Gerðabók Føroya Løgtings fyri tingsetuna 1998 | ||
42. fundur |
Fríggjadagur 22. januar 1999 |
kl. 13.30 |
Ár 1999, fríggjadagin 22. januar, kl. 13.30 varð tingfundur settur.
Løgtingsmenninir Flemming Mikkelsen, Marjus Dam og Hergeir Nielsen og landsstýrismenninir Karsten Hansen, Signar á Brúnni, Finnbogi Arge og Eyðun Elttør vóru ikki á fundi.
Farloyvi:
Skriv frá Óla Breckmann, løgtingsmanni, dagfest 20. januar 1999, um farloyvi frá
22. januar 1999 10 dagar fram, og at næsti maður á lista Fólkafloksins í
Suðurstreymoyar valdømi tekur sæti. Samtykt uttan atkvøðugreiðslu, at Katrin
Johansen, ið áður hevur verið á tingi, skal taka sæti fyri Óla Breckmann.
Til viðgerðar:
1. Framløga.
Trivnaðarnevndin legði fram álit í tingmálunum nr. 19/1998: Uppskot til ríkislógartilmæli um "lov om videnskabsetisk komitésystem og behandling af biomedicinske forskningsprojekter" og nr. 60/1998: Uppskot til ríkislógartilmæli um "lov om patientforsikring".
Rættarnevndin legði fram álit í tingmálunum nr. 61/1998: Uppskot til ríkislógartilmæli um at seta í gildi fyri Føroyar "lov om ændring af lov for Færøerne om rettens pleje og for Færøerne om retsafgifter", nr. 62/1998: Uppskot til ríkislógartilmæli um at seta í gildi fyri Føroyar "lov om Domstolsstyrelsen og af ændring af konkursloven" og nr. 63/1998: Uppskot til ríkislógartilmæli um at seta í gildi fyri Føroyar lóg um broyting í lóg fyri Føroyar um rættargang v.m.
Vinnunevndin legði fram álit í tingmáli nr. 51/1998: Uppskot til løgtingslóg um stuðul til flutning av fiski.
Formaðurin fráboðaði hesar fyrispurningar: Nr. 100-21/1998 til Finnboga Arge, landsstýrismann, frá Jenis av Rana, løgtingsmanni, viðvíkjandi innflutningi av matvørum, nr. 100-22/1998 til Anfinn Kallsberg, løgmann, frá Óla Breckmann, løgtingsmanni, viðvíkjandi setan av fólki í almenn størv 1998 og ætlan fyri 1999, nr. 100-23/1998 til Jørgen Niclasen, landsstýrismann, frá Bjarna Djurholm, løgtingsmanni, viðvíkjandi innflutnings- og fiskiloyvinum til Frøyanes, nr. 100-24/1998 til Jørgen Niclasen, landsstýrismann, frá Jákup Sverra Kass og Vilhelm Johannesen, løgtingsmonnum, viðvíkjandi innflutningsloyvinum til norskan línubát, nr. 100-25/1998 til Anfinn Kallsberg, løgmann, frá Lisbeth L. Petersen, løgtingsmanni, viðvíkjandi løgtingslóg um stýrisskipan Føroya og nr. 100-26/1998 til Finnboga Arge, landsstýris-mann, frá Hergeir Nielsen, løgtingsmanni, viðvíkjandi nýggjum Suðuroyarskipi.
Formaðurin setti næsta fund at verða týsdagin 26. januar 1999 kl. 13.30 við hesi dagsskrá:
Fundur lokin kl. 14.00
Finnbogi Ísakson
løgtingsformaður
/Marius
Rein
skrivari