Ár 1999, hósdagin 4. mars, kl. 13.30 varð tingfundur settur.

Løgtingsmenninir Jóanis Nielsen, Bjarni Djurholm, Rúna Sivertsen og Vilhelm Johannesen, landsstýrismenninir Karsten Hansen, Jørgen Niclasen, Signar á Brúnni og Finnbogi Arge og ríkisumboðsmaðurin vóru ikki á fundi.

Til viðgerðar:

1. 1. viðgerð av tingmáli nr. 85/1998: Uppskot til løgtingslóg um arbeiðsumhvørvi.
   Málið beint í trivnaðarnevndina.

2. Helena Dam á Neystabø, landsstýrismaður, svaraði fyrispurningi nr. 100-9/1998 frá Óla Breckmann, løgtingsmanni, viðvíkjandi pensjónsreformi.

Málið avgreitt.

1. viðgerð av tingmáli nr. 86/1998: Uppskot til løgtingslóg um endurgjald til Arbeiðsmarknaðareftirlønargrunnin, 1. viðgerð av tingmáli nr. 87/1998: Uppskot til løgtingslóg um broyting í løgtingslóg um arbeiðsmarknaðareftirlønargrunn, 1. viðgerð av tingmáli nr. 89/1998: Uppskot til løgtingslóg um broyting í løgtingslóg um stuðul til rentuútreiðslur av lánum, 1. viðgerð av tingmáli nr. 16-2/1998: Grannskoðan av almennum roknskapum: Menningargrunnur Ídnaðarins fíggjarárini 1996 og 1997 og 1. viðgerð av tingmáli nr. 16-3/1998: Grannskoðan av almennum roknskapum: Føroya ídnaðargrunnur fíggjarárini 1996 og 1997.

Formaðurin setti næsta fund at verða fríggjadagin 5. mars 1999 kl. 10.00 við hesi dagsskrá:

1. Svar uppá fyrispurning nr. 100-32/1998 til Karsten Hansen, landsstýrismann, frá Jóannes Eidesgaard, løgtingsmanni, viðvíkjandi játtanarmannagongdum.
2. 1. viðgerð av tingmáli nr.16-4/1998: Grannskoðan av almennum roknskapum: Íleggingargrunnurin fyri Føroyar fíggjarárini 1993-1997.
3. 1. viðgerð av tingmáli nr. 16-5/1998: Grannskoðan av almennum roknskapum: Telefonverk Føroya Løgtings fyri fíggjarárini 1993-97.
4. 1. viðgerð av tingmáli nr. 89/1998: Uppskot til løgtingslóg um broyting í løgtingslóg um stuðul til rentuútreiðslur av lánum.
5. Framløga.