vakstrarhús og grønmetisframleiðslu fíggjarárið 1998 og nr. 53-8/1999: Grannskoðan av almennum roknskapum: Apoteksverk Føroya fíggjarárið 1998, at Kristian Magnussen, vegna Javnaðarflokkin, hevur lagt fram tingmálini nr. 58/1999: Uppskot til løgtingslóg um broyting í løgtingslóg um viðbót til ávísar pensjónistar v.fl. og nr. 59/1999: Uppskot til løgtingslóg um broyting í løgtingslóg um áseting og javning av almannaveitingum, at Helena Dam á Neystabø, landsstýrismaður, vegna landsstýrið hevur lagt fram tingmál nr 60/1999: Uppskot til løgtingslóg um broyting í løgtingslóg um royndarskipan innan eldrarøkt í Sandoynni, at Finnbogi Arge, landsstýrismaður, vegna landsstýrið hevur lagt fram tingmálini nr. 61/1999: Uppskot til løgtingslóg um endurgjald til kommunur í sambandi við, at sjóvegis farleiðir hjá Strandfaraskipum Landsins verða lagdar niður og nr. 62/1999: Uppskot til løgtingslóg um broyting í løgtingslóg um ferðslu, og at vinnunevndin hevur lagt fram álit í tingmáli nr. 22/1999: Uppskot til løgtingslóg um skipa- og vørugjøld.

Formaðurin fráboðaði fyrispurning nr. 100-25/1999 til Karsten Hansen, landsstýrismann, frá Jóannes Eidesgaard, løgtingsmanni, viðvíkjandi DEMM-skipanini og Innkrevjingardeildini

Formaðurin setti næsta fund at verða hósdagin 2. mars 2000, kl. 13.30, við hesi dagsskrá:

1. Atkvøðugreiðsla um fyrispuring nr. 100-25/1999 til Karsten Hansen, landsstýrismann, frá Jóannes Eidesgaard, løgtingsmanni, viðvíkjandi DEMM-skipanini og Innkrevjingardeildini
2. 1. viðgerð av tingmáli nr. 55/1999: Uppskot til løgtingslóg um vatnið í sumbiarbergholinum.
3. 1. viðgerð av tingmáli nr. 53-5/1999: Grannskoðan av almennum roknskapum: Postverk Føroya fíggjarárið 1998.
4. 1. viðgerð av tingmáli nr. 53-7/1999: Grannskoðan av almennum roknskapum: Grunnurin fyri vakstrarhús og grønmetisframleiðslu fíggjarárið 1998.
5. 1. viðgerð av tingmáli nr. 61/1999: Uppskot til løgtingslóg um endurgjald til kommunur í sambandi við, at sjóvegis farleiðir hjá Strandfaraskipum Landsins verða lagdar niður.
6. Svar uppá fyrispurning nr. 100-21/1999 til Signar á Brúnni, landsstýrismann, frá Jógavn á Lakjuni, løgtingsmanni, viðvíkjandi summarfrítíðini hjá miðnámsskúlunum.
7. Framløga.

 Fundur lokin kl. 16.15.  

Finnbogi Ísakson
løgtingsformaður

/Marius Rein
skrivari