Ár 1999, mikudagin 22. september, kl. 13.30, varð fundur settur.

Løgtingsmenninir Jákup Suni Joensen og Marjus Dam, løgmaður, Jørgen Niclasen, landsstýrismaður og ríkisumboðsmaðurin vóru ikki á fundi.

Farloyvi:
Skriv frá Joan Ziskason, dagfest 16. september 1999, ið boðar frá, at hon ikki kann taka sæti á tingi í tíðarskeiðnum 18. september til 15. oktober 1999, og biður um, at næsti maður á lista Javnaðarfloksins í Suðurstreymoyar valdømi tekur sæti á tingi. Formaðurin heitti á løgtingsmenninar Vilhelm Johannesen, Alfred Olsen og Jóanis Nielsen um at kanna valbrøvini fyri Javnaðarflokkin í Suðurstreymoyar valdømi. Vilhelm Johannesen mælti til, vegna seg sjálvan, Alfred Olsen og Jóanis Nielsen, at Bergur P. Dam tekur sæti á tingi fyri Joan Ziskason.  Samtykt uttan atkvøðugreiðslu.

Til viðgerðar:

1. Munnligir fyrispurningar.
   
2. Finnbogi Arge, landsstýrismaður, svaraði fyrispurningi nr. 100-4/1999 frá Henrik Old, løgtingsmanni, um sigling hjá Strandferðsluni millum Havnina og Vág.
   Málið avgreitt.

Tikið av dagsskrá:

Svar uppá fyrispurning nr. 100-3/1999 til Finnboga Arge, landsstýrismann, frá Henrik Old, løgtingsmanni, um tunnil millum Hov og Øravík.

Formaðurin setti næsta fund at verða hósdagin 23. september 1999, kl. 13.30, við hesi dagsskrá:

1. 1. viðgerð av tingmáli nr. 1-2/1999: Uppskot til eykajáttanarløgtingslóg fyri september 1999.
2. Framløga.

Fundur lokin kl. 14.45

Finnbogi Ísakson
løgtingsformaður

/Marius Rein
skrivari