Ár 2000, hósdagin 27. januar, kl. 13.30, varð tingfundur settur.

Løgtingsmenninir Rúna Sivertsen og Jóannes Eidesgaard, landsstýrismenninir Jørgen Niclasen, Signar á Brúnni, Eyðun Elttør og Helena Dam á Neystabø og Ríkisumboðsmaðurin vóru ikki á fundi.

Til viðgerðar:

1. 3. viðgerð av tingmáli nr. 26/1999: Uppskot til løgtingslóg um flyting av veðhaldi fyri lánum hjá Telefonverki Føroya Løgtings.
   Uppskotið, sum samtykt við 2. viðgerð, endaliga samtykt 20-2-2.
   Málið avgreitt.
   
2. 1. viðgerð av tingmáli nr. 45/1999: Uppskot til løgtingslóg um broyting í løgtingslóg um toll.
   Málið beint í fíggjarnevndina.
   
3. 1. viðgerð av tingmáli nr. 46/1999. Uppskot til løgtingslóg um broyting í løgtingslóg um meirvirðisgjald.
   Málið beint í fíggjarnevndina.
   
4. 1. viðgerð av tingmáli nr. 47/1999: Uppskot til løgtingslóg um broyting í løgtingslóg um ferðslu.
   Málið beint í rættarnevndina.
   

Formaður fráboðaði fyrispuring nr. 100-20/1999 til Karsten Hansen, landsstýrismann, frá Flemming Mikkelsen, løgtingsmanni, viðvíkjandi serskatting av hjúnum.

Formaðurin setti næsta fund at verða týsdagin 1. februar 2000, kl. 10.00, við hesi skrá:

1. Atkvøðugreiðsla um fyrispuring nr. 100-20/1999 til Karsten Hansen, landsstýrismann, frá Flemming Mikkelsen, løgtingsmanni, viðvíkjandi serskatting av hjúnum.
2. Aðalorðaskifti um frágreiðing, sambært grein 51, stk. 4, í tingskipanini, frá løgmanni um uttanlandsmál 1999/2000, løgtingsmál nr. 101-5/1999.
3. Framløga.

 Fundur lokin kl. 15.50. 

Finnbogi Ísakson
løgtingsformaður

/Marius Rein
skrivari