Gerðabók
Føroya Løgtings fyri tingsetuna 1999 |
39. fundur |
Týsdagur 18. januar 1999 |
kl. 13.30 |
Ár 2000, týsdagin 18. januar, kl. 13.30, varð tingfundur settur.
Løgtingsmenninir Páll á Reynatúgvu, Heini O. Heinesen, Tórbjørn Jacobsen og
Jákup Sverri Kass vóru ikki á fundi.
Til viðgerðar:
- 1. viðgerð av tingmáli nr. 20/1999:
Uppskot til ríkislógartilmæli um at seta í gildi fyri Føroyar "lov om
patienters retsstilling".
Málið beint í trivnaðarnevndina.
- 1. viðgerð av tingmáli nr. 28/1999:
Uppskot til løgtingslóg um álíkning, innkrevjing, eftirlit o.a. í sambandi við
skatting av inntøku av kolvetnisvirksemi. (Kolvetnisskattafyrisitingarlógin).
Málið beint í fíggjarnevndina.
- Signar á Brúnni, landsstýrismaður, svaraði fyrispurningi nr. 100-11/1999
frá Rúnu Sivertsen, løgtingsmanni, viðvíkjandi Skúlanum á Trøðni.
Málið avgreitt.
- Framløga.
Formaðurin boðaði frá, at Javnaðarflokkurin legði fram løgtingsmálini nr. 37/1999:
Uppskot til løgtingslóg um broyting í løgtingslóg um ferðslu og nr. 38/1999:
Uppskot til løgtingslóg um skyldu arbeiðsgevaranna at boða løntakarunum frá um
setanartreytir teirra. Anfinn Kallsberg, løgmaður, hevur vegna landsstýrið lagt fram
tingmálini nr. 15/1999:
Uppskot til samtyktar um góðkenning av millumlanda sáttmála frá 4. apríl 1997 um
mannarættindi og lívlæknafrøði, nr.
39/1999: Uppskot til løgtingslóg um tær kommunalu fíggjarætlanirnar, ásetan av
kommunuskattaprosentinum og kommunalan veðhaldsgrunn v.m. og tingmál nr.
40/1999: Uppskot til løgtingslóg um kommunalan láns- og veðhaldsgrunn v.m.
Rættarnevndin legði fram álit í løgtingsmáli nr. 21/1999:
Uppskot til løgtingslóg um broyting í løgtingslóg um evnisskráir hjá almennum
myndugleikum.
Formaðurin boðaði frá fyrispurningi nr.
100-16/1999 til Anfinn Kallsberg, løgmann, frá Jákup Sverra Kass, løgtingsmanni,
viðvíkjandi núverandi føroysku valskipanini og nr. 100-17/1999
til Helenu Dam á Neystabø, landsstýrismann, frá Jógvan við Keldu, løgtingsmanni,
viðvíkjandi føroyska sjúkrahúsverkinum.
Tikið av dagsskrá:
Val av nevnd sambært § 25 í tingskipanini til viðgerð av tingmáli nr. 27/1999:
Uppskot til løgtingslóg um Løgtingsins umboðsmann.
Formaðurin boðaði frá, at næsti fundur verður hósdagin 20. januar 2000, kl.
13.30 við hesi dagsskrá:
- Atkvøðugreiðsla um fyrispurning nr. 100-16/1999
til Anfinn Kallsberg, løgmann, viðvíkjandi núverandi føroysku valskipanini.
- Atkvøðugreiðsla um fyrispurning nr. 100-17/1999
til Helenu Dam á Neystabø, landsstýrismann, frá Jógvan við Keldu, viðvíkjandi
føroyska sjúkrahúsverkinum.
- 1. viðgerð av tingmáli nr. 37/1999:
Uppskot til løgtingslóg um broyting í løgtingslóg um ferðslu.
- 2. viðgerð av tingmáli nr. 21/1999:
Uppskot til løgtingslóg um broyting
í løgtingslóg um evnisskráir hjá almennum myndugleikum.
- Svar upp á fyrispurning nr. 100-12/1999
til Helenu Dam á Neystabø, landsstýrismann, frá Finni Helmsdal, løgtingsmanni,
viðvíkjandi fyribyrging móti tubaksnýtslu.
- Framløga.
Fundur lokin kl. 17.25
Finnbogi Ísakson
løgtingsformaður
/Beinta Isaksen
skrivari