Gerðabók Føroya Løgtings fyri tingsetuna 1998 | ||
16. fundur |
Týsdagur 27. oktober 1998 |
kl. 10.00 |
Ár 1998, týsdagin 27. oktober, kl. 10.00 varð tingfundur settur.
Ríkisumboðsmaðurin var ikki á fundi.
Farloyvi:
Skriv frá Óla Breckmann, dagfest 27. oktober 1998, um farloyvi 10 dagar fram, og at
næsti maður á lista Fólkafloksins í Suðurstreymoyar valdømi tekur sæti á tingi.
Formaðurin heitti á Vilhelm Johannesen, Alfred Olsen og Jørgen Niclasen um at kanna,
hvør næstur er á lista Fólkafloksins í Suðurstreymoyar valdømi. Alfred Olsen mælti
til, vegna seg sjálvan, Vilhelm Johannesen og Jørgen Niclasen, at Katrin Johansen tekur
sæti fyri Óla Breckmann. Samtykt uttan atkvøðugreiðslu.
Til viðgerðar:
1. Framløga
Henrik Old legði vegna Javnaðarflokkin fram tingmálini nr.
1-4/1998:
Uppskot til eykajáttanarlóg oktober 1998 - 2 og nr. 18/1998: Uppskot til løgtingslóg
um útjavningarstuðul til útjaðaraøki.
2. 3. viðgerð av tingmáli nr. 8/1998:
Uppskot til løgtingslóg um Føroya Realkreditstovn (Realin).
Broytingaruppskot til § 17 frá Jørgen Niclasen, Vilhelm Johannesen, Jógvan Durhuus,
Heina O. Heinesen,Sámal Petur í Grund, Flemming Mikkelsen og Eilif Samuelsen samtykt
30-0-0. Uppskotið, sum samtykt við 2. viðgerð og broytt við 3. viðgerð, endaliga
samtykt 30-0-0. Málið avgreitt.
3. 3. viðgerð av tingmáli nr.
9/1998: Uppskot til løgtingslóg um umsiting av gjaldførislánum.
Uppskotið, sum samtykt við 2. viðgerð, endaliga samtykt 30-0-0. Málið avgreitt.
4. Framløga:
Fíggjarnevndin legði fram álit II í tingmáli nr. 1-3/1998:
Uppskot til eykajáttanarlóg fyri oktober 1998. Vinnunevndin legði fram álit í
tingmálunum nr. 10/1998: Uppskot til løgtingslóg um broyting í løgtingslóg um
Føroyska Altjóða Skipaskrá, nr. 11/1998: Uppskot til løgtingslóg um broyting í
løgtingslóg um bjargingarútgerð á opnum bátum og á førum undir 20 tons (BRT/GT) og
nr. 12/1998: Uppskot til løgtingslóg um avtøku av løgtingslóg um vaktar- og
bjargingartænastuna.
5. 1. viðgerð av tingmáli nr. 17/1998: Uppskot til samtyktar um løgtingslóg um sosialar pensiónir og javning av almannaveitingum. Málið beint í trivnaðarnevndina.
Fundur niðurlagdur kl. 12.05 og uppafturtikin kl. 13.30
6. Framhaldandi 2. viðgerð av tingmáli nr. 1-3/1998:
Uppskot til eykajáttanarlóg fyri oktober 1998.
Broytingaruppskot frá Vilhelm Johannesen til § 8. 8.11.1.08.23 fall 14-3-14.
Broytingaruppskot frá samdari fíggjarnevnd samtykt 20-4-7. § 2. 2.17.1. samtykt 18-7-6.
Uppskot landsstýrisins soleiðis broytt samtykt 22-5-4. At málið soleiðis samtykt kann
fara yvir til 3. viðgerð samtykt uttan atkvøðugreiðslu.
Formaðurin setti næsta fund at verða fríggjadagin 30. oktober 1998 kl. 10.00 við hesi dagsskrá:
1. 3. viðgerð av tingmáli nr. 1-3/1998: Uppskot til eykajáttanarlóg fyri oktober 1998.
2. 2. viðgerð av tingmáli nr. 10/1998: Uppskot til løgtingslóg um broyting í løgtingslóg um Føroyska Altjóða
Skipaskrá.3. 2. viðgerð av tingmáli nr. 11/1998: Uppskot til løgtingslóg um broyting í løgtingslóg um bjargingarútgerð á
opnum bátum og á førum undir 20 tons (BRT/GT).4. 2. viðgerð av tingmáli nr. 12/1998: Uppskot til løgtingslóg um avtøku av løgtingslóg um vaktar- og
bjargingartænastuna.5. 1. viðgerð av tingmáli nr. 1-4/1998: Uppskot til eykajáttanarlóg oktober 1998 - 2.
6. 1. viðgerð av tingmáli nr. 18/1998: Uppskot til løgtingslóg um útjavningarstuðul til útjaðaraøki.
7. Framløga.
Fundur lokin kl. 16.40
Finnbogi Ísakson
løgtingsformaður
/Marius Rein
skrivari