Gerðabók Føroya Løgtings fyri tingsetuna 1998 | ||
20. fundur |
Fríggjadagur 13. november 1998 |
kl. 13.30 |
Ár 1998, fríggjadagin 13. november, kl. 13.30 varð tingfundur settur.
Løgtingsmenninir Jørgen Niclasen, Óli Breckmann, Jóannes Eidesgaard og Flemming Mikkelsen vóru ikki á fundi.
Farloyvi:
Skriv frá Jógvan við Keldu, dagfest 12. november1998, um farloyvi og at næsti maður á lista Fólkafloksins í Norðoyar valdømi tekur sæti á tingi. Samtykt uttan atkvøðugreiðslu at Jógvan Lützen, ið áður hevur verið á tingi, tekur sæti fyri Jógvan við Keldu.
Skriv frá Jenis av Rana, dagfest 8. november1998, um farloyvi frá 13. november 1998 til 22. november 1998 og at næsti maður á lista Miðfloksins í Suðurstreymoyar valdømi tekur sæti á tingi. Formaðurin heitti á Vilhelm Johannesen, Alfred Olsen og Jógvan Durhuus um at kanna, hvør næstur er á lista Miðfloksins í Suðurstreymoyar valdømi. Vilhelm Johannesen mælti til, vegna seg sjálvan, Alfred Olsen og Jógvan Durhuus, at Álvur Kirke tekur sæti fyri Jenis av Rana. Samtykt uttan atkvøðugreiðslu.
Til viðgerðar:
1. 1. viðgerð av tingmáli nr. 32/1998: Uppskot
til løgtingslóg um yrkisskúlar.
Málið beint í mentanarnevndina.
2. 1. viðgerð av tingmáli nr. 33/1998:
Uppskot til løgtingslóg um yrkisútbúgvingar.
Málið beint í mentanarnevndina.
Løgtingsmálini nr. 32 og 33 vórðu viðgjørd undir einum.
3. 1. viðgerð av tingmáli nr. 19/1998:
Uppskot til ríkislógartilmæli um "lov om videnskabsetisk komitésystem og
behandling af biomedicinske forskningsprojekter".
Málið beint í trivnaðarnevndina.
4. Framløga
Henrik Old, løgtingsmaður, legði vegna Javnaðarflokkin fram tingmál nr. 58/1998: Uppskot til løgtingslóg um stuðul til lemmatrolarar. Helena Dam á Neystabø, landsstýrismaður, legði vegna løgmann fram tingmál nr. 57/1998: Uppskot til løgtingslóg um minstuløn og dagstudning.Vinnunevndin legði fram álit í tingmáli nr. 23/1998: Uppskot til løgtingslóg um broyting í løgtingslóg um kapping
Formaðurin fráboðaði fyrispurning nr. 100-9/1998 til Helenu Dam á Neystabø,
landsstýrismann, frá Óla Breckmann, løgtingsmanni, viðvíkjandi pensjónsreformi og
fyrispurning nr. 100-10/1998 til Anfinn Kallsberg, løgmann og landsstýrismann í
fiskivinnumálum, frá Henrik Old, løgtingsmanni, viðvíkjandi sølum yvir
uppboðssølu.
Tikið av dagsskrá:
1. viðgerð av tingmáli nr. 27/1998: Uppskot til løgtingslóg um broyting í løgtingslóg um stuðul til útróðrarflotan undir 20 BRT, 1. viðgerð av tingmáli nr. 28/1998: Góðkenning av millumtjóða sáttmála um sosiala forsorg og sosialar tænastur, 1. viðgerð av tingmáli nr. 52/1998: Avtala um fyrisiting av várgýtandi norðhavssildini, 1. viðgerð av tingmáli nr. 30/1998: Uppskot til løgtingslóg um gjald av vinningi við burturluting v.m, 1. viðgerð av tingmáli nr. 36/1998: Uppskot til løgtingslóg um broyting í løgtingslóg um ferðagjald, 1. viðgerð av tingmáli nr. 54/1998: Uppskot til løgtingslóg um broyting í løgtingslóg um føroyskan happadrátt, 1. viðgerð av tingmáli nr. 55/1998: Uppskot til løgtingslóg um broyting í løgtingslóg um eydnuspæl v.m. og 1. viðgerð av tingmáli nr. 56/1998: Uppskot til løgtingslóg um broyting í løgtingslóg um ítróttarvedding.
Formaðurin setti næsta fund at verða týsdagin 17. november 1998 kl. 13.30 við hesi dagsskrá:
Fundur lokin kl. 17.30
Finnbogi Ísakson
løgtingsformaður
/Marius Rein
skrivari