Ár 1999, hósdagin 9. desember, kl. 13.30, varð tingfundur settur.

Marjus Dam, løgtingsmaður, landsstýrismenninir Høgni Hoydal, Signar á Brúnni og Helena Dam á Neystabø og Ríkisumboðsmaðurin vóru ikki á fundi.

Til viðgerðar:

1. Atkvøðugreiðsla um fyrispurning nr. 100-13/1999 til Jørgen Niclasen, landsstýrismann, frá Tórbjørn Jacobsen, løgtingsmanni, viðvíkjandi lóggávu, ið, gevur Føroya Landsstýri sera víðar heimildir viðvíkjandi stuðli og veðhaldum á fiskivinnuøkinum.
   Samtykt uttan atkvøðugreiðslu, at fyrispurningurin skal svarast.
   
2. 1. viðgerð av tingmáli nr. 23/1999: Uppskot til løgtingslóg um umskipan av Føroya Lívstrygging.
   Málið beint í vinnunevndina.
   
3. 1. viðgerð av tingmáli nr. 24/1999: Uppskot til løgtingslóg um broyting í løgtingslóg um tryggingarvirksemi.
   Málið beint í vinnunevndina.
   
4. 1. viðgerð av tingmáli nr. 22/1999: Uppskot til løgtingslóg um skipa- og vørugjøld.
   Málið beint í vinnunevndina.
   

Tikið av dagsskrá:
1. viðgerð av tingmáli nr. 26/1999: Uppskot til løgtingslóg um flyting av veðhaldi fyri lánum hjá Telefonverki Føroya Løgtings.

Formaðurin setti næsta fund at verða týsdagin 14. desember 1999, kl. 13.30, við hesi skrá:

1. 2. viðgerð av tingmáli nr. 1-6/1999: Eykafíggjarlóg 1999.
2. 1. viðgerð av tingmáli nr. 26/1999: Uppskot til løgtingslóg um flyting av veðhaldi fyri lánum hjá Telefonverki Føroya Løgtings.
3. Framløga.

Fundur lokin kl. 16.30.

Finnbogi Ísakson
løgtingsformaður

/Marius Rein
skrivari