Ár 1998, fríggjadagin 23. oktober, kl. 10.00 varð tingfundur settur.

Løgtingsmenninir Vilhelm Johannesen, Edmund Joensen og Hergeir Nielsen, løgmaður og ríkisumboðsmaðurin vóru ikki á fundi.

Formaðurin boðaði frá, at fráboðan er komin frá løgmanni, dagfest 23. oktober 1998, um at John Petersen hevur biðið um farloyvi sum landsstýrismaður, og at løgmaður hevur játtað hesi umbøn. Løgmaður tekur við politisku ábyrgdini av teimum málsøkjum, sum John Petersen hevur umsitið sum landsstýrismaður. Formaðurin hevur eisini fingið skriv frá John Petersen, dagfest 22. oktober 1998, har hann boðar frá, at hann ikki ynskir at taka tingsessin aftur undir farloyvinum úr landsstýrinum, men at verandi varamaðurin Eyðun Viderø heldur fram í hansara stað.

1.    Atkvøðugreiðsla um fyrispurning nr. 100-6/1998 til Helenu Dam á Neystabø, landsstýrismann, frá Kristian
       Magnussen, løgtingsmanni, viðvíkjandi barnaansingarviðurskiftum.
       Samtykt uttan atkvøðugreiðslu, at fyrispurningurin skal svarast.

2.    2. viðgerð av tingmáli nr. 1-3/1998: Uppskot til eykajáttanarlóg fyri oktober 1998.
                                                Fundur niðurlagdur kl. 12.00.
                                                Fundur uppafturtikin kl. 13.30.
       Uppskot frá Heina O. Heinesen um at beina málið aftur í nevnd samtykt 11-9-8. Málið beint í fíggjarnevndina.

3.    2. viðgerð av tingmáli nr. 8/1998: Uppskot til løgtingslóg um Føroya Realkreditstovn (Realin).
       §§ 1 - 18 samtyktar 28-0-0. At málið soleiðis samtykt kann fara yvir til 3. viðgerð samtykt uttan
       atkvøðugreiðslu.

4.    2. viðgerð av tingmáli nr. 9/1998: Uppskot til løgtingslóg um umsiting av gjaldførislánum.
       §§ 1 - 5 samtyktar 28-0-0. At málið soleiðis samtykt kann fara yvir til 3. viðgerð samtykt uttan
       atkvøðugreiðslu.

5.    2. viðgerð av tingmáli nr. 13/1998: Góðkenning av ST sáttmála um forboð móti
       kjarnorkuroyndarspreingingum.
       Uppskot til samtyktar samtykt 28-0-0.
       Málið avgreitt.

6.    2. viðgerð av tingmáli nr. 14/1998: Handilssáttmáli við Estland.
       Uppskot til samtyktar samtykt 28-0-0.
       Málið avgreitt.

7.    2. viðgerð av tingmáli nr. 15/1998: Góðkenning av Millumlandasáttmála um Havumhvørvisvernd fyri
       Landnyrðingsatlantshav (Convention for the Protection of the Marine Environment of the North-East
       Atlantic).
       Broytingaruppskot frá samdari uttanlandsnevnd samtykt 28-0-0.
       Uppskotið til samtyktar soleiðis broytt samtykt 28-0-0.
       Málið avgreitt.

8.    2. viðgerð av tingmáli nr. 16-1/1998: Grannskoðan av almennum roknskapum - landsroknskapir 1992-1994.
       Uppskot til samtyktar samtykt 28-0-0.
       Málið avgreitt.

9.    Framløga:
       Kristian Magnussen, løgtingsmaður, legði vegna Javnaðarflokkin fram tingmál nr. 17/1998: Uppskot til
       samtyktar um løgtingslóg um sosialar pensiónir og javning av almannaveitingum.

Fundur niðurlagdur kl. 14.40
Fundur uppafturtikin kl. 15.20

Formaðurin setti næsta fund at verða týsdagin 27. oktober 1998 kl. 10.00 við hesi dagsskrá:

1. 3. viðgerð av tingmáli nr. 8/1998: Uppskot til løgtingslóg um Føroya Realkreditstovn (Realin).
2. 3. viðgerð av tingmáli nr. 9/1998: Uppskot til løgtingslóg um umsiting av gjaldførislánum.
3. 1. viðgerð av tingmáli nr. 17/1998: Uppskot til samtyktar um løgtingslóg um sosialar pensiónir og javning av almannaveitingum.
4. Framløga

Fundur lokin kl. 15.20

Finnbogi Ísakson
løgtingsformaður
                                                    /Marius Rein
                                            skrivari