Ár 1998, týsdagin 8. desember, kl. 13.30 varð tingfundur settur.

Farloyvi:
Skriv frá Sámal Petur í Grund, løgtingsmanni, dagfest 8. desember 1998, um farloyvi til 20. desember 1998, og at næsti maður á lista Sjálvstýrisfloksinsa í Eysturoyar valdømi tekur sæti á tingi. Formaðurin heitti á tingmenninar Bjarna Djurholm, Páll á Reynatúgvu og Hergeir Nielsen um at kanna, hvør næstur er á lista Sjálvstýrisfloksins í Eysturoyar valdømi. Bjarni Djurholm mælti til, vegna seg sjálvan, Páll á Reynatúgvu og Hergeir Nielsen, at Kári P. Højgaard tekur sæti á tingi fyri Sámal Petur í Grund. Samtykt uttan atkvøðugreiðslu.

Til viðgerðar:

1. 3. viðgerð av tingmáli nr. 18/1998: Uppskot til løgtingslóg um útjavningarstuðul til útjaðaraøki.
   Broytingaruppskot frá Jógvan á Lakjuni, Jákup Suna Joensen, Heina O. Heinesen, Henrik Old og Jákup Sverra Kass til § 2 samtyk 31-1-0. Uppskotið sum samtykt við 2. viðgerð og soleiðis broytt endaliga samtykt 32-0-0
   Málið avgreitt.
   
2. 2. viðgerð av tingmáli nr. 1-5/1998: Eykafíggjarløgtingslóg fyri 1998.
   Uppskotið samtykt 31-0-0. At málið soleiðis samtykt kann fara yvir til 3. viðgerð samtykt uttan atkvøðugreiðslu.
   
3. 2. viðgerð av tingmáli nr. 54/1998: Uppskot til løgtingslóg um broyting í løgtingslóg um føroyskan happadrátt.
   §§ 1 og 2 samtyktar 31-0-0. At málið soleiðis samtykt kann fara yvir til 3. viðgerð samtykt uttan atkvøðugreiðslu.
   
4. 2. viðgerð av tingmáli nr. 55/1998: Uppskot til løgtingslóg um broyting í løgtingslóg um eydnuspæl v.m.
   §§ 1 og 2 samtyktar 30-0-0. At málið soleiðis samtykt kann fara yvir til 3. viðgerð samtykt uttan atkvøðugreiðslu.
   
5. 2. viðgerð av tingmáli nr. 56/1998: Uppskot til løgtingslóg um broyting í løgtingslóg um ítróttarvedding.
   Broytingaruppskot frá samdari rættarnevnd til § 1 samtykt 29-0-0. Uppskotið soleiðis broytt samtykt 29-0-0. At málið soleiðis samtykt kann fara yvir til 3. viðgerð samtykt uttan atkvøðugreiðslu.
   
6. 1. viðgerð av tingmáli nr. 66/1998: Uppskot til løgtingslóg um grundlógarnevnd.
   Málið beint í rættarnevndina.
   
7. Framløga:
   Karsten Hansen, landsstýrismaður, legði fram tingmálini nr. 68/1998: Uppskot til løgtingslóg um broyting í løgtingslóg landsskatt og kommunuskatt og nr. 71/1998: Uppskot til løgtingslóg um broyting í løgtingslóg um landsskatt og kommunuskatt

Tikið av dagsskrá:
1. viðgerð av tingmáli nr. 60/1998: Uppskot til ríkislógartilmæli um "lov om patientforsikring", 1. viðgerð av tingmáli nr. 65/1998: Uppskot til broyting í løgtingslóg um stuðul til uppihaldspening og val av nevningagrundlistanevndum.

Formaðurin setti næsta fund at verða hósdagin 10. desember 1998 kl. 13.30 við hesi dagsskrá:

1. Munnligir fyrispurningar.
2. 1. viðgerð av tingmáli nr. 60/1998: Uppskot til ríkislógartilmæli um "lov om patientforsikring".
3. 1. viðgerð av tingmáli nr. 65/1998: Uppskot til broyting í løgtingslóg um stuðul til uppihaldspening.
4. 1. viðgerð av tingmáli nr. 68/1998: Uppskot til løgtingslóg um broyting í løgtingslóg um landsskatt og kommunuskatt.
5. 1. viðgerð av tingmáli nr.71/1998: Uppskot til løgtingslóg um broyting í løgtingslóg um landsskatt og kommunuskatt.
   Tingmálini nr. 68 og nr. 71 verða viðgjørd undir einum
6. Val av nevningagrundlistanevndum.
7. Framløga.

Fundur lokin kl. 18.30.

Finnbogi Ísakson
løgtingsformaður

                                                                    /Marius Rein
                                                                skrivari