Gerðabók
Føroya Løgtings fyri tingsetuna 1999 |
42. fundur |
Týsdagur 25. januar 2000 |
kl. 13.30 |
Ár 2000, týsdagin 25. januar, kl. 13.30, varð tingfundur settur.
Løgtingsmenninir Jógvan við Keldu og Dan R. Petersen, landsstýrismenninir Jørgen
Niclasen og Signar á Brúnni og Ríkisumboðsmaðurin vóru ikki á fundi.
Til viðgerðar:
- 2. viðgerð av tingmáli nr. 26/1999:
Uppskot til løgtingslóg um flyting av veðhaldi fyri lánum hjá Telefonverki Føroya
Løgtings.
§§ 1 og 2 samtyktar 24-0-3. Uppskotið fer soleiðis samtykt til 3. viðgerð.
- 1. viðgerð av tingmáli nr. 36/1999:
Uppskot til ríkislógartilmæli um broyting í ríkislógini fyri Føroyar um
rættargang.
Málið beint í rættarnevndina.
- 1. viðgerð av tingmáli nr. 44/1999:
Uppskot til løgtingslóg um broyting í løgtingslóg um áseting av skatti.
Málið beint í fíggjarnevndina.
- 1. viðgerð av tingmáli nr. 41/1999:
Løgtingslóg um broyting í løgtingslóg um skattligar avskrivingar v.m.
Málið beint í fíggjarnevndina.
- 1. viðgerð av tingmáli nr. 42/1999:
Uppskot til løgtingslóg um broyting í løgtingslóg um landsskatt og kommunuskatt.
Málið beint í fíggjarnevndina.
- 1. viðgerð av tingmáli nr. 43/1999:
Uppskot til løgtingslóg um broyting í løgtingslóg um skrásetingargjald á
motorakførum v.m.
Málið beint í fíggjarnevndina.
Málini nr. 41, 42 og 43 vórðu viðgjørd undir einum.
Fundur niðurlagdur kl. 16.45.
Fundur uppafturtikin kl. 16.55.
- Helena Dam á Neystabø , landsstýrismaður, svaraði fyrispurningi nr. 100-12/1999
frá Finni Helmsdal, løgtingsmanni, viðvíkjandi fyribyrging móti tubaksnýtslu.
Málið avgreitt.
- Framløga.
Formaðurin boðaði frá, at Karsten Hansen, landsstýrismaður, vegna landsstýrið
hevur lagt fram tingmálini nr. 45/1999:
Uppskot til løgtingslóg um broyting í løgtingslóg um toll og nr. 46/1999: Uppskot
til løgtingslóg um broyting í løgtingslóg um meirvirðisgjald, og at Katrin Dahl
Jakobsen, vegna Javnaðarflokkin, hevur lagt fram tingmál nr. 47/1999:
Uppskot til løgtingslóg um broyting í løgtingslóg um ferðslu.
Formaðurin fráboðaði fyrispurning nr. 100-18/1999
til Signar á Brúnni, landsstýrismann, frá RúnuSivertsen, løgtingsmanni, um
Skúlan á Trøðni og Sernámsdepilin og fyrispurning nr. 100-19/1999
til Finnboga Arge, landsstýrismann, frá Lisbeth L. Petersen, løgtingsmanni,
viðvíkjandi barnsburðargrunni.
Formaðurin boðaði frá, at nevndin, ið vald er til at viðgera tingmál nr. 27/1999:
Uppskot til løgtingslóg um Løgtingsins umboðsmann, hevur skipað seg við Jenis av
Rana sum formanni og Sámal Petur í Grund sum næstformanni.
Formaðurin setti næsta fund at verða mikudagin 26. januar 2000, kl. 13.30, við hesi
skrá:
- Ófráboðaðir fyrispurningar.
- Løgmaður leggur fram tingmál nr. 101-5/1999: Frágreiðing frá løgmanni um
uttanlandsmál 1999/2000.
- Atvkøðugreiðsla um fyrispurning nr. 100-18/1999
til Signar á Brúnni, landsstýrismann, frá Rúnu Sivertsen, løgtingsmanni, um Skúlan
á Trøðni og Sernámsdepilin.
- Atkvøðugreiðsla um fyrispurning nr.
100-19/1999 til Finnboga Arge, landsstýrismann, frá Lisbeth L. Petersen,
løgtingsmanni, viðvíkjandi barnsburðargrunni.
- 1. viðgerð av tingmáli nr. 38/1999:
Uppskot til løgtingslóg um skyldu arbeiðsgevaranna at boða løntakarunum frá um
setanartreytir teirra.
- Svar uppá fyrispurning nr. 100-13/1999
til Jørgen Niclasen, landsstýrismann, frá Tórbjørn Jacobsen, løgtingsmanni,
viðvíkjandi lóggávu, ið gevur Føroya Landsstýri sera víðar heimildir
viðvíkjandi stuðli og veðhaldum á fiskivinnuøkinum.
- Framløga.
Fundur lokin kl. 17.25
Finnbogi Ísakson
løgtingsformaður
/Marius Rein
skrivari