Gerðabók
Føroya Løgtings fyri tingsetuna 1998 |
27. fundur |
Hósdagur 3. december 1998 |
kl. 13.30 |
Ár 1998, hósdagin 3. desember, kl. 13.30 varð tingfundur settur.
Eyðun Viderø, løgtingsmaður og Signar á Brúnni, landsstýrismaður, vóru ikki á
fundi.
Til viðgerðar:
- 2. viðgerð av tingmáli nr. 26/1998:
Góðkenning av rammuavtalu millum Føroya Landsstýri og Grønlands Landsstýri um
sínámillum fiskirættindi.
Broytingaruppskot frá samdari uttanlandsnevnd samtykt 28-0-0.
Uppskot til samtyktar soleiðis broytt samtykt 29-0-0.
Málið avgreitt.
- 2. viðgerð av tingmáli nr. 28/1998:
Góðkenning av millumtjóða sáttmála um sosiala forsorg og sosialar tænastur.
Uppskot til samtyktar samtykt 28-0-0
Málið avgreitt.
- Finnbogi Arge, landsstýrismaður, svaraði fyrispurningi nr.100-7/1998
frá Heðin Mortensen, løgtingsmanni, viðvíkjandi ferðavinnu í Føroyum.
Málið avgreitt.
- Finnbogi Arge, landsstýrismaður, svaraði fyrispurningi nr.100-8/1998
frá Heðin Mortensen, løgtingsmanni, viðvíkjandi kunningardiskinum á flogvøllinum.
Málið avgreitt.
- 1. viðgerð av tingmáli nr. 1-5/1998: Eykafíggjarlóg
fyri 1998.
Málið beint beinleiðis til 2. viðgerð.
- 1. viðgerð av tingmáli nr. 64/1998: Uppskot til
ríkislógartilmæli um at seta í gildi fyri Føroyar "forslag til lov om tilskud
til Færøernes hjemmestyre for årene 1999-2001".
Málið beint í fíggjarnevndina.
- Framløga.
Rættarnevndin legði fram álit í tingmálunum nr. 54/1998: Uppskot
til løgtingslóg um broyting í løgtingslóg um føroyskan happadrátt, nr. 55/1998: Uppskot
til løgtingslóg um broyting í løgtingslóg um eydnuspæl v.m. og nr. 56/1998:
Uppskot til løgtingslóg um broyting í løgtingslóg um ítróttarvedding.
Landskassaroknskapurin fyri fíggjarárið 1997 varð latin tingmonnum.
Formaðurin fráboðaði fyrispurningi nr. 100-12/1998
til Finnboga Arge, landsstýrismann, frá Rúnu Sivertsen, løgtingsmanni, viðvíkjandi
ferðaætlanina um Leirvíksfjørð
Tikið av dagsskrá:
1. viðgerð av tingmáli nr. 66/1998: Uppskot
til løgtingslóg um grundlógarnevnd og val av nevningagrundlistanevndum.
Formaðurin setti næsta fund at verða fríggjadagin 4. desember 1998 kl. 10.00
við hesi dagsskrá:
- Atkvøðugreiðsla um fyrispurningi nr. 100-12/1998
til Finnboga Arge, landstýrismann, frá Rúnu Sivertsen, løgtingsmanni, viðvíkjandi
ferðaætlanina um Leirvíksfjørð.
- 3. viðgerð av tingmáli nr. 44/1998:
Uppskot til løgtingslóg um broyting í løgtingslóg um stuðul til bygging av
fiskiførum á føroyskum skipasmiðjum til útflutnings.
- 3. viðgerð av tingmáli nr. 47/1998:
Uppskot til løgtingslóg um broyting í løgtingslóg um Lønjavningargrunn.
- 3. viðgerð av tingmáli nr. 48/1998:
Uppskot til løgtingslóg um broyting í løgtingslóg um Forskotsgrunn Fiskiflotans.
- 2. viðgerð av tingmáli nr. 18/1998: Uppskot
til løgtingslóg um útjavningarstuðul til útjaðaraøki.
- 1. viðgerð av tingmáli nr. 59/1998: Uppskot
til ríkislógartilmæli um at seta í gildi fyri Føroyar lóg um endurgjaldsábyrgd.
- 1. viðgerð av tingmáli nr. 61/1998:
Uppskot til ríkislógartilmæli um at seta í gildi fyri Føroyar "lov om ændring
af lov for Færøerne om rettens pleje og for Færøerne om retsafgifter".
- 1. viðgerð av tingmáli nr. 62/1998: Uppskot til
ríkislógartilmæli um at seta í gildi fyri Føroyar "Lov om Domstolsstyrelsen og
af ændring af konkursloven".
- 1. viðgerð av tingmáli nr. 63/1998: Uppskot
til ríkislógartilmæli um at seta í gildi fyri Føroyar lóg um broyting í lóg um
Føroyar um rættargang v.m.
- Framløga.
Fundur lokin kl. 18.10
Finnbogi Ísakson
løgtingsformaður
/Marius
Rein
skrivari