Ár 1999, týsdagin 16. november, kl. 13.30, varð tingfundur settur.

Landsstýrismenninir Jørgen Niclasen og Finnbogi Arge vóru ikki á fundi.

Formaðurin boðaði frá, at Jákup Sverri Kass aftur hevur tikið sæti á tingi.

Farloyvi:

Skriv frá Sámal Petur í Grund, dagfest 16. november 1999, við umsókn um farloyvi, og at næsti maður á lista Sjálvstýrisfloksins í Eysturoyar valdømi tekur sæti á tingi. Samtykt uttan atkvøðugreiðslu, at Kári P. Højgaard, ið áður hevur verið á tingi, skal taka sæti fyri Sámal Petur í Grund.

Til viðgerðar:

1. Signar á Brúnni, landsstýrismaður, legði fram tingmál nr. 101-3/1999: Frágreiðing sambært grein 51, stk. 4, í tingskipanini um ráðlegging av útbúgvingar- og granskingarpolitikki í framtíðini og í sambandi við sjálvstýrisverkætlanina.
   
2. 1. viðgerð av tingmáli nr. 1-3/1999: Uppskot til eykajáttanarløgtingslóg fyri november 1999 – 1.
   Málið beint í fíggjarnevndina.
   
3. 1. viðgerð av tingmáli nr. 1-4/1999: Uppskot til eykajáttanarløgtingslóg fyri november 1999 – 2.
   Málið beint í fíggjarnevndina.
   
   Tingmálini nr. 1-3/1999 og nr. 1-4/1999 vórðu viðgjørd undir einum.
   
4. 2. viðgerð av tingmáli nr. 11/1999: Uppskot til løgtingslóg um broyting í løgtingslóg um avgjøld í samband við panting.
   §§ 1 og 2 samtyktar 21-0-0. Uppskotið fer soleiðis samtykt til 3. viðgerð.
   
5. 3. viðgerð av tingmáli nr. 5/1999: Uppskot til ríkislógartilmæli um at seta í gildi fyri Føroyar "lov nr. 359 af 2. juni 1999 om undersøgelse af politiets efterretningsvirksomhed på det politiske område og af de aktiviteter, der var baggrund for denne virksomhed".
   Ríkislógartilmæli, sum samtykt við 2. viðgerð, endaliga samtykt 21-0-0.
   Málið avgreitt.
   
6. Framløga

Formaðurin boðaði frá, at Kristian Magnussen, vegna Javnaðarflokkin, hevur lagt fram tingmál nr. 1-5/1999: Uppskot til eykajáttanarløgtingslóg fyri november 1999 – 3, og at uttanlandsnevndin hevur lagt fram álit í tingmálunum nr. 9/1999: Uppskot til løgtingslóg um leiðbeinandi fólkatkvøðu um samráðingargrundarlagið fyri nýggjari føroyskari stjórnarskipan og nr. 13/1999: Uppskot til samtyktar um tilráðingar frá Útnorðurráðnum í 1999 og um frágreiðing um virki ráðsins í 1999.

Formaðurin setti næsta fund at verða hósdagin 18. november 1999, kl. 13.30, við hesi skrá:

1. 3. viðgerð av tingmáli nr. 11/1999: Uppskot til løgtingslóg um broyting í løgtingslóg um avgjøld í samband við panting.
2. 2. viðgerð av tingmáli nr. 9/1999: Uppskot til løgtingslóg um leiðbeinandi fólkatkvøðu um samráðingargrundarlagið fyri nýggjari føroyskari stjórnarskipan.
3. 2. viðgerð av tingmáli nr. 13/1999: Uppskot til samtyktar um tilráðingar frá Útnorðurráðnum í 1999 og um frágreiðing um virki ráðsins í 1999.
4. 1. viðgerð av tingmáli nr. 1-5/1999: Uppskot til eykajáttanarløgtingslóg fyri november 1999 – 3.
5. Framløga.

Fundur lokin kl. 15.55 

Finnbogi Ísakson
løgtingsformaður

/Marius Rein
skrivari